2 तिमथ्या2
1तियाहा काजे ए माआ पोर्या, तू तियी मेरवानी वाअहीं जे ख्रिस्त ईसुमेहें आमाआ होय, ताकतवालु ओत जा,2आन जे गोठी तू जाअखीलाहा साक्शीदारोअ सामने मापोअ रोत उनाअयुहू, तियींही विश्वासी माअहुंहूं होपी दे; जे बिहीराहा बी सिकाड़ीलाअ हाजी आवे.3ख्रिस्त ईसुउ हाजा सेयनिकोअ होस माअरी दुख वेठेए.4जेहेलाम एखू सेयनिक लड़ाय कोऊ जाहे, ताहां याअकाजे के तियाआ भरती कोअनाराहा खुस कोए; तिहींवाअहीं तो सोताहा दुन्याआ कामोमेहें ने फसाड़तू.5फाशोअ बारामेहें लड़ाय कोअनारु जर नियमोअ परमाणे ने लड़े, ताहां तियाहा बक्शीस ने जोड़नारो.6जो खेतोअ कोअनारु मेहेंनत कोअहे, तियाहा फलवाअ इसु पेल जोड़ुहूं जोवे.7जों आंय कोहो तियापोअ ध्यान दे, आन प्रभु ताहूं आखी गोठीइ समज आपे.8ईसु ख्रिस्ताहा ओर मिक,जो दाविदोअ पारवाड़ीमेहें रोत ओवू आन मोल्यामेहें रोत जिवीत उठ्यू, आन ओं माआ हाजी बातमीइ पुरमाणे होय.9जियाअ काजे आंय खाराब कामे कोअनाराअ होस दुख वेठोहो, एतोहो जाआं के जेलेम बी होंव; पोन देवोअ वसन बांदाअलो कायनाहां.10याअकाजे आंय निवड़ीइल्या माहुंउं काजे आखोज वेठोहो, के ते बी तियी सुटकाहा जे ख्रिस्त ईसुमेहें होय हादाफल्यीइ महिमा जोड़ीत सेके.11ए गोठ खोरी होय,के जर आपू तियाअरी मोइत गोयेहे,ताहां तियाअरी जिवहूं बी;12जर आपू धिर तोइत वेठते रोहूं,ताहां तियाअरी राज बी कोअनारे;जर आपू तियाआ नाकार कोअहूं,ताहां तो बी आपाअ नाकार कोए;13जर आपू बिगर विश्वासी बी ओय,तेबी तो इमानदार बोणीत रोहे,काहाके तो सोताआ सोभावोअ विरुद्द नाहां वागित सेकतु.14यीं गोठीइ तियांहां ओर कोइत आप आन प्रभुउ सामने हेकी दे, काहाके शब्दापोअ भान्गड़ ने कोअहूं जोवे, जिहीं वाअहीं कीज फायदू कायनाहां ओवतु, पोन उनाअनारे आरवात जातेहे.15तु सत्य वसनोहो बोराबर पद्दतीवाअहीं कोत आपनारु एहलुहू, आन जों काम कोअहे तिहींम ने लाजवाअनारु एहलुहू, आन देवोहो गोमनारो काम कोअनारु बोणिइलोअ कोशित कोअ.16पोन फोगायीइ गोठी रोत वासाइत रो, काहाके एहलेहे माअहें फाशेए बी विणभक्तीमेहें वादते जानारे.17आन तियांआं वसन बरजीइनारा दुक्ताआ होस पसरीइतो जानारो. तियांमेर्याआ हुमिनयुस आन फिलेतुस होय.18जे पुनरुत्थान ओत सुकोहो एहें कोत कोइत सत्याम रोत भटकीत गोयाहा, आन केताहा जोओंअ तेबी विश्वास सेली देताहा.19तेबी देवोअ पायू पाक्कू बोणीत रोहे, आन तियापोअ ओ साप लागुहू: “प्रभु तियाआ कोर्याआ माहुंहूं ओलखेहे,” आन “जों कोडो प्रभुउ नाव लेहे, तों खाराब कामोम रोत वासाइत रोअहूं जोवे.”20वोडा कोअमेहें होनान सांदी एतेज नाहां, पोन लाकड़ुउ आन कादवोअ बासने बी रोतेहे; एखू-एखू खास कामोअ काजे, आन एखू-एखू किरकोड़ कामोअ काजे.21जर एखो सोताहा यांमेहें रोत सोको ओवे, ताहां तों आदरोअ बासन आन पवित्र ठरे; आन मालख्योअ कामोम आवे, आन हारेक हाजा कामोअ काजे तियार कोअल्या बासनोअ होस बोणे.22जुवानीमेएं लालसोमेहें रोत सेटे रो, आन जें सोका मोनोवाअहीं प्रभुउ नाव लेतेहे तियांअरी धर्मी, आन विश्वास, आन मेर, आन होक यीं गोठीइ फाट लाग.23पोन फोगायीइ आन बिगर बुद्दीइ भान्गड़ीम रोत आलांग रो, काहाके ताहूं मुंदू होय के यांवाअहीं भान्गड़्यी उत्पन्न ओवतीही.24प्रभुउ सेवक राड़गाट्यु ने जोवे, पोन तो आखाअरी हाजू आन शिक्शणोम हुशार आन धिर खेटनारु जोवे.25तो दुस्मोनोहों नम्रतावाअहीं समजाड़ुहूं जोवे, की मुंदू देव तियांहां मोन फेरवीइलाअ मोन आपे, आन तें बी सत्याहा ओलखे,26आन यावाअहीं सैताने तियाआ मोर्जी पुरी कोइलाआ काजे तोइत लेत गोयुहू, तिया फांदाम रोत सुटीइलोअ काजे तें सुद्दीपोअ आवित सेके.
The Word for the World International