Пс21
1Хор вуйлатышылан. «Ӱжаран пӱчыжӧ» семлан возымо. Давидын псаломжо.2Юмем, мыйын Юмем, [кол мыйым]!Молан Тый мыйым кудалтен коденат?Полышым йодын кычкырем,но утарымаш тораште мый дечем.3Мыйын Юмем!Мый кечывалым кычкырем – Тый от вашеште,йӱдым – уке мылам лыпланымаш.4Но Тый улат Святой,Израильын моктеммутшо коклаште престолышто шинчет.5Тылат инаненыт ача-кочана-влак;ӱшаненыт, да Тый нунылан полшенат.6Нуно Тыйым сӧрваленыт, да лийыныт утарыме.Ӱшаненыт Тылат да вожылмашыш пурен огытыл.7Мыйже айдеме огыл, а шукш улам,калыклан мыскылтыш лийынам,еҥ-влак мыйым шотлымым чарненыт.8Мыйым ужын, чылан игылт воштылыт,вуйыштым рӱзен, койдарен ойлат:9«Господьлан тудо инанен, тугеже Господь тудым утарыже,тудын деке поро кумылан гын, полшыжо тудлан».10Но тиде Тый ава мӱшкыр гыч мыйым луктынат,чызым кочмем годымак шӱмышкем инанымашым пыштенат.11Шочмем годсекак Тыйын кидыштет лийынам,ава мӱшкыр гыч лекмекак, Тый Юмем улат.12Ит лий мый дечем тораште,вет лишне туткар, а полшышо уке.13Ӱшкыж кӱтӱ семын мыйын йыр шогальыч,Васанын виян ӱшкыжшӧ-влак мыйым авырышт,14ырлыше, кӱрышташ ямде лев семынӱмбакем умшаштым карышт.15Мыйын вием мландыш вӱд гай йоген волыш,чыла луэм моклеште,шӱмем шыште семын оҥыштем левен кайыш.16Шун кӧршӧк пудырго семын виемже кошкыш,йылмем умшаношмыш пижын шинче –мылам колаш манын, мланде пуракыш мыйым волтышыч.17Вет пий-влак мыйым авырышт,осал тӱшка йырым-йыр шогале,шуралтышт кид ден йолем,18чыла луэм шотлен налаш лиеш.Мыйым мыскылен, ӱмбакем ончат.19Шке коклаштышт вургемем пайлат,мыйын чиемем верч шеревам кышкат.20Но Тый, Господь, ит лий мый дечем тораште;мыйын вием, мылам полшаш вашке.21Утаре мыйын чонем керде дечын,утаре илышем пий-влак дечын.22Утаре левын умшаж деч,арале ир ӱшкыжын тӱкыж деч, мылам вашеште.23Тӱҥалам иза-шольо-влакемлан Тыйын нергенет ойлаш,погынымаште Тыйым мокташ.24Господь деч лӱдшӧ-влак, моктыза Тудым!Иаковын уло тукымжо, чапландаре Тудым!Тек уло Израиль калык Юмым жапла,25вет Тудо орланыше еҥын ойгыжым изиэш ужын огыл,тудын деч чурийжым шылтен огыл,сӧрвален ӱжмекше, тудым колын.26Кугу погынымаште мый Тыйым моктем,Юмо деч лӱдшӧ-влак ончылно сӧрымем шуктем.27Тек йорло-шамыч кочкыт да темыт,тек Господьым кычалше-влак Тудым моктат.Тек чонда курымеш ила!28Мландын чыла тӱрыштыжӧ ушым шындат да Господь дек савырнат –чыла калык ден тукым Тыйын ончылнет вуйыштым сават,29вет Господь – Кугыжа,Тудо – чыла калыклан Оза.30Мландымбалне улан илыше-влак пайрем чесым кочкашда Тудын ончылно вуйыштым саваш тӱҥалыт –чылан, кӧмыт колымаш деч утлен огыт керт,кӧмыт мланде пуракыш волышаш улыт,Тудын ончылно вуйыштым мланде марте сават.31Мыйын тукымем Тудлан служитлашда ончыкылык тукымлан Господь нерген каласкалаш тӱҥалеш –32тудо толеш да ончыкшым шочшаш еҥ-влакланГосподьын чынлыкше, мом ыштымыж нерген каласкала.
Institute for Bible Translation, Finland