O Hu-hulo'o5
1Ma naga womatengo awi ronga o Ananias, ma we'ata ami ronga ngo Safira. Ona manga tona'a yawu'unu.2O tona'a ma 'ija geena ma hononga una watuumungu de ma honogali wo'ula o hu-hulo'i'a. Una wodiai 'ogeena, ma we'ata ma mana'o'au.3Ho o Petrus wotemo o Ananiasi'a, <<Ananias, dodoau ho nomahigumada'a o To'ata ma 'Oana ani hingina yapareta hiadono ngona noelu'u o Omaha 'Iofi-ofi'a? O tona'a nage nawu'u-wu'unu ma tiwi ma hononga natuumungo'au to? Ma ngona notemo bali, no'ula moi-moi ngomino.4O tona'a gee 'anawu'unuwahi geena to ngona. De nawu'uno'au ma ma pipi geena ma 'a to ngonahi. De dodoau ho ani hininga'a 'ogeena nodiai? Geena ngona noelu'u 'a o nyawa'awa ma 'ena ma Jou ma Dutu'a.>>5O Ananias 'a 'ogeena woihenino de 'awoluba, de 'awohonengo'au. Ho o nyawa moi-moi duru yo'idomodongo nage yoiheno'a geena idadi.6Ho o do-doguulu ya'aino o Ananias awi hongene yahao, de aha yaaha yohihupu wipoohu'u.7Poelua o ta'o haange 'ipaha'a de ma we'ata moohama. Muna 'amana'owa o'iau aha idadio'au.8De o Petrus wohano muna'a, <<Bei'a noihingahuno, nia tona'a ma ija gee ngona de ani o'ata niawu'unu bote ma 'ija oneena ma amo'o'a?>> O Ananias ma we'ata mopaluhu, <<'iyolo, ma 'ija 'ogeenau.>>9De o Petrus wotemoli muna'a, <<Dodoau ho ngona de ani o'ata 'a o hininga moi o ma Jou awi Omaha niataili? Nohigihene! O nyawa-nyawa nage ani o'ata wipo-poohu'u yolionou. Ona ma aha niaha nihihupu mangale nipoohu'u.>>10'Ageena ma oraha de 'amohidulubade de mohonengo'au o Petrus awi biono'a. Ho nage o do-doguulu goona yoohama, de mima'e muna mohongeno'au. Geena'a de ami maiyeti geena yaaha yohihupu ho mipoohu'u ma o'ata awi date'u'u.11Ho moi-moi o jama'ata, de o nyawa ma regu nage yoihe-ihene o'iau naga 'ida-dadio'au geena duru yo'idomodongo.12Hababu o hu-hulo'o manga 'arajaanga, ho o haala 'ihera-heranga de o haala 'ila-laagomo idadi o 'awaha manga biono'a. Yonga'u-nga'u moi-moi 'a o hininga moi yomato-toomu o Salomo awi Teraso'a nage ma Jou ma Dutu awi Woa'a.13O nyawa ma homoa 'ayomooinuwa yomalomu yoma'aganuno de o nyawa yonga'u-nga'u goona. Ma yonga'u-nga'u goona o 'awaha duru yo'ihoromati.14De itaao de 'ayolepe monga o nyawa o naulu de o ngewe'a yonga'u ma Jou Yesusi'a.15De ma rupa 'ogeenau higado o nyawa yopa-panya'e yo'inoa'u o manga 'o'owa'a o tapa'o'a ya'iahano, la na'o o Petrus geenano woboa geena ngaro 'a awi gulumini yo'idaene ma manga panya'e 'i'ai'i.16O nyawa manga lepe o benda-bendarino nage o Yerusalem ma date-dateo'a 'ayotuonou yo'iaha yopa-panya'e de o to'ata yo'ido-dongohamu'u manga lepe yo'iahano de moi-moi o nyawa goona yo'o'iai'i.17Ma baha'u o 'Imam ma Amo'o de awi ni-nii'i moi-moi geena la o Sadukio'a 'imulaenge yomau yo'ilawana o hu-hulo'o goona hababu yobu'u.18O hu-hulo'o goona yo'itago'o ho yo'ihiohama o bui'a.19Ma 'a ma wutu'u geena de ma Jou awi malai'ata moi 'iboa de yo'idapaata o bui ma ngoana de yo'ihihupu o hu-hulo'o goona. O malai'ata geena 'itemo ona'a,20<<Niotagi ma Jou ma Dutu awi Woa'a, geena'a niai'a de niohihabarioli o nyawa-nyawa'a, o hagala moi-moi ma ngale wowango ma 'ahiado-adoni'a.>>21De yodinii'i o malai'ata ma demo geena, ho o de-dewelano de yotagio'au ma Jou ma Dutu awi Woa'a. Geena'a de yomulaenge yodoto'o geena'a dau.
