Пс142
Давидын псаломжо. [Давидым Авессалом эргыже поктен кайыме годым возымо.]
1Господь, кол мыйын кумалмем!Ӱшанле улметлан кӧра колышт сӧрвалыме мутем,шке чынлыкет почеш мылам вашеште!2Шке тарзет ваштареш судым ит тӱҥал –чыныш ок лек Тыйын ончылнет иктат.3Тушман покта мыйын чонем,мландыш тошкен мыйын илышем –тудо мыйым пычкемыш верыш шӱка,мый шукертак колышо еҥ гай лийынам.4Ӱнарем йӧршеш пытен,мый тӱҥгылген шогалынам.5Шарналтем ожнысо жапым,Тыйын пашат-влак нерген шонкалем,кидетын чыла мом ыштымыж нерген шонем.6Тый декет кидемым шуялтем.Кузе кошкышо мланде йӱрым вуча,туге мый Тый дечет полышым вучем.7Господь, вашке, мыланем вашеште!Чонемже мыйын улнен –ит шылте чуриетым мый дечем,уке гын шӱгарыш волышо еҥ гай лиям.8Эр эрденак пу мылам порылыкет нерген колаш,вет мый Тылат инанен илем.Кайышаш корным мылам ончыкто, [Господь,]Тый декет мый шке чонем кондем.9Господь, тушман-влакем деч утаре,Тый гына улат мылам аралтыш.10Туныкто мыйым Тыйын шоныметым шукташ,вет Тый мыйын Юмем улат.Тек мыйым поро Шӱлышет тӧр корно дене наҥгая.11Господь, шке лӱметлан кӧра мыйым иландаре,шке чынлыкетлан кӧра чонем туткар деч утаре.12Ӱшанле Тый улат – тушман-влакем пытаре,мыйым шыгыремдылше-шамычым чылаштым кошарте,вет мый Тыйын тарзет улам.Institute for Bible Translation, Finland