लुक13
1तेहेलाम तिहीं थोड़ेक माअहें आवित पोते, जें ईसुहू तियां गालील वाला माअहुंउं माग काडीत आप्यू, जियांहां पिलाते देवोहो गाराहा आप्या कोअत्ले तेहेलाम हिद्लांअरीज माईंत टाक्येते.2ए गोठ उनाइत कोइत ईसु तियांहां उत्तर आप्यो, “केहें तुमुहूं एहेलोह लागेहे के, ते गालीलोअ माअहें बाकी गालीलवाला रोत वादार पापी ओते, तियाहा काजे एहेलिही दुखोअ वेल तियां पोअ आवयी?3आंय तुमुहूं कोत आपोहो, नाहां! जर तुमू बी पापोअहें रोत मोन ने वालहा, ताहां तें जेहें कोइत मोये तियांआं होसूज तुमू बी मोअहा.4नेताहां, तियां एडार जोओंअ बाप्तिम कि विसार कोअतेहे, केहें जियांपोअ सिलोहोअ सेंडी ओदरीत पोड़्यी आन तें दाबाइत मोइत गोये: तियां येरुसालेमोम रोनारा रोत जाअखु पाप कोअयुतो के?5नाहां! पोन आंय तुमुहूं कोहो, जर तुमू बी पापोअहें रोत मोन ने वालहा ताहां तुमू बी तियांआं होसूज मोअहा.”6फाशुउ ईसु तियांहां एक काईं कोत आप्यी: “एके माहें दाराक्शाआ मोलामेहें एक अंजिरोअ साड़ ठांअयो. तियापोअ तो फलवाअ आहरु कोइत आयू, पोन तियाहा किज ने जोड़्यो.7ताहां तिये तिया मोलाअ राखवाल्योहो कोयो, ‘पाल, तीन वोरह्ये ओत गोये आंय या साड़ोपोअ फल होदीत आवोहो, पोन नाहां जोड़तो. याहा वाडीत टाकी दे! वायबार जागू काहा रुकीत रोयोहो?’8पोन तिये मोलाअ राखवाल्ये उत्तर आप्यो, ‘मालिख, यी फेरे एक वोरीही जाआं रोअहुं दे, आन आंय याहा सोमकीर खुंईंत कोइत खत टाकीहीं.9ताहां जर आवते साल फोले ताहरोअ ठीक, नेते याहा वाडीत टाकजी.’”10एका आरामोअ दिहोअ दिही ईसु यहुदी आराधनालयो मेहें सिकाड़तुतो.11तिहीं एक बोईं ओती जियीही एडार वोर्ह्यों रोत एक कमजोर कोअनारी पुतोअ आत्मा तोइत रोयीते. आन ते टुंगाल ओत गोयीते आन केहें बी कोइत हुदी ने ओवित सेकतीते.12जेहेलाम ईसु तियीही देख्यी आन हाद्यी, आन तियीही कोयो, “ए बाय, ताहूं ताआ रोगोम रोत सुटका जोड़्यीही.”13ताहां तिये तियीइ मुन्कापोअ आथ मेक्यु, आन ते तुरतुज हुदी ओत गोयी आन देवोअ महिमा कोई वोल्यी.14काहाके आरामोअ दिही ईसु तियीही हुदाऱ्यीते, तियाहा काजे आराधनालयोअ आधिकारी जोराखू उठ्यू आन तियां माहुंहूं कोनु वोल्यू, “सोव दिही होय, तियांज मेहें काम कोअहूं जोवे, आन तियांज दिहोमेहें आवा आन हुदरा, पोन आरामोअ दिहोअ दिही आवित मा हुदराहा.”15ओं उनाइत कोइत प्रभु उत्तर आप्यो, “आरे वोडार्यां, आरामोअ दिहोअ दिही तुमामेहें एखु बोलदोहो नेत गोदड़ाहा खोटाम रोत सोड़ीत कोइत पाईं पिवाड़ नाहां लेत जातो के?16ओमे ए अब्राहामोअ बेटिह्ही होये, जियीही सैताने एडार वोरह्ये जाआं बांदीत मेक्यीते, केहें यीही आरामोअ दिही बंधनोम रोत सोड़ीइलोअ सुकीइ होय के?”17तियाआ या उत्तरो वाअहीं तियाआ विरोध कोअनारा आखा लाजवाअया, आन आखे माअहें तियाआ वोडे