Geenau ma oraha ma 'Imam ma Amo'o de yonii-nii'i gee yoboa manga lo-lomu ma ngiio'a de yohulo'o o Agama'a ma Ha'imi geenala moi-moi o Yahudio'a manga balu-baluhu yomalomu. Geena'a de ona yohulo'o o nyawa-nyawa yotagi o hu-hulo'o yo'iehe o buio'a la yo'iaha yohitaali ona'a.22Ma gee yo'ihulo-hulo'o goona yomahiadoni'a o buio'a, o hu-hulo'o goona 'ayo'iiwau. Ho ona yolio de yohingahu geena o Yahudio'a manga balu-baluhi'a.23Ona yotemo, <<Ngomi miama'e o bui ma ngoana ya'uci yohidi-diaio'a, de yogoa-goana goona o ngoano'a yogoanu'u. Ma wa'utu miapelenga'a ena 'amoiwa mi'ima'e ma doda'a.>>24Ma oraha ma Jou ma Dutu awi Woa ma go-goana ma baluhu de o 'imam ma hae-hae'e yoiheno'a 'ogeena, de ona yoheranga de yohano o 'iau aha idadi done.25Geena'a de womatengo woboa o habari woaha onane, <<Dea-dea, niohigihenohi! O nyawa nage ngini nio'ibui'a goona neena naga ona yo'idoto'o o nyawa yolepe-lepe ma Jou ma Dutu awi Woa'a.>>26Ho ma Jou awi Woa ma go-goana ma baluhu de nage awi nyawa-nyawa ya'ai'a 'ayo'iehe'ali o hu-hulo'o goona. Ma 'ayo'idohorohuwau hababu yo'idomodongo, o nyawa yolepe-lepe'a uwa hiadono o nyawa yo'iheleo.27O hu-hulo'o goona yo'ihiohama yo'ihitaaali o agama'a ma Ha'imi'a, geena'a de ma 'Imam ma Amo'o womulaenge wo'ipiri'ha.28Wotemo, <<Minitataaelo'au 'ogeena ma guata na'o uwa niohidoto'o mangale O Nyawa guuna awi ronga, ma neena aniodiaio'auoli. Nia do-doto'o geena niohiomangu'ou o Yerusalemuo'a. De aha niotemo bali o Nyawa guuna wohonenge geena ma hababu ngomi.>>29O Petrus de o hu-hulo'o maregu yopaluhu, <<O nyawa'a de ma Jou ma Dutu'a, geena ngomi halingou ma Jou ma Dutu'a 'iholoi miwidomote'e.30O Yesus nage ngini niwihidelo'au o salipo'a ma ngale winiho-honenge, ma ma Jou ma Dutu, nage to ngone nanga edete de nanga dotumu wihuba-huba, wihimomi'o'au ngaro wohonengo'au ma.31O Yesus guuna ge ma Jou ma Dutu wigoa'a de wihigogele o ngii iho-horomatio'a ma Jou ma Dutu awi guida'a, mangale Wohae'e de Wo'ihiha-halamata; la o Israelo'a yo'i'ula o oraha yomatogumu o baradoha yodiai de manga baradoha ma Jou ma Dutu waapongo.32Ngomiou ma ha'ihii moi-moi geena, de o Omaha 'Iofi-ofi nage ma Jou ma Dutu wo'ula o nyawa-nyawa'a nage wihingou-ngounu.>>33Ma oraha o yahudio'a ma balu-baluhu yoihene 'a 'ogeena, de yo'itootaha ho ona 'a o hingina moi yomau yo'itooma o hu-hulo'o goona.34Ma o Agama'a ma Ha'imi womatengo o Farisiono ma nyawa awi ronga o Gamaliel. Una o agama'a wodoto-doto'o nage o nyawa moi-moi wihoromati. Una womagoa'a de wohulo'o na'o yo'ihihupu'ahi jai-jai o hu-hulo'o goona.35Geena'a de wotemo o Agama'a ma Ha'imi'a, <<Ri-riadoto o Israelo'a ma nyawa! Nimatibanga niohidi-diai ma ngale o'iau naga gee done aha ngini niodiai o nyawa'a noona.36Hababu tomadanganono ma hila o nyawa womatengo awi