2 तिमथ्या3
1पोन ओं ओर मिक के आखरीइ दिहोमेहें कठीण वेल आवनारी होय.2काहाके माहें उपकार ने जांअनारे इजऱ्ये, लालसी, बोड़ाय कोअनारे, वोडाय कोअनारे, निंदा कोअनारे, आयहीन आब्हाअ गोठी ने माननारे, मदत ने कोअनारे, विणधर्मी,3दया ने कोअनारे, माफ ने कोअनारे, साड़ग्ये, मोनोपोअ ताबू ने मिकनारे, हाजाहा पसन ने कोअनारे,4विश्वास तोड़नारे, ठोहजात रोनारे, वोडाय कोअनारे, देवोअ मेर नाहां पोन दुन्यादारीइ मेर होदनारे.5तें भक्तीइ वेहे तोअनारे, पोन देवोअ सेक्तीही ने माननारे; एहेला माअहोंअ रोत सेटे रोवा.6यांजमेर्येए तें माअहें होय जें कोअमेहें होल्याज फोहीत आवतेहे, आन तियीं सेत्राअली बोईंहीं, जे पापोवाअहीं दाबाइत आन हारेक जातीइ लालसोम पोआत होय, तियींहीं ताबाम कोइत लेतेहे,7आन ते सादाज हिकाअती रोतीही, पोन सत्याआ पुरी ओकलेए जागे जाआं नाहां पोत्ती.8जेहेंकोइत यान्नेस आन यम्ब्रेसे मोशेए विरोध कोअयुतो, तेहेंज कोइत एं बी सत्याआ विरोध कोअतेहे; एं एहेलेहे माअहें होय, जियांआं बुद्दी खाराब ओत गोयीही आन तें विश्वासोअ बाप्तिमेहें वाया गोल्ये माहें होय.9पोन एं माहें यारोत आगाड़ी नाहां वोदीत सेक्ते, काहाके जेहेंकोइत तियांआं फोगाय आखा माअहुंहूं देखात गोयी, तेहेंज कोइत यांअ बी फोगाय देखात जाय.10पोन तु माआं हिकाड़ल्यी गोठी, माआं सोभाव, माआं मोनोअ इश्शा लेत साल्यू; माआं विश्वास, माआं सहन कोइलोअ सेक्ती, माआं मेर, माआं धिर तोइलोअ, माआं तारास वेठीइलो आन मापोअ आवल्यी आफत तुमे ओलखीत लेदीही.11अंताकिया आन इकुनियुम आन लुस्रामेहें जो विरोध वेठ्यु आन जो तारास आंय सहन कोअयू तों आखो ताहूं मुंदू होय, पोन प्रभु माहूं तियां आखाम रोत वासाड़ीत लेदू.12पोन जेते बी जोएं ख्रिस्त ईसुमेहें सोको जिवन जिवीइलो कोअतेहे तियां आखाहा तारास सहन वेठुहूंज पोड़े;13पोन पापी आन ठोगनारे माहें धोकु देतेज आन धोकु खातेज, बिगड़ीइतेज जाते रोनारे.14पोन तू जे गोठी सिकाअयुहू आन विश्वास कोअयुहू, ते वातड़ी तोइत रो, आन ओर मिक के ते गोठी तू कोड्ला माअहूं पोअ रोत सिकाअयुहू.15आन तु हानू ओतू तोयोंअ रोतुज वसन ताहूं मुंदू होय, जों ताहूं ख्रिस्तापोअ विश्वासो वाअहीं सुटका ताआ कोइलो काजे ताहूं बुद्दीमान बोणावीत सेकेहे.16पुरो वसन देवोअ विसारो वाअहीं लेखाअयोहो आन ओं सिकाड़ीलोअ, समजाड़ीलोअ, आन हुदारीइलोअ, आन धार्मिकताआ शिक्शणोअ काजे फायदाआ होय.17काहाके देवोअ माहुंउं हुदो बोणे, आन हारेक हाजा कामोअ काजे तियार ओत जाअहूं जोवे.
The Word for the World International