लुक14
1एक वारी आरामोअ दिही ईसु फरिसीइ एका आधिकार्योअहीं रोटू खानु गोयू; आन ते तियाहा हेंहींत बोठाते.2तिहीं डिलोम आग सालनारी मांदवाड़ेए एक माहुंउं ईसुउ जागे आवयो,3आन ईसु तियां कायदाअ मास्तर आन फरिसीहीं कोयो, “केहें आपाअ नियम आरामोअ दिही हुदरीइलोअ परवानगी आपेहे के नाहां?”4पोन ते आखा एक नेन बेन ने गोग्या. ताहां ईसु तिया माहुंहूं हुदरावीत मोकल्यो.5फाशोअ तिये तियांहां फुशो “तुमामेहें एहेलोह कोडो होय, जियाअ एखु गोदड़ो नेत बोलोद आरामोअ दिही वेईम टुटीत पोड़े, ताहां तो आरामोअ दिही तियाहा ताबुड़ ने काडो जाये?”6पोन ते यी गोठीइ किज उत्तर ने आपित सेक्या.7ईसु थोड़ाक पावणाहां देख्ये, के केहेलेहे तें मुख्य-मुख्य बोहीइलाअ जागू निवड़ीत लेतेहे, ताहां तिये आखाआ काजे एक काईं कोताप्यी:8“जेहेलाम एखु तुमुहूं वेहेवालोम हादे, ताहां तिहीं मानपान वाला जागापोअ मा बोहाहा, केहेंनेत तिये ताआ रोत बी जाअखा वोडा माहुंउं काजे तो खास जागू मेक्युय ताहां,9जिये तियाहा आन ताहूं, बेनुहूं हाद्या, तो नेवतो आपनारु आवित कोइत ताहूं कोये, ‘याहा जागू आपा,’ ताहां ताहूं होरमाइत आखा रोत निसेए जागे बोहुंहूं पोड़े.10पोन जाहां तो ताहूं हादे, ताहां तु आखाम रोत निसेए जागे जात बोहेए, मोन्ज्ये तो जिये ताहूं हाद्योहो, तो आवे आन जाहां कोय, के ‘ए दोस्ता आगाड़ी आवित बोहेए,’ तेहेलाम ताअरी बोहनारा मेहें ताआ मानपान रोये.11काहाके जो कोडो सोताहा वोडो बोणे, तो हानो गोणाय; आन जो कोडो सोताहा हानो बोणे तो वोडो गोणाय.”12ताहां तिया नेवतो आपनाराहा बी ईसु कोयो, जेहेलाम तु हिराआ नेताहां हांजे पोर्याआ रोटाअ काजे हादही, “ताहां ताआ दोस्तीहीं, नेत पायहोहों, नेत कोर्याहां, नेत आहनेवाला मालदोरोहों मा हादही, काहाके तियाआ बोदलाम तेबी ताहूं नेवतो आपे आन तिहीं रोत ताआ बोदलू वापिस ओत जानारु.13पोन जेहेलाम तु रोटाअ काजे हादही, ताहां कांगालोहों, लुलाहां, लेंगडाहां आन आंदलाहां हादजी.14ताहां तू आशिर्वादीत बोणही, काहाके तियां पोअ ताहूं वापिस आपिइलोअ किज कायनाहां, पोन जेहेलाम धर्मी माअहें जिवित उठे तेहेलाम देव ताहूं बक्शीस आपे.”15ईसुउरी रोटू खाना बोठ्लामेर्येए एके जोंएं ए गोठ उनाइत कोइत कोयो, “केतोह हाजो होय तों माहुंउं जो देवोअ राजोम रोटू खाये!”16ईसु तियाहा कोयो, “एके माट्ये रोटाअ नेवतो आप्यो आन जाअखीला माहुंहूं हाद्ये.17जेहेलाम रोटू तियार ओत गोयू, ताहां जियां माहुंहूं नेवतो आप्यो तियांहां हादीइलोअ काजे तियाआ पावरोअ आथे खबर मोकल्यी के, ‘आवा, ओमें रोटू तियार होये.’18पोन ते आखान आखा माफी मागा वोल्या. पेल्लाअठीज एक जोउं कोनु वोल्यू, ‘आंय एक खेत वेसातो लेदोहो ना माहूं तिहीं