عبر10
1یُس قانون خداین موسیٰ سنٛدِ ذریعہٕ دِیُت سُہ چُھنہٕ پانہٕ تِمن حیرت انگیز چیزن منٛز اکھ یوس خدا پنہٕ نؠن لوٗکن دِیہِ۔ بلکہ یہِ چُھ صرف تِمن حیرت انگیز چیزن کُن اشارٕ کران۔ لہٰذا ہرگاہ خدایس نزدیک گژھن وٲلؠ لوٗکھ چھِ ہمیشہِ ورؠیہِ پتہٕ ورؠیہِ نیاز پیش کران، مگر یہِ کرنہٕ سٟتؠ چِھنہٕ تِم بناونس قٲبل سپدان یتھ خداے تِمن نِش یژھان چُھ۔2فرض کرو زِ تِمو نیازو کٔر لوٗکھ اصلی پاک یِم خدایس عبادت چھِ کران۔ تتھ صورتس منٛز، تِم آسن نہٕ زانٛہہ تہِ پنہٕ نؠن گناہن متعلق قصوروار محسوس کران، تہِ تِم کرن نیاز پیش کرنؠ بند۔3مگر ییٚتتھ چُھ تِمن نیازن متعلق یہِ پوٚز: تِم چھِ لوٗکن ورؠیہِ پتھ ورؠیہِ پننؠن گناہ یاد پاوان۔4تِم نیاز ہیکن صرف یہِ کرِتھ، تکیازِ جانورن ہُند خوٗن یِم کٲنٛسہِ قربان کٔر ہیکہِ نہٕ لوٗکن ہندؠ گناہ دوٗر کرِتھ۔5یوہے چُھ وجہ زِ ییٚلہِ مسیحؔ زمیٖنس پیٚٹھ آو، تمؠ کٔر پننس ببس سٟتؠ کتھ، "ژےٚ کٔرتھ نہٕ لوٗکن ہندؠ نیاز پیش کرنؠ پسند۔ تمہِ بدلہٕ، کوٚرتھ ژےٚ اکھ انسٲنی جسم میانہٕ باپتھ تیار ۔6ژےٚ آییہ نہٕ تمہِ قربٲنی پسند یِم لوٗکھ پنٕنؠ گناہ دوٗر سپدنہٕ باپتھ پیش چھِ کران۔7لہٰذا، کوٚر مےٚ یِمن لفظن منٛز کلام: " بہٕ چُھس حٲظر! کمؠ تام لیٚوکھ نوشتن منٛز مےٚ متعلق۔ میانہٕ خداے، بہٕ کرٕ چٲنؠ مرضی پوٚرٕ"8یہِ مسیحنؔ خدایس گوٚڈٕ وون تہِ چُھ یہِ: " ژےٚ کرِتھ نہٕ لوٗکن ہندؠ نیاز یا لوٗکن ہندؠ گناہ دوٗر کرنہٕ باپتھ قربٲنی پسند" تِم نیاز تہٕ قربٲنی چھِ اسرٲییٔلکؠ خدایس پیش کران یتھٕ پٲٹھؠ زن موسیٰ سٕندس شریعتس منٛز لٲزم چھِ۔9پتہٕ وون مسیحنؔ دوٚیم یہِ: " بہٕ چُھس حٲظر! بہٕ چُھس چٲنؠ مرضی پوٚرٕ یژھان کرنؠ" خداے چُھ تہِ پتھ کُن تراوان یتھ متعلق تمؠ گوٚڈٕ کلام کوٚر یُتھ سُہ تہِ قٲیم تھاوِ یتھ متعلق تمؠ دوٚیمہِ پھرِ کلام کوٚر۔10خدایس یہِ پسند آو تہِ چُھ یہِ: یسوع مسیحؔ کوٚر پنُن جسم صرف اکہِ لٹہِ قربٲنی رنگؠ پیش، تہٕ امہِ قربٲنی دسؠ تھٲوؠ خداین اسہِ پننہِ خٲطرٕ مخصوص ۔