2 BaKolinte5
1Nokuti toziba kuti kana unshasha mwatigele wopenyika ungozakunyulwa, tina nechibakwa chinova kunaMwali, ingumba isakabakwa namaboko, yemisi isinopela kumatenga.2Yopano chokomende tikumumimila, akale tikumulakamila kumbala ingumba yedu yokudenga,3kutila kuti kuyimbala kwedu kute kuti tisiwanikwe tili chinkuna.4Nokuti kana tichimunshasha yoyu, totula ibhika lyokubilila, nokuti atidi kumbulwa, koga kuti timbajikwe mibili yokudenga, kutila kuti chinofa chiminywe nobupenyu.5Iye wakatibambanyila yechi chinhu ndiMwali, iye wakatipa uMpepo sechibimbiso.6Nokudalo, tilosima unshaji wose, toziba kuti kana tichimumbili, tiko kule naTezi,7nokuti tokwenda nokudimbwa, kusi nokubona.8Tina myoyo, akale tokwemuja kubhuda mumbili yoyu, akale tibe kusha naTezi.9Kojoba tili kusha kana tisi kwakale, tinota kuti chibe chinangwa chedu kuunshantisa.10Nokuti tose tooma pambeli pechigalo chobutongi chaKristo, kuti umwe noumwe enambijwe bubuya kana bubi, zwikwendelana nozwaakata echimumbili uwe.11Nokudalo, nokuziba kutya Tezi, tobabweta banhu, koga zwatili zwinozibikana kunaMwali, akale ndobimba kuti tozibikana mumiyeyo yenu.12Atijikumuzwisuma isu kunamwi kabili koga timumupa zwingata kuti mushiye nasu, kutila kuti mushandule yabo banoshiya nobukulwana bonhu usimoyo uwe. 13Nokuti kana tipenga, ngezwaMwali, kana tilimundangalilo jedu jizhele ngozwenu.14Nokuti ludo lwaKristo lunotichinga, nokuti tilogunchikana kuti unhu umwempela wakafila bose, nokudalo bose bakafa.15Akale iye wakafila bose, kuti yabo bapenyu besizwigalile ibo nokwabo koga begalile iye wakabafila akale akamuswa.16Kuva ngweno zwindilambeli, atichinolinga kana aanhi nenzila yobunhu, kojoba noumwe unshaji takabelinga Kristo nenzila yobunhu, koga ngweno atichinondinga alo.17Nokudalo, wose umo munaKristo, waba chibumbwa chipya, zwantolo zwapinda, chokomende zwipya zwezha.18Zwose yezwi zwinova kunaMwali, munaKristo wakatita kuti tibwilizane naye akale akatipa unshingo wokubwilizana,19kuti, munaKristo Mwali wakata kuti ebwilizana nenyika kwaali, esinolaba luchinyo lwabo, akale ebhatisa isu chilayo chokubwilizana.20Sezwo tilibamilili baKristo, Mwali unoteteja eshingisa isu. Tomubweta takamilila Kristo, bwilizanani naMwali.21Pezhulu pedu Mwali wakoonta luchinyo iye usakabeziba luchinyo, kutila kuti munaiye tibe balolulama baMwali.
The Word for the World International