Пс143
Давидын псаломжо. [Голиаф нерген.]
1Моктымо лийже Господь, мыйын кӱ курыкем –Тудо кидемым кредалаш,парням саргуралым кучаш туныкта.2Тудо – мылам порым ыштыше, мыйым аралыше,Тудо – шылын куржмо верем, Утарышем, авыртышем,Тудлан мый инанен илем.Тудо калыкем мыйын кид йымакем пуа.3Господь, мо тугай айдеме?А Тый тудым шотыш налат.Але айдеме эрге?А Тый тудын нерген шонет.4Айдеме – шӱлалтыш дене иктак,тудын кечыже-влак ӱмыл гай йомыт.5Господь, пӱгыртӧ пылпомышет да воло,курык-влак деке тӱкнӧ – тӱҥалыт нуно шикшаш.6Колто волгенчым да тушман-влакетым шалате,колто шке пикшетым, нуным чактаре.7Шуялте шке кидетым кӱшыч да лук мыйым,кугу вӱд деч, йот калыкын кидше деч утаре.8Умшашт нунын ойла ондалчыкым,кидым нӧлтен товатлымышт шояк.9Юмем, у мурым Тыланет мурем,мурем Тылат лу кылан кӱсле дене,10вет Тый кугыжа-влаклан сеҥымашым пуэт,осал керде деч Давид тарзетым утарет.11Утаре мыйым, йот калыкын кидше деч нал арален –умшашт нунын ондалчыкым ойла,кидым нӧлтен товатлымышт шояк.12Тек лийыт эргына-влак одарланыше самырык кушкыл гай,ӱдырна-влак – кӱ полатысе чаткатан ыштыме колонно гай.13Клатна-влак лийышт темше,ток лийже тӱрлӧ шурно.Шорыкна-влак тӱлаҥышт тӱжем дене,шотлен пытарыдымын шукемышт кӱтымӧ верыште.14Тек ушкална-влак тӱлывуян лийыт,нунын дене эҥгек ынже лий, презым лугыч ынышт кудалте,ойгырен кычкырымаш уремлаштына ынже шокто.15Пиалан тудо калык, кӧ тыге ила!Пиалан тудо калык, кӧн Юмыжо улеш Господь!Institute for Bible Translation, Finland