Meng Lai138
Mami dow David kowh meng chekhai.
1Aw CHAKRAMANG, ang kowh sak maiow hown ang nakiow en kown,akeng mih thuraiuüa pur kowi paw ang natek en rowsi meng kown.2En kowh chimsaima mih kim prakowi tabawk krawm se ang nachupiia en kown,en kowh achur uowi dowi mih sakraura hai kaah sakowm mih ming kowi ang nakiow kown.Tawngplawng kowchow panow en kowh laikham en pe tachiah mih hown en matia kowi en tungah khai;nami dow en kowh ming iung nang iung lak-e lang kri lang kraing chekhai.3Ang uang haw en hanow en uang klang ang reng chekhai;en pe ang kür hanow sakkraingma en chang ang khai.4Aw CHAKRAMANG, en nawr hownia kowh laiklow ta hanowlusa kowi kowh manguüa maten narowsi kiowri en reng kown.5Amatni dow CHAKRAMANG changah mih lup lawnguan kowi natek meng kown.Tawngplawng kowchow panow CHAKRAMANG kowh kraingra dow kri kraingma chekhai.6CHAKRAMANG dow bowkbowk luk kowi uowi mih chekhai.Nachenganchepaw aia dow khamsum khamdaw miuüa kowi mingkhetah reng.Tawkche alakma hownia paw aia dow bawrima miuüa tawng chow chang mih khi chekhai.7Ang riaret kowi akrat pusara kangowh mih khin khe en uang takhula ang reng chekhai;ang ransu-uüa kunmarau mih khin khe amatni kowi en senah reng khai,now en kowh hawmlawm rut akürma mih hown en lawng ang reng chekhai.8CHAKRAMANG dow ang vüi kowi kowh khowm bowkta mih iawng nachang ang kown,aw CHAKRAMANG, en kowh achur uowi dowi mih sakraura dow chowngchowng saksakma nauowi reng kown.En uownta mih lup dow chur pat changah diah.The Seed Company