11وونؠ چھِ تمام زمینی کاہنن دوٚہہ پتہٕ دوٚہہ کھڑا گژھن ییٚلہِ تِم خداے سٕنٛز عبادت چھِ کران تہٕ کُنہِ اکہِ قسمکؠ واریاہ نیاز چھِ پیش کران۔ یِم نیاز ہیکن نہٕ لوٗکن ہندؠ گناہ دوٗر کرِتھ ۔12تتھ برعکس، مسیحنؔ کوٚر صرف اکھ قربٲنی پیش یوٚسہٕ ہمیشہِ گناہ دوٗر کرنس منٛز کارگر آسان چھِ۔ پتہٕ، گوو سُہ بب خدایس نِش، ییٚتہِ سُہ تختس پیٚٹھ بیہوان چُھ تہٕ بادشٲنی چُھ کران۔13وُنکینس چُھ سُہ تتی روزان یوتام خداے تمؠ سٕندٮ۪ن سارنے دشمنن شکس دیہِ ۔14مسیحؔ چُھ تٔتی روزان، تکیازِ تمؠ کٔر اکےٕ قربٲنی پیش، یمہِ سٟتؠ سُہ ہمیشہِ تِمن لوٗکن تیار کران چُھ یِم خداے پننہِ خٲطرٕ تتھؠ بناونہٕ خٲطرٕ مخصوص کران چُھ یہِ خداے تِمن نِش یژھان چُھ۔15خداے سُنٛد روح تہٕ چُھ اسہِ تصدیق کران زِ یہِ چُھ پوٚز۔ یہِ چُھ تمؠ وونمُت تمنے لفظن منٛز یِمن ہنٛز مےٚ گۅڈے حوالہٕ دِیُت:16"یہِ چُھ تمہِ قسمُک اقرار نامہٕ یُس بہٕ تِمن سٟتؠ سؠٹھاہ جلد کرٕ۔ ییٚتتھ ونہٕ بہِ خداوند یہِ: تِم بناوکھ بہٕ میون شریعت سمجھنس تہٕ تتھ فرمان بردٲری کرنس قٲبل"17پتہٕ وون خداے سنٛدؠ روحن یہٕ دوٚیم کتھ تِمن لفظن منٛز یِمن ہنٛز مےٚ برونہٛےٕ ذکر کٔر: " بہٕ دِمہٕ نہٕ تِمن زانٛہہ دبارٕ تِمن گناہگار تہٕ نافرمٲنی ہندین چیزن ہندِ باپتھ سزا یِم تِمو کرؠ مٕتؠ چھِ "18ییٚلہِ خداے لوٗکن گناہگار تہٕ نافرمان چیزن معاف کرِ یِم تِمو کرؠ مٕتؠ چھِ، کانٛہہ اکھ کرِنہٕ دبارٕ گناہ دوٗر کرنہٕ باپتھ قربٲنی پیش۔19تمہِ پتہٕ، میانیو ایمان باجو، اسہِ ہیکو پوٚرٕ پٲٹھؠ یقین کرتھ زِ یسوع سنٛدِ خوٗنہٕ کہ وجہ سٟتؠ چھِ اسہِ خٲطرٕ آسمٲنی سؠٹھاہ پاک مقامس منٛز اکھ وتھ۔20یسوعن کوٚر اسہِ خٲطرٕ سُہ نوٚو تہٕ موثر طریقہٕ قٲیم، یُس ساروے کھوٚتہٕ پاک مقامس اویزان پردٕ منٛزؠ نیران چُھ۔ یہِ اویزان کپڑٕ چُھ علامتی طور یسوع سنٛز نمایندگی کران یمہِ سٟتؠ سُہ زمیٖنہِ پیٚٹھ روزان اوس۔21مزید، مسیحؔ چُھ اکھ حکمران کاہن یُس اسہِ خداے سٕندٮ۪ن لوٗکن ہندِ باپتھ کٲم چُھ کران۔