Meng Lai44
Mami dow Kora krungchakuüa kowh meng chekhai.
1Aw Thurai, anging pipu-uüa chowng khe awdara lup en chang pe khai,naiawngün lawnguan dow anging kowh pipu-uüa hownia anging ta bowk chekhai.2En kür hown akeng chenchapuüa kowi dow en prütta pe khai,amatni uowi rah kowi dow anging kowh pipu-uüa kowi en towah khai.Naiawngün chenchapuüa luk kowi piakra en uang pawla pe khai,now anging kowh pipu-uüa kowi dow en pe iuksownah khai.3Nami pren dow amatni saidawng hown kowh amatni powngah mih nadowi,amatni matia kür hown kowh amatni powngah mih paw nadowi chekhai.Nami dow en kowh kür, en tawi uowi mih kri kraingra hown kowh ia powng mih chekhai.Tawngplawng kowchow panow amatni luk kowi dow en kowh saksing sanara uowi chekhai.4Aw Thurai, en chowtaih ang kowh mang,en kowh maru Jakawb kowi pe awngah diah.5Anging kowh ransu-uüa kowi dow en kowh kür hown chowtaih anging nanowngta kown,kingküa anging miuüa kowi dow en kowh ia changra hown anging nathuaah kown.6Ang kowh salangba luk kowi dow ang neplawng nesak dowi chekhai,ang kowh saidawng dow nowngia lawng ang dowi chekhai.7Tawkche ransu-uüa hownia dow en chowtaih lawng anging khai,prawngren anging miuüa kowi dow en peah rukrai khai.8Thurai ming hown chowtaih anging awr changla bawri reng,chowngchowng saksakma anging nakiow en reng kown. [Sela]9Nachenganchepaw kawmat dow en nuata anging khai, now en pe anging rukrai khai,tasen khin khe anging kowh siphaiuüa hown en tawi taiua uowi dowi bowt chekhai.10Anging kowh ransu-uüa hownia en pe powt anging khai,sui anging miuüa dow rupta anging uanh bowk khowk.11Ngenah kown mih ruapur iawng amatni rut kowi dow en ap anging khai,now chen towng chap towng kowi en krawi uetta anging plawt khai.12En maru-uüa kowi dow asung tanchow hown en sumah khai,naiawng en chang mih tawngpaw en kowh maratra uowi dowi chekhai.13Kimping namkhetuüa tut-e en changla anging prawng renra khai,aria aret kowi kowh maru-uüa tut-e en changla anging rensi kau khai.14Akeng chenchap tut-e en cham khare anging khai,maru kawmuüa paw khi anging hanow prawngren anging khai.15Rukraira dawng kowi ang uowi khai bowt,ni towng ang ka rukrai mih ang takhi khai bowt.Anging kowh ransu-uüa prawngren anging mih anging ta khai bowt,anging kowh ransu-uüa sui anging mih ang khi khai bowt.17Naiawngün dow anging luk kowi uang phaw khai;naiawng chepaw anging tamata en dowi chekhai,en kowh sangbowk laitawm anging piakta dowi chekhai.18Anging kowh sak dow powtta en dowi chekhai,en tiama hownia anging süt dowi chekhai.19Nachenganchepaw brenkhui dawng kowi ngarema en tow anging khai,makowng nimkrüa kowi en mumta anging hüah khai.20Anging kowh Thurai kowi anging tamata khai e dow,akeng thuraiuüa kowi anging cham chupiia khai e dow,21Thurai tuk dowi tham pabow?Aia dow a-i sak kowi kowh uowi mih maten tuk bowk chekhai.22Tawkche en rakowi ni towng maru sai anging reng chekhai,anging kowi dow ngenah kown mih ruapur iawng maru changla anging khai.23Aw CHAKRAMANG, rü diah! Tawngplawng kowchow en müi rengreng tak?Awr rü diah! Chowngchowng saksakma vüi kowi hauang nuata ang hüa diah.24Tawngplawng kowchow en cham dangta anging lumowr khai?Tawngplawng kowchow anging kowh kawmkrat en tamata khai?Tawngplawng kowchow anging kowh nowng chang powng changra en tamata khai?25Anging dow dinchow dawng kowi takhum hüah towbowt,anging kowh kow dow bawn hown taiüa nak khowk.26Awr rü bowt! Uang khowng anging bowt!En kowh achur uowi dowi mih sakraura rakowi uang lawng anging bowt!The Seed Company