Romans8
1येहिगुने अखनी जे मसीह यीशु में हथन, ओखनी लागी कोई दण्ड नऽ हे।2काहेकि जिनगी के आत्मा के व्यवस्था मसीह यीशु में तोरा पाप आउर मौत के व्यवस्था से आजाद कर देलक हे।3काहेकि जेकरा करे में व्यवस्था सक्षम नऽ हल, ओकरा में ऊ देह के माध्यम से कमजोर हल, ओकरा परमेश्वर कर देलन, पापी देह के बराबरी में आउर पाप लागी अपन बेटा यीशु के भेज के, ऊ देह में होके पाप के सजा के आज्ञा देलन,4जेकरा से कि व्यवस्था के विधि धर्मी काम हमनी में पूरा होवे, जे देह के मुताबिक नऽ, बाकि पवित्र आत्मा के मुताबिक चलऽ हे।5काहेकि जे देह के मुताबिक अस्तित्व में हे ओखनी अपन मन के देह के बात पर लगावऽ हे, बाकि जे आत्मा के मुताबिक चले वाला हे, ओखनी आत्मा के बात पर मन लगावऽ हे।6काहेकि देह पर मन लगावल तऽ मौत हे, बाकि आत्मा पर मन लगावल जिनगी आउर शान्ति हे;7काहेकि देह पर मन लगावल तऽ परमेश्वर से बैर रखल होवऽ हे, काहेकि ऊ खुद के परमेश्वर के व्यवस्था के अधीन नऽ कर हे, काहेकि ऊ अईसन करे में सक्षम नऽ हे।8बाकि जे देह में होके अस्तित्व में हे ओखनी परमेश्वर के खुश करे में सक्षम नऽ हे।9तईयो, तूँ खुद भी देह में नऽ, बाकि आत्मा में हऽ, जबकि सचमुच में परमेश्वर के आत्मा तोरा में बसऽ हे। बाकि जदि कोई आदमी के पास मसीह के आत्मा नऽ हे, तऽ ऊ उनकर जन नऽ हे।10बाकि जदि मसीह तोरा में हथन, तऽ पाप के वजह से देह तऽ मरल हे, बाकि धार्मिकता के वजह से आत्मा जिनगी हे।11आउर जदि सचमुच में उनका आत्मा जे यीशु के मरल में से जिन्दा करलन हे, ओही तोरा में बसऽ हे, तऽ जे मसीह के मरल में से जिलईलन, ओही तोर मरनहार देहवन के भी तोरा में रहे वाला ओकर आत्मा के माध्यम से जिलईतन।12येहिगुने फिन, हे भईवन, हमनी देह के कर्जदार नऽ ही, कि देह के मुताबिक जिनगी बितायेम।13काहेकि जदि तूँ देह के मुताबिक जिनगी बितईवऽ, तऽ तूँ मर जईवऽ; बाकि आत्मा के द्वारा तूँ देह के ललसा के मार देवऽ, तऽ तूँ जिन्दा रहवऽ।14काहेकि जेतना परमेश्वर के आत्मा के चलईले चलऽ हे, ओखनियो परमेश्वर के बेटा हथन।15काहेकि तोहनी डर के तरफ ले जाय वाला गुलामी के आत्मा फिनो से नऽ पईलऽ, बाकि तोहनी लेपालकपन के आत्मा पईलऽ हे, जेकरा से हमनी “अब्बा, पिता” कह के पुकारऽ ही!16आत्मा खुद हमनी के आत्मा के साथे गवाही दे हे कि हमनी परमेश्वर के सन्तान ही।17अखनी जदि परमेश्वर के संतान ही, तऽ फिनो वारिस भी ही; परमेश्वर के वारिस आउर मसीह के साथी वारिस दूनो ही, जदि सचमुच हमनी उनका साथे दुःख उठायेम, ताकि उनका साथे महिमा हमनी के भी करल जायेत।18काहेकि हम मानऽ ही, कि ई वर्तमान समय के दुःख, ऊ महिमा के साथे बराबरी करल जाय के लायक नऽ हे, जे हमनी पर प्रकट होवे जा रहल हे।19काहेकि सृष्टि बड़ी आशा से भरल नजर से, परमेश्वर के बेटवन के प्रकट होवे के उत्सुकतापूर्वक इंतजार करे ला हे।