Pumpei28
1RAMPAUBE Moses de mpau eh rang,2“Israelme de aja kaigai nah penui dage ranggai, ‘Nnui recadung de nlumkebeu ting gage acu pwapeu lu maisia, a ziemne mi le teikelu taktyei perim kehengui de bam lu kerane.’3Nang penuide aide de rangbeu maisia, ‘Mapeu aide mi le tei kelu RAMPAUBE de peu bi maisia, mmi ge di kecu meurünseudung rezamdi kemakpe, tingnai ramsangne kena, keru reca ge nzwa pwapeu bam muilu.4Tingcang nang meurün ge peulu maisia, nah tinghegi nang meurün keda ge peulu maisia.5Nang tokkui keyi ephah kereige meibui reca peulu maisia, macadui yitube hin zi mdai gade ket ncüt si lwe.6Aide keru reca peubam kera Sinai lamlwa gade samkai beu perim kehengui de bamlu kerane, mi gade RAMPAUBE de reca peu kegai.7Meuründung kakgade ket ziemne zau hin zi mdai gade ket maisia. Nang zau reca cide kemci ni gage rui gai eh RAMPAUBE de zau kengkiengbe pwapeu maisia.8Meurün kedabe de nang tinghegi dau pwapeu lu maisia meibui reca kedabe de si eh tingcang pwapeu kecu nzwa. Nang cide pwapeu kecudau zau reca keda gede pwapeu si maisia, mi gade tei kegai reca, RAMPAUBE ziemne perim kehengui de bamlu kerane.9Sabbath benai nang meurün seu kena pwapeu lu maisia, kenana de mmi ge di kecu rejamdi kemakpe, nah ephah zi kerei gade zi na tokkui keyi de meibui reca teilu, maca dui si eh, nah zau reca de si eh pwapeu lu.10Sabbath ramsangne keru reca aide tei muilu, peu bammui kela keru reca gage si eh nah zau reca de si eh.11Kei ramsang keraidau, nnui RAMPAUBE de keru reca pwapeu lu maisia. Nang hetumseu kehenabe kena, meurünseu ge, nah meurünseu pumhena mmi ge di kecube rezamdi kemakpe peulu maisia.12Nnui ephah zi kerei gade zi cum tokkui keyi de meibui reca teilu macadui si eh hetumseu ketket ziemne, nah zi kerei gade zi na tokkui keyi de meibui reca teilu macadui si eh meurünseu ge ziemne.13Nnui tokkui keyi ephah kerei ge macadui si eh meurünna ketket ziemne reca teilu. Aide keru reca ge zie, perim kehengui de bamlu kerane, RAMPAUBE dage mi gade reca tei kegai.14Minadung gu zau recadung de hetumseu ge ziemne zau hin pempie ge maisia, meurünseu ge ziemne hin zi cum, nah hin zi mdai gade zi ge meurün ziemne. Aide hekei ramsangne keru reca tei eh pemmi teicang zie.15RAMPAUBE dage kemau reca tei eh hemeuseu ge reca pwapeu lu maisia. Aide keru reca tei bammui kelade ga si zie nah zau reca de si eh.16Hekeizie raitu dau, cipau bekei zie kereiehmdai benai, RAMPAUBE Kahkegwang ngyi gwang.17Cipau bekei zie kereiehmengei benai taktyei keyi tyeila. Lang hena ne ziemne, tangku tsehi kai mene tyei maisia.18Raitu benai, RAMPAUBE de hetwa kepeu kemci ngkwa bamlu maisia. Cipau benai nnui mata tei kerabe ma.19Ciuliede, nnui mi gade teikelu ratak pwapeu lu maisia, cide RAMPAUBE de keru reca kepeu. Nang hetumseuna kena, meurünseu ge, nah mmi ge kecu meuründung peseu pumhena, rezamdi kemakpe.20Hetumseu de si eh, nnui meibui reca ephah kerei gade zi cum tokkui keyi macadui de si eh pwapeu lu maisia, nah meurünseu de si eh, zi kerei gade zi na.21Meurünnadung pum hena kecu de si, nnui ephah kereige tokkui keyi macadui ncüt si eh pwapeu lu,22nah hemeu seu ge kemau reca tei beulu nnuikatei nnui mau de ruilu kera ziemne.23Nnui keru reca aidungde tingcang ramsang teibam kela gage teigai si lu maisia.24Aide ga rangpwa kebam nzwa eh, nang ratak aidungde tingnai ramsangne pwapeu maisia, Kahkegwang ngyi langhena ne ziemne, mi le teikelu taktyei reca de, RAMPAUBE ziemne perim kehengui ge. Cide reca teibam mui kecu gage teigai si lu keru reca nah zau reca de si lu.25Lang henane benai nnui RAMPAUBE de hetwa kepeu kemci ngkwa bamlu maisia, nah nnui kedadau nzwa cipaunai mata tei kerabe ma.26Mei tsidung luhlüt raitu benai liede, nnui gu Mtakdung Ngyi gade RAMPAUBE de meibui keheci reca pwapeu kecudau, nnui RAMPAUBE de hetwa kepeu kemci ngkwa bamlu maisia, nah nnui kedadau nzwa cipau benai mata tei kerabe ma.27Nnui RAMPAUBE ziemne keru reca pwapeu maisia perim kehengui de petlu kerane. Nnui hetumseu kehenabe kena, meurünseu ge, nah meuründung peseu hena mmi ge kecu pwapeu lu maisia.28Meibui reca liede pwapeu lu penuide ngngwa tet kerane: Tokkui keyi macadui ncüt eh ephah zi kerei gade zi cum tokkui keyi macadui si eh hetumseu ketket ziemne nah zi kerei gade zi na meurünseu ge ziemne.29Tokkui keyi ephah kereige macadui si eh meurünnadung hena ziemne ketket kecu,30nah hemeu seu ge nnuikatei nnui mau rilu kerane.31Nnui cidung kaunedung rejamdi mene pwapeu kecudau, penui zau reca de si eh pwapeu kecudau, aide reca tei bammui kecu gage si eh keru reca nah meibui reca teibeu lu.’”
Bridge Connectivity Solutions Pvt. Ltd.