22تکیازِ یِم چیز چھِ پزؠ، اسہِ پزِ خدایس نزدیک گژھن، تس مکمل خدمت کرنؠ تہٕ تس پیٚٹھ وونؠ مکمل پٲٹھؠ ایمان تھاون زِ تمؠ چھِ أسؠ بٲطنی تہٕ ظٲہری طور پاک کرؠ مٕتؠ یتھ زن نہٕ اسہِ یمہِ یور تِمن برٕ چیزن متعلق قصوروار محسوس کران یِم اسہِ کرؠ مٕتؠ آسن ۔23خداین یمؠ اسہِ یِمن چیزن متعلق وعدٕ کوٚرمُت چُھ، سُہ کرِ یہِ تمؠ اسہٕ وونمُت چُھ۔ لہٰذا، اسہِ چُھ پوٚرٕ پٲٹھؠ ایمانس پیٚٹھ روزنچ ضرورت یُس أسؠ ونان چھِ زِ أسؠ چھِ پژھہِ سان امید تھاوان۔24مزید، اسہِ چھِ اکھ أکس متعلق سونٛچن ضرورت، خاص کر اکھ أکس کتھٕ پٲٹھؠ چھِ لول برنس تہٕ رُت کرنس منٛز حوصلہٕ افزٲئی کرنؠ۔25أسؠ ہیکو تہِ یکجا سمِتھ خداے سٕنٛز عبادت جٲری تھاونہٕ تہٕ اکھ أکس حوصلہٕ افزٲئی کرنہٕ سٟتؠ کرتھ، حالانکہ کینٛہہ لوٗکھ چھِنہٕ اکثر یہِ کران۔ ییٚلہِ زن اسہِ مولوم چُھ زِ یسوع چُھ جلدے واپس ینہٕ وول، اسہِ پزن تِم چیز سؠٹھاہ بے تٲبی سان کرنؠ۔26اسہِ پزن تِم سٲری چیز کرنؠ، تکیازِ ییٚلہِ زن اسہِ زٲنتھ مٲنتھ تہٕ عادتن گناہ کوٚر ییٚلہِ اسہِ اکہِ لٹہِ مسیحسؔ متعلق پوٚز کلام مکمل پٲٹھؠ فِکرِ توٚر، کانٛہہ اکھ ہیکہِ نہٕ کانٛہہ نیاز گناہ دوٗر کرنہٕ باپتھ پیش کرتھ۔27ہرگاہ اسہِ روٗدؠ گناہ کران، أسؠ سٲری کرو خوفہٕ سان انتظار زِ خداے ٹھہراوِ اسہِ مجرم تہٕ جلدے دیہِ اسہِ پننؠن دشمنن ہندؠ پٲٹھؠ سخ سزا یُس زنہٕ اسہِ نارٕ لمبکن ہندؠ پٲٹھؠ زالہِ ۔28اسرٲییٔلی مارن کانٛہہ تہٕ شخص یمؠ خداین موسیٰ سنٛدِ ذریعہ دنہٕ آمتِس شریعتس فرمانبردٲری مکمل پٲٹھؠ بند کٔر، یوٚتام زن کم از کم زٕ یا ترے نفر تصدیق کرن زِ تمؠ نفرن اوس تہ کوٚرمُت۔ تِمن ییہِ نہٕ تس نفرس پیٚٹھ ترس ۔29مگر وونؠ وُچھووکھ تِم لوٗکھ یِم خداے سٕندس گوٚبرس شرمند کران چھِ۔ تِم چھِ تسنٛدِس خوٗنس معمولی مانان، اگرچہ خداین کوٚر یہِ خوٗن پنُن عہد کرنہٕ تہٕ تِم پننہِ خٲطرٕ الگ کرنہٕ باپتھ استعمال۔ تِمو کوٚر خداے سٕندس روحس مذاق، یُس فضلہٕ سان کٲم چُھ کران۔ خداے دیہِ بجا طور تِمن لوٗکن سزا تمہِ کھوٚتہٕ زیادٕ یمہِ سٟتؠ تمؠ کٲنسہ تہِ سزا دِیُت یمؠ خداے سُنٛد موسیٰؔ سنٛدِ ذریعہٕ دنہٕ آمتِس شریعتس پیٚٹھ پوٚرٕ پٲٹھؠ عمل کرنؠ بند کٔر ۔