पाला जाअलोज आवेहे; मेरवानी कोइत माहूं माफ कोइ दे.’19बिहीरु एक ओतू तो कोनु वोल्यु, ‘आंय पास जोड़ी बोलोद वेसाता लेदाहा ना माहूं तियांहां टेवाड़ा जाअलो आवेहे, मेरवानी कोइत माहूं माफ कोइ दे.’20फाशोअ एके जोएं कोयो, ‘माआं कांय ओमेमेहेंज वेहवाल ओवोहो, तियाहा काजे आंय नाहां आवित सेकतु.’”21“जाहां तो पावर वापिस आयू आन तिये तियाआ मालख्योहो ए बादी गोठी कोत देखाड़ी देदी. तेहेलाम कोओअ मालख्योहो खोत लागी, ताहां तियाआ पावरोह कोयो, ‘होयरोअ बाजारोम आन गेल्लीमेहें जात कोइत गरिबोहों, लुलाहां, आंदलाहां आन लेंगडाहां इंहीं लेतावा.’22तिये पावरे फाशोअ कोयो, मालिख, जेहें कोइत तुमे कोयो, तेहेंज कोइत कोअयोहो, तेबी फाशुउ जागू उगऱ्युहू.23मालख्ये पावरोह कोयो, ‘होयरोअ सडकेए मेरे आन गेल्लीअहें जाआं जा, आन तिहीं रोत तियां माअहुंहूं रावण्या कोइत हादीत लेत आव. मोन्ज्ये माआं कोअ पोआत जाअहूं जोवे.24आंय तुमुहूं कोत देहो के, हादल्यामेर्योअ एक बी माहुंउं माआं रोटाअ होवाद साकीत ने सेकनारो!’”25जेहेलाम ईसुउरी वोडी गर्दी माअहें सालतेते, तेहेलाम ईसु फासाड़ी फिरीत कोइत तियांहां कोयो,26“जर एखु माआं जागे आवे, आन तियाआ आब्हाहा, आयहीही, लाडीही, पोर्याहां, पाव्हीइलाहां एतोज नाहां पोन सोताआ जिवोह बी माआं रोत जाअखु मेर कोए, तो माआं सेलू केदिहींज नाहां बोणीत सेकतु.27आन जो कोडो सोताआ क्रुस खांब विसीत कोइत माआं फासाड़ी ने आवे, तो बी माआं सेलू नाहां बोणीत सेकतु.”28“जर तुमामेर्याआ एखाहा गढ़ बांदीइलोअ ओये, ताहां तों काम पुरो कोइलोअ काजे केतोह खर्स लागे तो आंदास तो माटी ने काडे के?29नेते तो पायू टाकी देये आन सेलवाआ काम पुरो ने कोइत सेके, ताहां आखे देखनारे तियाहा ओहें आन ताहरेए कोये,30‘पालाते, ये माट्ये बांदीइलोअ सुरवात ते कोअयी पोने तो ओं काम पुरो ने कोइत सेक्यु.’”31नेत कोड्लू एहेलुहू राजा होये, जो बिहीरा राजाअरी लढाय रोमु निहे आन सामनेवालु राजा विही हाजार सेयनिक लेत आवेहे, ताहां ओ दोह हाजार सेयनिक लेत कोइत तियाअरी लढाय कोउ निहे आन बोहीत कोइत ओ विसार ने कोइत लेय के यामेहें आंय टिकीत सेकहीं के ने?32नेत तियाहा सामने वालाअरी ने टिकीत सेकाय एहेलोह ओय, ताहां तो सेटेज रोत तियाअरी होमजीत जाअलोअ गोठी काडु वोले.33तेहलोज तुमामेहें जो कोडू आखो बादो ने ओलावी देय ताअहूं जाआं तो माआं सेलू नाहां बोणीत सेकतु.34“खारो तोम हाजो होये, पोन जर खारामेर्युउ होवाद बिगड़ीत जाय, ताहां तियाहा किहा वाअहीं खारो कोइत सेकतेहे.35तों नेते खेतोअ काजे कामोम आवे आन ने खोतोअ काजे; माहें तियाहा बारथे टाकी देतेहे. जियाहा उनाइलोअ कान ओय तों उनाय!”
The Word for the World International