Пс20
1Хор вуйлатышылан. Давидын псаломжо.2Господь! Тыйын куатетлан йывырта кугыжа,Тыйын полышетлан моткоч куана.3Тый тудлан шӱм йодмыж почеш пуэнат,сӧрвалымыжым ӧрдыжкӧ шӱкалын отыл.4Вет Тый тудым поро суап дене вашлийынат,вуйышкыжо яндар шӧртньӧ гыч ыштыме вуйшӱдышым пыштенат.5Тудо Тый дечет илышым йодын –Тый тудлан курымеш шуйнышо кечылам пуэнат.6Тыйын полышет тудлан кугу чапым конден:Тый тудым чап да кугулык дене леведынат.7Тый курымешлан тудым суапландаренат,эре пеленже улмет тудлан кугу куаным конда.8Вет кугыжа Господьлан инанада Чыла деч Кӱшылысын порылыкшо дене пеҥгыдын шога.9Тыйын кидет чыла тушманетым муэш,Тыйым ужмышудымо-влакым пурла кидет муэш.10Лишемын, Тый нуным пуйто коҥгасе тулышто йӱлалтет.Господь шыдыж дене нуным пытара,тушман-влакым тул кочкеш.11Мландымбач Тый нунын тукымыштым ӱштыл кудалтет,айдеме эрге-влак кокла гыч урлыкыштым пытарет.12Вет нуно Тыйын ваштареш ышташ шонат осалым,шонен пыштымышт чоя, но тудо шукталтде кодеш.13Йоҥеж гычет ӱмбакышт пикшым виктарет,нуным Тый мӧҥгеш куржыктет.14Шке куатет дене, Господь, чылан ӱмбалне нӧлталт!Ме Тыйын вий-куатетым моктен мураш тӱҥалына!
Institute for Bible Translation, Finland