Isaiah17
1Damascus namdi de ziemne ndu lia kegai.2Aroer namdidung gidi dizie.Heni cide kauruinedung bam ge dizie, nah migede penuide keheu lak.3Rie kwakelu namdidung Damascus hegwangram Ephraim gade gah dizie,nah bangkelu Arammedung, penui Israelme kemdu de nzwa zie, aide reugwame reu RAMPAUBE rang ndu kegai.4Cide langnai ge gwang cang dizieJacob kemdu ncimdi zie, nah pelui keyi teihdung ntiang dizie.5Cide luhlüt kelabe meibui hekwa kebam, nah pe ba meibui nriep kebam dauzie.Cide mige Rephaim langkam ga meibui tei tangra kegai pa kela dauzie.6Tangra kedi meibuidung pütdi zie, dede, olive bang cuikelai kegaidau:olive kena kecum ge perang kengking nreutu ga kebam, nah mdai mede mengei ge petsi kebui kiakdung cehutu ga bam, aide RAMPAUBE, Israel Tinggwang ndulia kegai.7Cipau benai minadung penuide Damkegaibe de peei zie, nah penui miak Israel Kemcibe de piezie.8Penui penui ba ne tei kelu recabamdung de pielak, nah penui zurangdung le tei kelubedung de pielak, Asherah miedung nah tingnaimiak miedung dede.9Cipau benai penui kengkieng namdidung de lamlwatu ga gi kedi (tsinglwa) tsingkop kopkedi (tsinglwa) ge nzwa dizie,Israel minadung ziemne pütkedi ge nah cide kemta nam ge dizie.10Kedanemene nnuide kelikelube Tinggwang de nsungta kedine, nah nnuide gumbeu kelabe de masipei kemakne.Cine sangme ge dade keu kelu kubetsibang kiakdung nnui ling kegai de him petlu,11cipau benai tsing ceheibui linglu nah talu. Tiemene peleube pwakcuh luzie,dede suisiet nah lungrei kegwang benai cide luhlüt lu tadi zie.12Ainie! Mina kekiee mra kwa, jaaididung mra kwa nzwa dizie,nah heleuhdung mra kebam, dui kedi lwa kebam kwa nzwa zie!13Heleuhdung mra kwa dui kekiee ge lwa kebam kwa nzwa zie,dede pa penuide kesiu zie nah penui kemdei gage pakgai dizie,penuide gwapwa lamlwadung ga tingkai ne ciurie guiteu kedige nzwa zie,nah ceheidung heratingkai ne gui mrui kebam ge nzwa zie.14Tinghegi dige, pielo, ngaukehing ge! Tingcang gwang kemakdwa cidungde gah dizie!Aide anui dade süttyei kelame mzi da, anui dade rega kelume magum.
Bridge Connectivity Solutions Pvt. Ltd.