Isaiah16
1Hetaideu Selah gade, Zion napui deutu gagehangdeu reu kedime dage meurünseudung langgai beulo.2Limrwa kela ruinedung, pecit teuzang kedibe nzwa,Moabme puidung de Arnon Reuki kelüt kung ga rwala dizie.3“Tei kera ranglia beulu, kemzuibe teibeu lu; tingna ridau de penuide tingkaumie le tingmui nzwa sung beulo;mbai delwe pak kelame de kebai beulu; penuide cwa diso.4Penuide peu nnui kakga lunghlu, Moab gade pak kelame de;penuide ngkapdi zielie kelame dade peu kemsiu bam ge lu.”Kedanemene tei keherei kecu mtak dizie, nah kengkapdung cangdi zie,penuide pe pidau tei kelame kideu gade gah dizie.5Samkak kelu kesamsang de teu eh hegwangbam ge tei luzie; nah David leuhme ge ne samsang eh hegwang tei luzie.Pa kemzuibe peei kelanzwa eh ma teu nsam zie iciu eh kesamsangbe teizie.6Judah ga minadung rang, “Anui Moabme ngang kela nah pezai kesia,pegie kerang, nah perata ha siulu da, dede pegie rang eh ngang kela cide au kemta kemrwa samdung.”7Cine Moabme Moab ziemne hap zeu, penui pelane hap! Nnui sui sialu, nnuide tei ngkapsüt kedimedung go, Kir Hareseth gade kubetsi kekibe tangkudung de penui msung eh hap dizie.8Heshbon luhdung cangh kap dida Sibmah ga kubekiakdung de si eh.Heleuhdung gu kedimedung ne kube bangkiak keyibeJazer ga hangcang kelu hangdeuketsai nahPe pwakdung jaaidi kap pet; sangme deu ga zangra kepet de penui pidau tei dida.9Ih Jazer de ngngwa hap kesang zie Sibmah megu kubeluhdung ziemne.Heshbon nah Elealeh de, Ih a miakdui le pwa nnai de hetau zie.Kedanemene hepwak dau nnai luh gade petsidung buikelu nah luhlüt kelu suiyidung Ih de gah kedine.10Matsibang ziu gade kerenga nah suiyidung keuteu dida; nah kubeluh ga lei ketei, mede suiyi kwa kesah gede gahda.Migede zau niak bam ge zau niak meda, kedanemene Ih kubetsi niak kelabe suiyi kwa de tei nggah dida.11Cine Moabme ziemne harp kwa nzwa a mlung mradi, nah Kir Hareseth ziemne alung sia gai.12Moabme nlum kemak reca ni ga leu eh gwang cang keli daunah pe kerecaki ga kekie tei kera lüt, iciu de penui kekie magede teibeu lak.13RAMPAUBE sam aide Moabme ziemne rang nswa kegai.14RAMPAUBE rangdai eh cu, “Mmi kecum lung gage, Moabme kemdu gah di zieda; penui mina kekiee ge bam liede, bang kelubedung au camsüt zie nah pe kemlang ge de bamlak.”
Bridge Connectivity Solutions Pvt. Ltd.