Иез21
1Мыланем Господьын шомакше лийын:2«Айдеме эрге! Чуриетым Иерусалим велыш савыре да святой вер ваштареш шомакым каласе, Израиль мланде ваштареш пророклен ойло.3Каласе Израиль мландылан: ”Тыге ойла Господь Юмо: Мый тыйын ӱмбакет толам, кердем лодакше гыч луктам да чын ыштышет-влакымат, осал еҥет-шамычымат пытарем.4Чын ыштышет-влакымат, осал еҥет-влакымат пытараш манын, лодак гыч лукмо кердем чыла илыше ӱмбаке, кечывалвел гыч йӱдвел марте, кая.5Кажне илыше пален налеш: Мый, Господь, шке кердем лодакше гыч луктынам, тудо тушко мӧҥгеш ок пӧртыл.6А тый, айдеме эрге, кечкыж! Оҥетым кырен, нунын шинча ончылнышт ойганен кечкыж!7Кунам нуно йодыт: ’Молан тый кечкыжат?’, каласе: ’Уверлан кӧра, теве тудыжо толеш!’ Тунам кажныжын шӱмжӧ лӱдын кӱлтка, кидше лушка, чон-шӱлышыжӧ ӧртка, пулвуйжо вийдыме лиеш. Теве мо толеш, теве мо шукталтеш, – ойла Господь Юмо”».8Мыланем Господьын шомакше лийын:9«Айдеме эрге! Пророк шомакым ойло, тыге каласе: ”Тыге Господь ойла:Теве кердым пӱсемдыме, кердым шумымо!10Шӱшкылаш манын, тудым шумымо,волгенче гай йолгыжшо манын пӱсемдыме!Мыйын эргымын кугыжан тояже моло тоям ок шотло гын,мыланна куаныман мо?11Кидышке налаш манын, кердым шумымо.Пуштшо еҥлан кучыкташ манын,тудым ягылтен пӱсемдыме!12Кычкыре, кечкыж, айдеме эрге!Вет керде Мыйын калыкем да Израильын онжо-влак ӱмбак толеш.Нуно Мыйын калыкем дене пырлякерде йымак кудалтыме лийыт,садлан шке оҥетым кыре.13Вет калыкым тергыме. А тудо кугыжан тоямат ок шотло гын? Тудыжо кужун шоген ок керт, – ойла Господь Юмо. 14А тый, айдеме эрге, пророкло да кидетым ваш пере.Тек керде кок гана, кум гана шуралта!Вет тиде керде чыла велым толеш –шӱшкылаш, чыла пытараш.15Тек шӱм-влак лӱдын кӱлткат,тек колышо-шамыч шуко лийыт!Кажне капка воктеке Мый шучко кердым шогалтем!Ойго! Волгенче семын тудо йолгыжеш,шӱшкылашлан тудым пӱсемдыме!16Погыно да пурлашке, шолашке кай –чыла велыш, кушко пӱсӧ тӱрет савырна!17Мыят кидем ваш пералтем да шыдем тӱрыснек опталам.Тидым Мый, Господь, каласенам”».18Мылам Господьын шомакше лийын:19«А тый, айдеме эрге, кок корным корен ончыкто – нунын дене Вавилон кугыжан кердыже кайышаш. Кок корнат ик мланде гыч тӱҥалшаш улыт. А ола могырыш савырныме верыште палым шогалте.20Тушеч ик корным шуйо – тудын дене керде аммон-влакын Равва олашкышт кая, а вес корным Иуда мландыш, чоткыдемдыме Иерусалимыш колто.21Теве корнывожышто, кок корно тӱҥалтыште, Вавилон кугыжа шогалеш: пикш-влакым рӱзкален, шке юмыж-влак деч йодыштын да вольык мокшым ончыштын, тудо мо лийшашым пален налаш тӧча.22Пурла кидшылан ”Иерусалимыш” манын возымо шерева лектеш: ола йыр пырдыжым шалатыше курал-влакым шогалтыман, пуштын каяшлан кӱштымашым пуыман, кычкырлен кредалаш ямдылалтман, пырдыжым шалатыше курал-влакым капка дек кондыман, мланде кӱкшака-шамычым нӧлталман, башне-влакым чоҥыман.23Израильтян-влакын шинчаштышт тиде ончык ужмаш шоякла чучеш. Но нуно Вавилон кугыжалан ӱшанле лийме нерген товатмутым пуэныт, сандене тудо, мут пудыртымыштым шарналтен, нуным пленыш налеш.24Сандене Господь Юмо тыге ойла: осал пашадам чылан ужыт, чыла пашаштыда сулык коеш – титакан улмыдам те шке ончыктеда. Тыге те Мылам шке сулыкда нерген шарныктеда, садлан тушман кидыш логалыда.25А тый, шакше осал еҥ, Израильын онжо! Тыйын кечет толын, мут кучымо жапет шуын!26Господь Юмо тыге ойла: чапле вуйчиеметым кудаш, вуйшӱдышетым пыште. Чылажат вашталтеш: ӱлык шындыме-влак нӧлталме лийыт, кӱшкӧ нӧлталме-влак ӱлыкшемыт.27Пытарем, пытарем, пытарем Мый тиде олам, тудо тетла ок лий! Кӧн тиде олам судитлаш кертыжше уло, тудын толмешкыже, тыгак кодеш. Олам Мый тудлан пуэм.28А тый, айдеме эрге, пророклен каласе: ”Аммон-влак да нунын игылтмышт шотышто Господь Юмо тыге ойла:Кердым, шӱшкылаш кердым лукмо,пушташлан тудым шумымо!Волгенче семын тудо йолгыжеш!29Тылат, керде, пуста кончымаш-влакым ойлат,шояк пророк шомакым увертарат,но кунам осал еҥ-влакын кечышт шуэшда осалланымыштлан тӱрыснек пӧртылтымӧ лиеш,тый пушташ пуымо нине осал еҥ-влакын шӱйышкышт камвозат.30Кердым лодакышкыже пӧртылтӧ!Тудо верыште, кушто тый ыштыме лийынат,тудо мландыште, кушто шочынат,Мый тыланет судым ыштем!31Тыйын ӱмбакет кугу шыдем опталам,шыде тулем ӱмбакет шӱлалтем.Мый тыйым ажгыныше еҥ-влак кидыш пуэм,уста улыт нуно пуштедаш.32Тый туллан кочкыш лият,вӱрет мландыш йогаш тӱҥалеш,тыйым огытат шарналте”.Тидым Мый, Господь, ойлем».
Institute for Bible Translation, Finland