گریند31
1یہُوواہنؔ ووٚن موسیٰؔ ہس،2"اسرائیلی لوٗکن ون زِ تِم دِن مِدیان کیٚن لوٗکن تمیُک بدلہٕ یہ تِمو ژےٚ سٟتؠ ورتوو۔ توٚہؠ مٔرِو تہٕ گٔژھِو پننٮ۪ن جد اجدادن سٟتؠ شٲمل، یِم گۅڈَے مودؠ مٕتؠ چھِ۔"3اوٕ موٚکھٕ ووٚن موسیٰؔ ہن لوٗکن، سِپاہ کٔرووکھ جنٛگہٕ خٲطرٕ تیار۔ یہُوواہؔ بناوِ تِمن مِدیان کیٚن لوٗکن ہنٛزِ جمٲژ تمہِ کامہِ ہُنٛد بدلہٕ دِنس قٲبل یہ تِمو اسہِ سٟتؠ کۅرمُت چُھ۔4پرٛتھ کُنہِ قبیلہٕ منٛزٕ ژٲرؠ وون جنگہٕ باپتھ اکھ ساس نفر۔5یتھٕ کنؠ گے باہ ساس لُکہٕ جنگ کرنہٕ باپتھ تیار، پرٛتھ کُنہ قبیلہٕ منٛزٕ اکھ ساس نفر۔6ییٚلہ موسیٰؔ ہن تمہٕ جنگ کرنہٕ باپتھ سوزؠ تہٕ کاہن الِیعزرؔ سُنٛد نیٚچو فینحاسؔ گو تِمن سٟتؠ۔ تِمو تُلؠ مقدس خٟمہٕ منٛزٕ کینٛہہ چیز تہٕ ہارنہٕ نرسنگے پانس سٟتؠ یمہٕ جنگ شروع کرنُک اشارٕ دنہٕ باپتھ بجاونہٕ یہَن۔7اسرائیل کیٚو نفرو کۅر مِدیان جمٲژ ہنٛدین سپہَن سٟتؠ جنگ، یتھ کنؠ زن یہُوواہنؔ موسیٰؔ ہس ونمُت اوس زِ تِمن وَن تہٕ تِمو ژھٕنؠ مِدیان جمٲژ ہہنٛدؠ سٲری نفر مٲرِتھ۔8یِم لوٗکھ تِمو قتل کٔرؠ تمن منٛز ٲسؠ مِدیان جمٲژن ہنٛدؠ پانٛژھ بادشاہ عویؔ، رقمؔ، صُورؔ، حورؔ تہٕ ربعؔ۔ تِمو کۅر بعورؔ سُنٛد نیٚچو بلعام تہِ تلوارِ سٟتؠ قتل۔9تِمو نیٚیہ مِدیانچہٕ سارے زنہِ تہٕ شُرؠ قبضس منٛز، تہٕ تہنٛزٕ گٲو، تہنٛدؠ تیٖر تہٕ ژھاولؠ کھیٚلؠ تہٕ تِہُنٛد سورے مال۔10پتہٕ زٲلؠ تِمو شہرن تہٕ گامن منٛز تِہنٛدؠ سٲری گرٕ یتہِ مِدیانٕکؠ لوٗکھ روزان ٲسؠ۔11مگر تِمو نیٚیہ سارے زنہٕ، شُرؠ، چاروٲے تہٕ مال و اسباب پانس سٟتؠ۔12تِمو واتنٲوؠ تِم سٲری چیٖز الِیعزرؔس، موسیٰؔ ہس تہٕ باقی اسرائیلی لوٗکن نِش یمہٕ موآبؔ کیٚن مٲدانن منٛز یرِیحو جایہ دریاے یردنس اپارِ ڈیرٕ دِتھ ٲسؠ۔13الِیعزرؔ، موسیٰؔ تہٕ باقی لوٗکن ہنٛدؠ قائید دراے کمپ کِس دروازس پٮ۪ٹھ تِمن استقبالس۔14مگر موسیٰؔ اوس تِمن کینٛژن نفرن ناراض یمہٕ جنگہٕ پٮ۪ٹھٕ واپس آمٕتؠ ٲسؠ۔ سُہ اوس فوجی افسرن ناراض، تِمن نفرن یِم یِم ساسن نفرن ہنٛدؠ کمانڈر ٲسؠ تہٕ تِمن نفرن یمہٕ ہتن نفرن ہنٛدؠ کمانڈر ٲسؠ۔15موسیٰؔ ہن پرُوژھ تِمن، "توٚہہِ کیازِ تھایہ ووکھ زنہِ زنٛدٕ؟16یمہٕ ٲسؠ تِمہ یمو بلعامؔ سنٛدِس مشورس پٮ۪ٹھ پٔکمٕتؠ ٲسؠ تہٕ سانین لوٗکن اوسُکھ یہُوواہسؔ بجایہ بعلؔ سنٛز پرستِش کرنہٕ خٲطرٕ ونمُت۔ یمہِ کِس نتیجس منٛز یہُوواہنؔ پننؠن لوٗکن وُبا تُل ییٚلہ تِم پیٚورؔ جایہ ٲسؠ۔ 