Ис32
1Шуэш жап, кунам Кугыжа чын почеш кугыжаланашда он-влак закон почеш вуйлаташ тӱҥалыт.2Нуно кажныже тунам тӱтан мардеж деч аралтышда кугу йӱр деч леведыш семын лийыт,лийыт кукшо ир мландыште вӱдйогында кече пелтыман ошманурышто кӱ курыкын ӱмылжӧ семын.3Ужшо-влакын шинчашт тунам ок петырне,колшо-шамычын пылышышт тӱткын колыштеш.4Шоналтыде ыштыше-влак тӱҥалыт шонен мошташ,тӱкнылшӧ йылман-влак – куштылгын да раш кутыраш.5Шотдымо еҥым огыт тӱҥал лӱмдаш «суапле»,шакше еҥ нерген «тудо пагалыме айдеме» манын огыт каласе.6Вет шотдымо еҥ ушдымо мутым ойла,ушыжо осалым шонкала – Юмым шотлыде илада Господь нерген чын огылым ойла,шужышылан киндым, сусынышылан вӱдым ок пу.7Шакше еҥын пашажат осал-чоя:шона ышташ осалым,шоя полшымо дене кошарташ йорло еҥым,кунам тудыжо судышто чыным ойла.8А чынле еҥ лач чын пашам ышташ шона,чынле паша верч тудо пеҥгыдын шога.9Азапланыде илыше ӱдырамаш-влак,кынелза, мыйым колыштса!Йылдырий ӱдыр-влак,мыйын мутем дек тӱткӧ лийза!10Тургыжланыде илыше-влак,ик ий утларак эртымеке,те лӱдын чытыраш тӱҥалыда!Вет виноградым погаш огыт тӱҥал,лектышым погымо жап огеш лий.11Чытырыза, азапланыде илыше-влак,лӱдса, йылдырий-шамыч!Кудашса вургемдам, чараҥза,чоштыра вургемым чийыза!12Ойгырен, оҥдам кырыза,шортса чапле пасуда верч,шуко саскам пуышо виноград аҥада верч шортса!13Калыкемын мландыштыжекоршаҥге ден иман вондер кушкаш тӱҥалеш.Шортса йывыртен илыме пӧртда верч,куанен йӱкланыше олада верч шортса!14Вет полат-влак коден кайыме лийыт,гӱжлышӧ олада пустаҥеш.Офел ден орол башне курымешлан коден кайыме лийыт –нуно янлык-влакын илыме мландыш,ир осёл-шамычын ракатланен коштмо кундемыш,вольыкын кочкын коштмо верыш савырнат.15Но тидын деч вара ӱмбакна кӱшыч Шӱлыш опталме лиеш.Тунам ир мланде садыш савырна,а тудыжо кояш тӱҥалеш чодырала.16Илаш тӱҥалеш ир мландыште чынлык,садлаште – чын ыштымаш.17Чын ыштымаш тыныслыкым конда,тудын саскаже лиеш тымык,курым-курымеш лӱдде илымаш.18Тунам мыйын калыкем тынысле илемлаште,ласкан илыме пӧртлаште да лӱдыкшыдымӧ верлаште илаш тӱҥалеш.19Кеч лиеш чодыра шолем дене кырыме,а ола пӱтынек шалатыме,20те пиалан лийыда:вӱдан вер воктене ӱдаш тӱҥалыда,тушко ӱшкыж ден осёлдам колтеда.
Institute for Bible Translation, Finland