ronga o Teudas, nage womamao'u una o nyawa ma amo'o, hiadono poelua yaratuhu hoata winii'i una'a. Ma una witooma'a ho winii-nii'i nage yoma'ati-tinga'o'a, de awi higaro geena ma 'iihango'au.37Geena 'ipahano, Ma oraha o nyawa-nyawa yo'idoimi manga ronga yohitulihi, de aha moioli awi ronga o Yudas o Galilea ma nyawa, una wo'ibaja o nyawa-nyawa ho manga lepe winii'i mangale yolawana o Roma'a ma pareta. Ma una ma witooma de ge yonii-nii'i una'a goona yoma'ati-tinga'o'au.38Ho o'iau naga ge idadio'au, ngoi tinitemo ngini'a: Uwa ni'idodoa'ani o nyawa noona, hababu na'o manga do-doto'o de manga 'arajaanga geena 'a o nyawa'a de yaino, geena manga do-doto'o de manga 'arajaanga geena done aha 'aiihango'a.39Ma na'o geena ma Jou ma Dutuo'a de yaino, geena maraio'au 'ani'ia'unua. E'ola done poelua ngini aha niwilawana ma Jou ma Dutu'a.>>
O Gamaliel awi demo geena o agama'a ma Ha'imi yohigihene.40Ho yo'iaho'ino o hu-hulo'o goona de 'ayo'ipoha, de 'ayohigumadawau yohidoto'oli ma ngale o Yesus awi ronga. Geena 'ipaha de yo'ipidilo'au.41O hu-hulo'o goona yohupu de manga garago'a, hababu ma Jou ma Dutu wamao'u ona geena yadaene yo'ihohedu hababu o Yesus.42De 'a o wange 'ihinoimi ma Jou ma Dutu awi Woa'a de o nyawa manga woa-woa'a yohidoto'o de yohihabari o Habari ma Owa ma ngale o Yesus una geena ma 'Oana o Nyawa Wohiha-halamata nage ma Jou ma Dutu wohijajio'au.
Geenau ma oraha ma 'Imam ma Amo'o de yonii-nii'i gee yoboa manga lo-lomu ma ngiio'a de yohulo'o o Agama'a ma Ha'imi geenala moi-moi o Yahudio'a manga balu-baluhu yomalomu. Geena'a de ona yohulo'o o nyawa-nyawa yotagi o hu-hulo'o yo'iehe o buio'a la yo'iaha yohitaali ona'a.22Ma gee yo'ihulo-hulo'o goona yomahiadoni'a o buio'a, o hu-hulo'o goona 'ayo'iiwau. Ho ona yolio de yohingahu geena o Yahudio'a manga balu-baluhi'a.23Ona yotemo, <<Ngomi miama'e o bui ma ngoana ya'uci yohidi-diaio'a, de yogoa-goana goona o ngoano'a yogoanu'u. Ma wa'utu miapelenga'a ena 'amoiwa mi'ima'e ma doda'a.>>24Ma oraha ma Jou ma Dutu awi Woa ma go-goana ma baluhu de o 'imam ma hae-hae'e yoiheno'a 'ogeena, de ona yoheranga de yohano o 'iau aha idadi done.25Geena'a de womatengo woboa o habari woaha onane, <<Dea-dea, niohigihenohi! O nyawa nage ngini nio'ibui'a goona neena naga ona yo'idoto'o o nyawa yolepe-lepe ma Jou ma Dutu awi Woa'a.>>26Ho ma Jou awi Woa ma go-goana ma baluhu de nage awi nyawa-nyawa ya'ai'a 'ayo'iehe'ali o hu-hulo'o goona. Ma 'ayo'idohorohuwau hababu yo'idomodongo, o nyawa yolepe-lepe'a uwa hiadono o nyawa yo'iheleo.27O hu-hulo'o goona yo'ihiohama yo'ihitaaali o agama'a ma Ha'imi'a, geena'a de ma 'Imam ma Amo'o womulaenge wo'ipiri'ha.28Wotemo, <<Minitataaelo'au 'ogeena ma guata na'o uwa niohidoto'o mangale O Nyawa guuna awi ronga, ma neena aniodiaio'auoli. Nia do-doto'o geena niohiomangu'ou o Yerusalemuo'a. De aha niotemo bali o Nyawa guuna wohonenge geena ma hababu ngomi.