17لہٰذا چُھو توٚہہ وۅنؠ مِدیان جمٲژ ہنٛدؠ تمام لڑکہٕ قتل کرٕنؠ تہٕ تِم سارے زنہِ تہِ یمہٕ کانٛسہِ مردس نِشہ شونجمَژٕ آسن۔18صرف ترٲؠ ووکھ انۂرشہٕ کورے یاژٕ یلہٕ۔ توٚہؠ ہیٚکووکھ توٚہؠ بحثیتِ خاندارنہِ یا کنیزٕ پانس سٟتؠ رٔٹِتھ۔19پتہٕ ووٚن موسیٰؔ ہن سپہن توٚہہِ منٛزٕ روزن تِم سٲری لوٗکھ ستن دوٚہُن کیمپہٕ نیٚبر یمو کانٛہہ مورمُت آسہ یا جنگس منٛز مومژِ کانٛسہ لاشہِ اتھٕ آسہ لوگمُت۔ تریمہِ دوٚہہ یا سٔتمہِ دوٚہہ چھےٚ توٚہہِ یہ رسٕم ادا کرٕنؠ یُتھ توٚہؠ دبارٕ خدایس قٲبلِ قبوٗل سپدیٚو، اکھ توٚہؠ تہٕ بیٚیہِ تُہنٛدؠ قٲدؠ۔20توٚہہِ چھِ پنٕنؠ پلو تہٕ تِم سٲری چیز چھلٕنؠ یمہ جنگس منٛز توٚہہِ سٟتؠ ٲسؠ، یمہٕ چمبرس، ییرس یا لکٕرِ ہنٛدؠ بنیمٕتؠ ٲسؠ۔"21پتہٕ ووٚتھ الِیعزرؔ تِمن سِپہن یمہٕ جنگہٕ پٮ۪ٹھٕ واپس آمٕتؠ ٲسؠ، "یہ چُھ تہِ یہ یہُوواہنؔ موسیٰؔ ہس ووٚن۔22سۅن، چٲنٛدؠ، سرتل، شستٕر، ٹیٖن یا مِس یہ توٚہہ جنگہٕ پٮ۪ٹھٕ واپس اُنو تہِ ترٲیو نارس منٛز۔23پرٛتھ کانٛہہ سُہ چیز ترٲوؠ زیٚو یُس نہٕ نارس منٛز دزِ، پتہٕ بنہِ سُہ تُہنٛدِ استعمالہٕ باپتھ قٲبلِ قبول۔ مگر تِمن چیزن تہِ کٔریٚو آبہٕ چِھرکاو یُتھ زن تمہٕ چیز تہٕ لوٗکھ خدایس قٲبلِ قبوٗل بنَن۔ یمہٕ چیز نارس تراونہٕ سٟتؠ دزن تِمن گژھِ تمہِ آبُک چِھرکاو کرنہٕ یُن۔24ستمہِ دوٚہہ چٔھلؠ زیٚو پنٕنؠ پلو خٟمس برونٛہہ کنہِ تہٕ سپدیٚو توٚہؠ خدایس برُونٛہہ کنہِ مقبول۔ یہ کرنہٕ پتہٕ ہکیٚو توٚہؠ کیمپس منٛز واپس گٔژھِتھ۔"25یہُوواہنؔ ووٚن موسیٰؔ ہس یتہِ،26الِیعزرؔس تہٕ خاندٲنؠ ونڈٕ کیٚن سردارن ون زِ تِم بناون تمہِ سامانُک، تمام لوٗکن تہٕ جانورن ہُنٛد فہرست یمہٕ جنگس منٛز تِمو رٔٹمٕتؠ چھِ۔27پتہٕ ون الِیعزرؔس تہٕ خانوادن ہنٛدیٚن زِٹھیٚن زِ تِم دِن تمام چیٖز جنگس منٛز لڑن والیٚن تہٕ باقی لوٗکن بٲگرِتھ۔28جنگس منٛز لڑن والیٚو پرٛتھ پانٛژو ہتو نفرو منٛزٕ اکھ، پرٛتھ پانٛژو ہتو گٲوو منٛزٕ اکھ تہٕ پرٛتھ پانٛژو ہتو تیٖرو تہٕ ژھاولیٚو منٛزٕ اکھ تھٲوؠ زیٚون میانہٕ باپتھ ٹیٚکسٕہ رنٛگؠ۔29میانہِ حصٕکؠ یِم چیز نیٖزیٚوکھ الِیعزرؔس نِش یمہٕ مےٚ پیش ین کرنہٕ۔30تہٕ باقی چیٖزو منٛزٕ تُلؠ زیٚو پرٛتھ پنٛژاہو منٛزٕ اکھ۔ یِمن منٛز لوٗکھ، گٲو، خر، تیٖر، ژھاوٕلؠ تہٕ باقی جانور شٲمل چھِ۔ تِم چیٖز دیزیٚو تِمن لاوی ہنٛدیٚن اولادن یمہٕ میانہ مقدس خٟمٕچ حفاظت کران چھِ۔" 