कामें देखीत कोइत खुसीम रोत गोये.18फाशोअ ईसु कोयो, “देवोअ राज किहाअ होस होय? आन आंय तियाहा किहाअ होस कोंवें?19तों रायीइ दाणाअ होस होये, तियाहा एखे तियाआ खेतोम पेएयो आन तो वोडो ओवित कोइत साड़ बोणीत गोयो; आन जुगोमेर्येए सिड़े तियाआ डालीपोअ पांजरा बोणावया.”20फाशोअ ईसु फुशो, “आंय देवोअ राज किहाअ होस कोंवें?21तो एहेला खमीरोअ होस होये, जियाहा एकी बोईं तीन आठ्ये लोटोम पेल्यो, आन देखता देखताइज आखु लोटोअ उंडू खमीर वाअहीं फुगीत गोयू.”22ईसु सेहरो-सेहरो, आन गाँवों-गाँवों मेहें जात सिकाड़तुज येरुसालेमोअहें जातुतो.23ताहां कोडे तेबी ईसुहू फुशो, “प्रभु, ताहरेए थोड़ेज माअहें वासाय के?”
ईसु उत्तर आप्यो24“हाकड़ा बाअणाम रोत जाअलोअ पुरी कोशित कोआ, आंय तुमुहूं कोहो, जाअखीलेहे जोएं मांय जाअहूं होदे, पोन तें ने जात सेके.25जाहां कोओअ मालिख उठीत कोइत बाआ वालित लेय, आन तुमू बारथे रोत बाअणो ठोक्या कोअहा, आन कोहा ‘मालिख, आमाआं काजे बाअणो उगाड़!’ ताहां तो कोय, ‘तुमू का रोत आयेहे, आंय तुमुहूं ने ओलखीइत्लू!’26ताहां तुमू कोने वोलहा, ‘आमू ताअरी खादोन-पिदो आन तुमे आमाआं होयरोम शिक्शण आप्यो.’27पोन तो तुमुहूं कोय, ‘तुमू का रोत होये, आंय तुमुहूं ने ओलखीइत्लू, ए पाप कोअनारां, तुमू आखे माआं सामने रोत निहींत जावा.’28तिहीं रोडीइलो आन दात कोकरावीइलोअ रोय; तेहेलाम तुमू अब्राहाम, इसाहाक, याकोब आन आखा भविश्यवक्ताहां देवोअ राजोम बोहीत रोल्या देखहा, पोन तुमू सोताहा बारथे काडी देद्ले देखहा;29आन माहें उगताम, बुडताम, देहाम आन पालाम रोत देवोअ राजोअ पांगाती मेहें बोठले रोये.30ताहरोअ, जें आज आगाड़ी होय ते फासाड़ी ओत जाये, आन जे फासाड़ी होय ते आगाड़ी ओत जाये.” 31तेहलाज मेहें ईसुउ जागेहे थोड़ाक फरिसी माटी आवया आन तियाहा कोयो, “इंहीं रोत एखी जागे जातु रो, काहाके हेरोद राजा ताहूं मांअनारु होये.”32ईसु तियांहां कोयो, “जावा, तिया कोल्याहा कोत द्या: ‘पाल, आजेन हांदाअ आंय पुते काडोहो आन मांदवाड़्याहां हुदारोहो, आन तीन दिहोम माआं काम आंय पुरो कोअहीं.’33तेबी माहूं आज, हांदाआ आन पोरोअ दिही जाआं सालाअहूं जोवे, काहाके एहेलोह तोम ओत नाहां सेकतो के कोड्लूज भविश्यवक्ता येरुसालेमोअ बाअथे माआंय.”34“येरुसालेम, येरुसालेम! तु जो भविश्यवक्ताहा माईंत टाकेहे, आन जे ताआ जागे मोकल्याहा तियांहां डोणाटेहे! आंय केतीही वाआ जाआं ताहूं जेहलीही कुकड़ी तियीइ पिलाहां फाकड़ाआ थुड़ते टापित लेहे, तेहलोहो आंय बी ताआ पोर्याहां टोलू वालीहीं कोअयो, पोने ताहूं ओं ने गोम्यो.35पाल, ताआ कोओ उजाड़्यो पोड़ीत रोयोहो आन आंय ताहूं कोहो, के तु माहूं ताअहूं जाआं ने देखही, जाअहूं जाआं तु ने कोही के, ‘जो प्रभुउ नाव से आवेहे तो आशिर्वादीत होये.’”