>>29O Petrus de o hu-hulo'o maregu yopaluhu, <<O nyawa'a de ma Jou ma Dutu'a, geena ngomi halingou ma Jou ma Dutu'a 'iholoi miwidomote'e.30O Yesus nage ngini niwihidelo'au o salipo'a ma ngale winiho-honenge, ma ma Jou ma Dutu, nage to ngone nanga edete de nanga dotumu wihuba-huba, wihimomi'o'au ngaro wohonengo'au ma.31O Yesus guuna ge ma Jou ma Dutu wigoa'a de wihigogele o ngii iho-horomatio'a ma Jou ma Dutu awi guida'a, mangale Wohae'e de Wo'ihiha-halamata; la o Israelo'a yo'i'ula o oraha yomatogumu o baradoha yodiai de manga baradoha ma Jou ma Dutu waapongo.32Ngomiou ma ha'ihii moi-moi geena, de o Omaha 'Iofi-ofi nage ma Jou ma Dutu wo'ula o nyawa-nyawa'a nage wihingou-ngounu.>>33Ma oraha o yahudio'a ma balu-baluhu yoihene 'a 'ogeena, de yo'itootaha ho ona 'a o hingina moi yomau yo'itooma o hu-hulo'o goona.34Ma o Agama'a ma Ha'imi womatengo o Farisiono ma nyawa awi ronga o Gamaliel. Una o agama'a wodoto-doto'o nage o nyawa moi-moi wihoromati. Una womagoa'a de wohulo'o na'o yo'ihihupu'ahi jai-jai o hu-hulo'o goona.35Geena'a de wotemo o Agama'a ma Ha'imi'a, <<Ri-riadoto o Israelo'a ma nyawa! Nimatibanga niohidi-diai ma ngale o'iau naga gee done aha ngini niodiai o nyawa'a noona.36Hababu tomadanganono ma hila o nyawa womatengo awi ronga o Teudas, nage womamao'u una o nyawa ma amo'o, hiadono poelua yaratuhu hoata winii'i una'a. Ma una witooma'a ho winii-nii'i nage yoma'ati-tinga'o'a, de awi higaro geena ma 'iihango'au.37Geena 'ipahano, Ma oraha o nyawa-nyawa yo'idoimi manga ronga yohitulihi, de aha moioli awi ronga o Yudas o Galilea ma nyawa, una wo'ibaja o nyawa-nyawa ho manga lepe winii'i mangale yolawana o Roma'a ma pareta. Ma una ma witooma de ge yonii-nii'i una'a goona yoma'ati-tinga'o'au.38Ho o'iau naga ge idadio'au, ngoi tinitemo ngini'a: Uwa ni'idodoa'ani o nyawa noona, hababu na'o manga do-doto'o de manga 'arajaanga geena 'a o nyawa'a de yaino, geena manga do-doto'o de manga 'arajaanga geena done aha 'aiihango'a.39Ma na'o geena ma Jou ma Dutuo'a de yaino, geena maraio'au 'ani'ia'unua. E'ola done poelua ngini aha niwilawana ma Jou ma Dutu'a.>>
O Gamaliel awi demo geena o agama'a ma Ha'imi yohigihene.40Ho yo'iaho'ino o hu-hulo'o goona de 'ayo'ipoha, de 'ayohigumadawau yohidoto'oli ma ngale o Yesus awi ronga. Geena 'ipaha de yo'ipidilo'au.41O hu-hulo'o goona yohupu de manga garago'a, hababu ma Jou ma Dutu wamao'u ona geena yadaene yo'ihohedu hababu o Yesus.42De 'a o wange 'ihinoimi ma Jou ma Dutu awi Woa'a de o nyawa manga woa-woa'a yohidoto'o de yohihabari o Habari ma Owa ma ngale o Yesus una geena ma 'Oana o Nyawa Wohiha-halamata nage ma Jou ma Dutu wohijajio'au.
The Seed Company