2 TIMOTIUS1
1Tabea Timotius, ngoi o Paulus. Ngoi neena ma Kristus Yesus awi hu-hulo'o. Ngoi todadi o hu-hulo'o hababu ma Jou ma Dutu woiili'i ngoi la tohihabari mangale o wowango nage ma Jou ma Dutu wohijajio'au. O wowango geena ngone padawongo hababu porimoi de ma Kristus Yesus.
Ngoi tonihibohono ngona'a harage de 'ai ngoa'a ma dutu! Ngoi togaaho'o tanu nanga Dea ma Jou ma Dutu de nanga Jou ma Kristus Yesus, tanu Una wo'ula ngona'a o bara'ati de o hanaanga, de wohimaiti awi hibohono ngona'a.3Ngoi to amaowa'a ma Jou ma Dutu'a nage to wile-leani de tamao 'ai hininga ibe-berehi, hara nage ma hila yadiai 'ai edete de 'ai dotumu. Ngoi tonidanganono ma noimi 'aitauri'a to amaowa'a ma Jou ma Dutu'a de o wutu de o wange ngoi tohaubayanga mangale ngona.4Ngoi todanganono ani hininga ihuha nohigali-gali. Geenau ho ngoi tomau poma'ama'eli de de ngona la 'ai hininga idadi ihananga.5Ngoi todanganono ani ngonga'u nage nohi gou-goungu'u ma Kristusi'a, harage ani edete ongo Lois de ani eha ongo Eunike manga ngonga'u. De ngoi tonga'u ngona ma nonga'u harage de 'ogeena.6Hababu geena ngoi tonihinganono mangale iwango o cocatu nage ma Jou ma Dutu nowi'ula'a ma oraha 'ai giama tonidatami.7Hababu Omaha nage ma Jou ma Dutu wona'ulano, geena inadiaiwa ngone imadadi 'inadomodongo, ma ena 'inahi'u'ata, inaomanga de o dora de idadi paa'unu pomatongohono.8Hababu geena uwa nimae'e nohidemo mangale nanga Jou Yesus, de uwa nimae'e ma mangale ngoi, nage 'ibui hababu Una. Ma halingou ngona nohangihara harage ngoi mangale o Habari ma Owa geena. Ma oraha nohangihara, ma Jou ma Dutu aha nowihi'uata ani hininga.9Ma Jou ma Dutu wonahihalamata de wonaaho'o la podadi touna ma hirete Awi awaha. Una wadiai geena hababu ngone naga padiai nage yaowa-owa, ma a to una ma hirete Awi mau de Awi hininga ma owa. Una wo'ula Awi hininga ma owa ngoneno ma nge'omo ma Kristus Yesuso'a ma didihila'a o dunia neena ma 'a 'aidadiwahi.10De neena ma Jou ma Dutu awi hininga ma owa wohimaiti ngoneno ma nge'omo ma Kristus Yesus woboa o duniano, Unau geena wonahiha-halamata. Una watiiha o honenge ma pareta de woaha o wowango 'ahiado-adoni'a, ma nge'omo o Habari ma Owa.11Mangale ihingahu o Habari ma Owa geenala ma Jou ma Dutu woigoa'a todadi o hu-hulo'o de to doto-doto'o.12Geenau ho ngoi tohangihara hiadono 'ibui. Ma ngaro 'ogeena ma ngoi 'ai ma'e'uwa, hababu ngoi tana'o ma gou-goungu, naguunau nage ngoi towinga'u. De ngoi tonga'u Una awi uaha demaena mangale wagoana o 'arajaanga nage Woihigagao ngoino hiadono ma wange ma hibobaha'a.13Ho nanii'i o do-doto'o iti-tiai nage noihenoa'u ngoio'a la nodoto'o ma 'ogeenali. De nadiai geena tatapu nonga'u ma Kristus Yesusi'a de no'i dora o nyawa ma homoa'a mangale ngona norimoi de de Una.14Omaha Iofi-ofi naga nanga hininga'a. Ho de to Ena ma guata, ngona halingou napaliara nohidi-diai o do-doto'o iti-tiai nage 'ira-rahai, nage ma Jou ma Dutu nowihigagao'au ngona'a.15Ngona nana'o o nyawa moi-moi o Asia ma daera'a ida'aloa'au, geena dau geenala o Figelus de o Hermogenes.16Ma o Onesiforus ma muluou naga 'ai hininga wohi'uata. Tanu ma Jou ma Dutu wohimaiti awi dora Onesiforusi'a awi woa ma doda'u. Ngaro ngoi o bui ma doda'a ma Onesiforus 'o wimae'wa woi taila'o.17Ma oraha o Roma'a womahiadoni'a, de una womahidaila'o wo'ihali'i hiadono una de de ngoi mima'ama'e.18De ngona nana'o o Efesuso'a una iholoi ilepe woiduhunu. Tanu ma Jou Yesus wohimaiti awi dora una'a nage ma wa'utu'u ma Jou wo'iha'imi moi-moi o nyawa'a.