ईसु उत्तर आप्यो24“हाकड़ा बाअणाम रोत जाअलोअ पुरी कोशित कोआ, आंय तुमुहूं कोहो, जाअखीलेहे जोएं मांय जाअहूं होदे, पोन तें ने जात सेके.25जाहां कोओअ मालिख उठीत कोइत बाआ वालित लेय, आन तुमू बारथे रोत बाअणो ठोक्या कोअहा, आन कोहा ‘मालिख, आमाआं काजे बाअणो उगाड़!’ ताहां तो कोय, ‘तुमू का रोत आयेहे, आंय तुमुहूं ने ओलखीइत्लू!’26ताहां तुमू कोने वोलहा, ‘आमू ताअरी खादोन-पिदो आन तुमे आमाआं होयरोम शिक्शण आप्यो.’27पोन तो तुमुहूं कोय, ‘तुमू का रोत होये, आंय तुमुहूं ने ओलखीइत्लू, ए पाप कोअनारां, तुमू आखे माआं सामने रोत निहींत जावा.’28तिहीं रोडीइलो आन दात कोकरावीइलोअ रोय; तेहेलाम तुमू अब्राहाम, इसाहाक, याकोब आन आखा भविश्यवक्ताहां देवोअ राजोम बोहीत रोल्या देखहा, पोन तुमू सोताहा बारथे काडी देद्ले देखहा;29आन माहें उगताम, बुडताम, देहाम आन पालाम रोत देवोअ राजोअ पांगाती मेहें बोठले रोये.30ताहरोअ, जें आज आगाड़ी होय ते फासाड़ी ओत जाये, आन जे फासाड़ी होय ते आगाड़ी ओत जाये.” 31तेहलाज मेहें ईसुउ जागेहे थोड़ाक फरिसी माटी आवया आन तियाहा कोयो, “इंहीं रोत एखी जागे जातु रो, काहाके हेरोद राजा ताहूं मांअनारु होये.”32ईसु तियांहां कोयो, “जावा, तिया कोल्याहा कोत द्या: ‘पाल, आजेन हांदाअ आंय पुते काडोहो आन मांदवाड़्याहां हुदारोहो, आन तीन दिहोम माआं काम आंय पुरो कोअहीं.’33तेबी माहूं आज, हांदाआ आन पोरोअ दिही जाआं सालाअहूं जोवे, काहाके एहेलोह तोम ओत नाहां सेकतो के कोड्लूज भविश्यवक्ता येरुसालेमोअ बाअथे माआंय.”34“येरुसालेम, येरुसालेम! तु जो भविश्यवक्ताहा माईंत टाकेहे, आन जे ताआ जागे मोकल्याहा तियांहां डोणाटेहे! आंय केतीही वाआ जाआं ताहूं जेहलीही कुकड़ी तियीइ पिलाहां फाकड़ाआ थुड़ते टापित लेहे, तेहलोहो आंय बी ताआ पोर्याहां टोलू वालीहीं कोअयो, पोने ताहूं ओं ने गोम्यो.35पाल, ताआ कोओ उजाड़्यो पोड़ीत रोयोहो आन आंय ताहूं कोहो, के तु माहूं ताअहूं जाआं ने देखही, जाअहूं जाआं तु ने कोही के, ‘जो प्रभुउ नाव से आवेहे तो आशिर्वादीत होये.’”
The Word for the World International