Meng Lai137
1Babulawn pren kowi anging cham takhang khe nakowi kowh aw pang kowi anging cham chowm reng;nakhowk khe Zaiawn marow lawnguan anging ka tuak hanow kar hai mik tui hown anging uowi reng chekhai.2Nakhowk khe anging sak nga lai rakowi tep taraw kown khowm anging talawt dowi chekhai;naiawng rakowi anging kowh taraw mih anging cham batta khai.3Khümla anging miuüa dow kür hown pe tek anging meng khai,chang anging nowng miuüa dow awmrawm meng ün pe tek anging khai.Amatni dow, “Zaiawn marow lawnguan kowi tek meng büa lowk madiah,” pahai chin anging reng chekhai.4Nachenganchepaw anging dow prenlang kowi cham takhang mih chekhai,tawng iawng chow CHAKRAMANG lawnguan kowi anging nowng tek meng chow?5Aw Jerusalem marow, ang che tamata en khai hanowang mih hang pacham nowng tep taraw tham bowt lah.6Ang che ka tuak en reng dowi hanow,ang lang awmrawmah mih uanh lak-e ang lang tow en asung dowi hanowang kowh dai mih ia tek meng dowi pat krang kowi pacham tadan hüah lah.7Aw CHAKRAMANG, Jerusalem piak khe tawng chow Edawmuüa chang mih tuakah diah,amatni tek mih, “Piakta bowt, achüng lawi khowm uowi dowi pat piakta bowt,” pakhai.8Aw Babulawnuüa, enni dow napiak kown,enni chang anging iawng nachang enni kown mih maru dow kaucha iuk lai kowbow!9Enni kowh chauüa kowi dowkah hanowhua luk kowi natheuah kown mih maru dow kaucha iuk lai kowbow!
The Seed Company