YOB22
Elifas Lakple Aadiki Kanya
1Ninfɛ di Elifas, Teman otii nwu ladiki kanya alɛ:2“Otii kadie kɔya anta Yaa?Otii wɔ niebe ni anu kadie kɔya antɔɔ?3Ɔmɛ suoto lɛyɔɔ dibata Nnwɔ Ninlenke ni nse otii tinini faale?Obe atabawɛ kaamɛ nse fɛ ole kuonwii nnaa di sisuku lɛfɔ?4“Mmle fanyɛkɛ nwɔ ni oso ananfi fɔ kootokoan-yɔ kafɔɔ ɔlaa di suoto lɛfɔ?5Diele akpilesaa lɛfɔ nimpɔ nɛ?Sikpile lɛfɔ kafɔɔ nnaa ni kase oso?6Feefũ asaa di babilee-suɔtɔbi ɔkyɛ kasakasa;feediki asaa di batii suoto, feediɛ ma basi akyɔtɔ.7Fatata otukɔnsɔ bakleetɛ ntu baanyifaasĩ alesaa ɔyɔ ɔta kɔka bakleetɛ,8nu faale otii wɔ niawɛ ni osie, faawɛ ni kasɔ-otii wɔ niawɛ ni dibu, faasiɛ ni di kasɔ nwu suoto.9Faatososa bakpisɔfɔ baasifi- nnɛɛ fukuti,faabla kafɔɔ bakuɛbi amumu.10Nkpo oso di akyĩ lɛmana fɔ eekyi,di lɛyɛkɛ kafɔɔ lefua fɔ nɛ,11diɛtɛ diɛwɔfɔ nkpo alɛ flɔɔnya,di ntu be nieyii ni kafɔɔ letĩi fɔ nɛ.12“Diele osi, osi di Yaa nkpe?Ɔɔnya mmle di awɛntrɛbi ya niɛtaka osi alenke nii!13Kafɔɔ fambuɛ falɛ, ‘Obe di Yaa n-ye?Anka lɛka anfenko di ditunu le mmle kamɛ?14Alokonkyɛ pinle nwu letĩi nwɔ, nioso ɔlɔɔnya wodi mmle ankyɛ ankyi ni di kolo osi.’15Fabakyɛ di osuku kofole nwudi batii kpile nwu lakyɛ ni?16Baatuka ma baasifiko fiɛ di obe lɛma lawo,ntu oyii nwu lafiɛ asɔse lɛma aasifiko.17Mantɔkɔ Yaa alɛ, ‘Kyɛ wo di ɔlɔɔkɔ!Obe lɛsaa di Nnwɔ Ninlenke ni kafuo ɔbla ɔta wo?’18Kafɔɔ nnwɔɔ niata ayo lɛma layii ku asaa biene nɛ,nioso ami lɛblasa suoto di batii kpile kɔka suoto.19“Batininitɛ nnya kawɔɔ lɛma, suoto n-yɔɔ ma;mba ninankpi ni lɛpɔɔ mma ma, mambuɛ alɛ,20‘Nwaako batɔɔwɔɔsa balo loo,ɔtɔ kafɔɔ ntɔɔfiɛ lɛsaawɛ lɛma nwu.’21“Bla onwii ku Yaa, faasiɛ di atoko ɔkyɛ ole kamɛ ku nnwɔɔ;di osuku wɔ mmle suoto yi, dibalɛ ninta fɔ.22Fũ asaa otuo fakyeko ɔkyɛ nɔɔ,faayɔ kafɔɔ sɛlaa nɔɔ fakpee di otu lɛfɔ kamɛ.23Nse feekple feesifi Nnwɔ Ninlenke ni nfũ yi, abakplesa asaa lɛfɔ anta fɔ:Nse feediki asaa kpile ɔbla fanfa di lɛkpaayo lɛfɔ,24fɛɛyɔ koto sɛɛle lɛfɔ feekpee di kudu kamɛ,Ofir koto sɛɛle lɛfɔ nwu di afuɔnkpaa suoto di awɛ nwu kamɛ yi,25ni Nnwɔ Ninlenke ni kamale koto sɛɛle lɛfɔ,koto fututu ko niefũ ni kɔya kuɔta fɔ nii.26Ni nwaako fabanya suoto lɛyɔɔ di Nnwɔ Ninlenke ni kamɛ,ni fabatakatɛsa anu lɛfɔ katoo fanta Yaa.27Fabapɛ ɔlaa fantɔɔ, antuna anta fɔ kafɔɔ,fambla kafɔɔ di ɔlaa lɛfɔ wɔ feebuɛ fɛɛtɛ ni kanya.28Lɛsaa le fɛɛtɛ ni ɔbla kamalɛ ninta fɔ,lɛkpa kafɔɔ kamakpa di sisuku lɛfɔ suoto.29Nse bɛɛwakosa batii kasɔ, feebuɛ falɛ, ‘Bitakatɛsa ma katoo!’ni abadiki mba bɛɛwakosa ni kasɔ.30Abadiki bia nnwɔ niekpi ni lɛpɔɔbabadiki fɔ diefe ni di nnɛɛ lɛfɔ be nieklekle ni oso.”The Seed Company