31لہٰذا کۅر الِیعزرؔ تہٕ موسیٰؔ ہن تی یہ یہُوواہنؔ تِمن حکم کۅرمُت اوس۔32تتہِ ٲسؠ شےٚ لچھ پنزٕ ستتھ ساس تیٖر، دوٗستتھ ساس گٲوٕ، 61 ساس خر، تہٕ 32 انۂرشہٕ کورِ یمہٕ تِمو مِدیان لُکہٕ جمٲژو منٛزٕ رچمژٕ آسہٕ۔36یمہٕ سِپاہ جنگس منٛز شٲمل ٲسؠ تِمو نیی جنگہٕ منٛزٕ ترےٚ لچھ ستہٕ ترٕ ساس تیٖر،37تہٕ تِمو منٛزٕ دِتکھ 675 یہُوواہسؔ۔38تِمو نیی 36 ساس گٲو تہٕ تمہ، منٛزٕ دِژکھ 72 گٲو یہُوواہسؔ۔39تِمو نیی ترٕہ ساس پانٛژھ ہتھ خر تہٕ تِمو منٛزٕ دتِکھ 61 یہُوواہسؔ۔40تِمو نیٚیہ شےٚ ساس انۂرشہٕ کورِ تہٕ 32 دِژکھ تِمو منٛزٕ یہُوواہسؔ41موسیٰؔ ہن دِتؠ الِیعزرؔس تِم تمام جانور یہُوواہؔ سنٛدِ حکمہٕ مطٲبق یمہٕ یہُوواہسؔ پیش آے کرنہٕ۔42موسیٰؔ ہن کٔرؠ جنگس منٛز لڑن والیٚن ہنٛدؠ چیز باقی نفرن ہنٛدیٚو چیزو نشہٕ الگ۔ لوٗکن میلؠ ترےٚ لچھ ستہٕ ترٕ ساس پانٛژھ ہتھ تیر، 36 ساس گٲو، ترٕ ساس پانٛژھ ہتھ خر تہٕ شُراہ ساس انۂرشہٕ کورِ۔47لوٗکن یہ کینٛژھا میٚول، موسیٰؔ ہن تُل پنٛژہو منٛزٕ اکھ چیٖز تہٕ دِتُن یہُوواہسؔ۔ یتھ منٛز چاروٲے تہٕ انسان شٲمل ٲسؠ۔ یتھ زن یہُوواہؔ سُنٛد حکم اوس، موسیٰؔ ہن دِتؠ تِم سٲری لاوی ہنٛدیٚن اولادن یمو مقدس خٟمٕچ رٲچھ راوٕٹ کٔر۔48پتہٕ آے فوجی افسر یمہٕ ساسن نفرن ہنٛدؠ تہٕ ہتن نفرن ہنٛدِ جماتٕکؠ سردار ٲسؠ موسیٰؔ ہس نِش۔49تِمو ووٚن موسیٰؔ ہس، "اسہِ یم چٲنؠ خٲدِم چھِ، گنٛزرٲوؠ تم سِپاہ یمن اسہِ حکم دیُت تہٕ اسہِ وُچھ زِ تِمو منٛزٕ اوس نہٕ کانٛہہ تہِ لاپتہ۔50یتھٕ کنؠ کٔرؠ امہِ باپتھ اسہِ یہُوواہؔ سُنٛد شُکریہ ادا کرنہٕ خٲطرٕ سۅنہٕ سنٛدین چیزن ہنٛدؠ تحفہٕ پیش۔ یمہٕ اسہِ جنٛگ کرنہٕ پتہٕ میلؠ مٕتؠ ٲسؠ، سۅنہٕ سنٛدؠ کٔرؠ، بنٛگرِ، واجہ، دوٗر تہٕ ہار۔ اسہِ چھےٚ یہ امید زٕ یہ بنہِ سانیٚن گُنہَن ہنٛد کفارٕ۔"51لہٰذا کٔرؠ الِیعزرؔ تہٕ موسیٰؔ ہن یمہٕ سۅنہٕ سنٛدؠ چیز قبول یمہٕ تِمو أنمٕتؠ ٲسؠ۔52تِمو یُس نذرانہٕ پیش کۅر تمیُک وزن اوس قریبن اکھ ہتھ تہٕ اکنمتھ کِلو گرام۔ 53پرٛتھ کانٛسہِ سِپہَن نیی یِم چیٖز پانس باپتھ۔ 54الِیعزرؔ تہٕ موسیٰؔ ہن کٔرؠ سِپاہ سالارو نِشہ سۅنہٕ سنٛدؠ یِم چیز قبوٗل تہٕ لگٲوِکھ مقدس خٟمس منٛز یُتھ زن اسرائیلی لوٗکن یاد ییہِ پاونہٕ زِ یہُوواہنؔ کتھٕ پٲٹھؠ دیُت مِدیان کیٚن لُکہٕ جمٲژن ساسہٕ بٔدؠ فوجی کمانڈرو تہٕ ہتہٕ بٔدؠ فوجی کمانڈرو نِش شِکس دِنس منٛز تِہُنٛد مدد۔
Bridge Connectivity Solutions Pvt. Ltd.