30اسہِ چُھ مولوم زِ یہِ چُھ پوٚز تکیازِ اسہِ چُھ خدایس مدِ مقابل آمٕتؠ، یمؠ وون، "بہٕ چُھس سُہ اکھ یُس لوٗکن سزا دیہِ ییٚلہِ تِم مےٚ خلاف عمل کرن۔ بہٕ کرٕ تہِ تمہِ طریقہٕ یمِکؠ تِم مستحق آسن" تمؠ وون مزید، "بہٕ خداوند کرٕ فٲصلہٕ کیا میٲنؠ لوٗکھ چھا قصوروار یا بے گناہ" 31تِم یِم صرف أکس حقیقی خداے سنٛدِ سزاہکؠ مستحق چھِ تِمن پزِ خوفزدٕ گژھُن!32دویمہِ اندٕ، بہٕ چُھس یژھان زِ توٚہؠ کیا چھُو سونچان اتھ متعلق ییٚلہِ توٚہہِ گۅڈٕنیٚھ رٕژِ شیچھِ متعلق بوزُو۔ تتھ وقتس دوران، تھاوٕ توٚہہِ خدایس پیٚٹھ بھروسہٕ جٲری ییٚلہِ توٚہہِ مضبوطی سان تکلیف برداش کٔروٕ۔33کینٛژن معاملن منٛز، لوٗکو کٔروٕ توٚہہِ عوامس منٛز بےعزت تہٕ دَکہٕ زد۔ باقی معاملن منٛز، توٚہہِ کوٚروٕ مدد باقی لوٗکن یِمن یتھی معاملہٕ درپیش ٲسؠ۔34مزید خاص پٲٹھؠ، توٚہہِ کٔروٕ جیلس منٛز روزن والین سٟتؠ ہمدردی۔ امہِ علاوٕ گوو توٚہؠ تمہِ پتہٕ خوش ییٚلہِ لوٗکو تُہند مال نیٚو۔ تہِ کوٚروٕ توٚہہِ تکیازِ توٚہہِ پرزٕنوو زِ خدایس چُھ تُہندِ خٲطرٕ کینٛژھا بوٚڈ تہٕ زیادٕ پوشن وول۔35تمہِ کِنؠ روزیو پراعتماد زِ خداے کرِ یہِ تمؠ وعدٕ کوٚرمُت چُھ۔ خداے چُھ تِمن عظمت سان انعام دِوان یِم یتھ وتہِ منٛز پُر اعتماد آسان چھِ۔36یتھٕ پٲٹھؠ توٚہؠ وُچھِتھ ہیکیو، توٚہہِ چھِ خدایس پیٚٹھے بھروسہٕ کرنچ ضرورت۔ یتھٕ پٲٹھؠ توٚہہِ اکہِ لٹہِ تہِ کوٚرمُت چُھ یہِ خداے یژھان چُھ، توٚہہِ گژھِ تہِ حٲصل یمیٛک تمؠ توٚہہِ وعدٕ دِیتمُت چُھ۔37یہِ أکؠ نبین لیٚوکھو تہِ چُھ یہِ: " سُہ شخص چُھ واتن وول سُہ واتہِ سؠٹھاہ جلد۔ سُہ کرِ نہٕ واریاہس کالس انتظار۔38مزید، تِم یِم مےٚ راستبٲزی سان خدمت کران چھِ تِم کرن زندگی دوران مےٚ پیٚٹھ بھروسہٕ۔ مگر فرض کرو تِم کرن نہٕ مےٚ پیٚٹھ بھروسہٕ۔ پتہٕ کرن نہٕ مےٚ خۅش۔ 39اما پوٚز، أسؠ چھِنہٕ تِم یِم خدایس پیٚٹھ بھروسہٕ کرُن بند کرن، یِمن سُہ برباد کرِ۔ بلکہ أسؠ چھِ تِم یِم خدایس پیٚٹھ بھروسہٕ کران چھِ، لہٰذا سُہ چُھ اسہِ بچاون۔
Bridge Connectivity Solutions Pvt. Ltd.