20काहेकि सृष्टि के निरर्थकता के अधीन खुद के इच्छा से नऽ, बाकि एकरा अधीन करे वाला के मुताबिक आशा के आधार पर करल गेल,21ताकि सृष्टि भी खुद नाश के गुलामी से छुटकारा पाके परमेश्वर के संतान के महिमा के स्वतंत्रता प्राप्त कर लेतन।22काहेकि हमनी जानऽ ही कि सभे सृष्टि एक्केगो साथे मिल के कराहऽ हे आउर आज ला प्रसव पीड़ा में हे।23आउर खाली ओही नऽ, बाकि हमनी भी, जेकरा भीर आत्मा के पहिला फल हे, ईहाँ ला कि हमनी खुद भी अपन भीतर कराहऽ ही, आउर लेपालकपन जे हमनी के देह के छुटकारा हे, बेचैनी से इंतजार करऽ ही।24काहेकि हमनी येही आशा में बचावल गेली हल। अखनी देखाई देवे वाला आशा, आशा नऽ हे। काहेकि ओकर आशा कौन करऽ हे जेकरा ऊ देखऽ हे?25बाकि हमनी ओकर आशा करऽ ही जेकरा हमनी नऽ देखऽ ही, तऽ धीरज के साथे ओकर बेचैनी से इंतजार करऽ ही।26अखनी एही रीति से, आत्मा भी हमनी के कमजोरी में मदत करऽ हे। काहेकि हमनी नऽ जानऽ ही कि कौन रीति से प्रार्थना करे के चाही, बाकि आत्मा खुद ही आहें भरकर बयान से बाहर प्रार्थना करऽ हे।27बाकि मन के जाँचे वाला जानऽ हथन कि आत्मा के मनसा का हे, काहेकि ऊ परमेश्वर के मुताबिक पवित्र लोगवन लागी विनती करऽ हे।28आउर हमनी जानऽ ही कि परमेश्वर से प्रेम करे वालन लागी, परमेश्वर सभे बात में भलाई लागी एक साथ काम करऽ हे, ऊ लोगवन लागी जे उनकर योजना के मुताबिक बोलावल गेलन हे।29काहेकि जेकरा ऊ पहिले से जानऽ लेलन हे, ऊ अपन बेटा के स्वरूप के समानता में होवे लागी पहिले से निर्धारित भी करलन हे ताकि ऊ बड़ी भईवन के बीच में पहिलौठा होतन।30अखनी जेकरा ऊ पहिले से तय करलन, ओखनी के भी बोलईलन, ओखनी के ऊ धर्मी भी ठहरईलन। आउर जिनका ऊ धर्मी ठहरईलन, ऊ ओखनी के महिमा भी देलन।31तऽ फिनो हम ई बात के बारे के का कहीं? जदि परमेश्वर हमनी के साथ हथन, तऽ कौन हमनी के विरोधी होतन? 32ऊ जे अपन खुद के बेटा के भी नऽ रख छोड़लन, बाकि उनका हमनी सभे के दे देलन, ऊ उनकर साथे हमनी के सबकुछ सेंत-मेंत में कईसे नऽ देतन? 33परमेश्वर के चुनल गेल सभे के खिलाफ कौन दोष लेके अईतन? ऊ परमेश्वर ही हथन जे धर्मी ठहरावऽ हथन।34ऊ सजा देवे वाला कौन हे? मसीह यीशु हथन, जे मर गेलन बाकि ओकरो से भी बढ़ के, जी उठलन, जे परमेश्वर के दहिना तरफ हथन जे हमनी तरफ से बीचमान भी करऽ हथन।35कौन हमरा मसीह के प्रेम से अलग करत? क्लेश, कि संकट, कि दुःख, कि भूख, कि नंगाई, कि जोखिम, कि तलवार?36जईसे कि ई पवित्रशास्त्र में लिखल हे, “तोर लागी हम पूरा दिन मार देवल जा ही। हम वध होवे वाला भेड़वन के जईसन समझल जा ही।” 37बाकि ई सभे बात में हम उनकर माध्यम से जे हमनी से प्रेम करलन, विजेता से भी बढ़ के हथन।38काहेकि हम जरुर जानऽ ही कि नऽ तऽ मौत, नऽ ही जिनगी, नऽ ही स्वर्गदूत, नऽ ही शासक, नऽ ही आजकल के बात, नऽ ही भविष्य के बात, नऽ ही सामर्थ,39नऽ ही ऊँचाई, नऽ हीं गहराई, नऽ ही कोई दोसर रचल गेल कोई चीज, हमनी के परमेश्वर के ऊ प्रेम से अलग करे में सफल होत, जे हमनी के प्रभु यीशु मसीह में हे।
Bridge Connectivity Solutions Pvt. Ltd.