Ngoi tonihibohono ngona'a harage de 'ai ngoa'a ma dutu! Ngoi togaaho'o tanu nanga Dea ma Jou ma Dutu de nanga Jou ma Kristus Yesus, tanu Una wo'ula ngona'a o bara'ati de o hanaanga, de wohimaiti awi hibohono ngona'a.3Ngoi to amaowa'a ma Jou ma Dutu'a nage to wile-leani de tamao 'ai hininga ibe-berehi, hara nage ma hila yadiai 'ai edete de 'ai dotumu. Ngoi tonidanganono ma noimi 'aitauri'a to amaowa'a ma Jou ma Dutu'a de o wutu de o wange ngoi tohaubayanga mangale ngona.4Ngoi todanganono ani hininga ihuha nohigali-gali. Geenau ho ngoi tomau poma'ama'eli de de ngona la 'ai hininga idadi ihananga.5Ngoi todanganono ani ngonga'u nage nohi gou-goungu'u ma Kristusi'a, harage ani edete ongo Lois de ani eha ongo Eunike manga ngonga'u. De ngoi tonga'u ngona ma nonga'u harage de 'ogeena.6Hababu geena ngoi tonihinganono mangale iwango o cocatu nage ma Jou ma Dutu nowi'ula'a ma oraha 'ai giama tonidatami.7Hababu Omaha nage ma Jou ma Dutu wona'ulano, geena inadiaiwa ngone imadadi 'inadomodongo, ma ena 'inahi'u'ata, inaomanga de o dora de idadi paa'unu pomatongohono.8Hababu geena uwa nimae'e nohidemo mangale nanga Jou Yesus, de uwa nimae'e ma mangale ngoi, nage 'ibui hababu Una. Ma halingou ngona nohangihara harage ngoi mangale o Habari ma Owa geena. Ma oraha nohangihara, ma Jou ma Dutu aha nowihi'uata ani hininga.9Ma Jou ma Dutu wonahihalamata de wonaaho'o la podadi touna ma hirete Awi awaha. Una wadiai geena hababu ngone naga padiai nage yaowa-owa, ma a to una ma hirete Awi mau de Awi hininga ma owa. Una wo'ula Awi hininga ma owa ngoneno ma nge'omo ma Kristus Yesuso'a ma didihila'a o dunia neena ma 'a 'aidadiwahi.10De neena ma Jou ma Dutu awi hininga ma owa wohimaiti ngoneno ma nge'omo ma Kristus Yesus woboa o duniano, Unau geena wonahiha-halamata. Una watiiha o honenge ma pareta de woaha o wowango 'ahiado-adoni'a, ma nge'omo o Habari ma Owa.11Mangale ihingahu o Habari ma Owa geenala ma Jou ma Dutu woigoa'a todadi o hu-hulo'o de to doto-doto'o.12Geenau ho ngoi tohangihara hiadono 'ibui. Ma ngaro 'ogeena ma ngoi 'ai ma'e'uwa, hababu ngoi tana'o ma gou-goungu, naguunau nage ngoi towinga'u. De ngoi tonga'u Una awi uaha demaena mangale wagoana o 'arajaanga nage Woihigagao ngoino hiadono ma wange ma hibobaha'a.13Ho nanii'i o do-doto'o iti-tiai nage noihenoa'u ngoio'a la nodoto'o ma 'ogeenali. De nadiai geena tatapu nonga'u ma Kristus Yesusi'a de no'i dora o nyawa ma homoa'a mangale ngona norimoi de de Una.14Omaha Iofi-ofi naga nanga hininga'a. Ho de to Ena ma guata, ngona halingou napaliara nohidi-diai o do-doto'o iti-tiai nage 'ira-rahai, nage ma Jou ma Dutu nowihigagao'au ngona'a.15Ngona nana'o o nyawa moi-moi o Asia ma daera'a ida'aloa'au, geena dau geenala o Figelus de o Hermogenes.16Ma o Onesiforus ma muluou naga 'ai hininga wohi'uata. Tanu ma Jou ma Dutu wohimaiti awi dora Onesiforusi'a awi woa ma doda'u. Ngaro ngoi o bui ma doda'a ma Onesiforus 'o wimae'wa woi taila'o.17Ma oraha o Roma'a womahiadoni'a, de una womahidaila'o wo'ihali'i hiadono una de de ngoi mima'ama'e.18De ngona nana'o o Efesuso'a una iholoi ilepe woiduhunu. Tanu ma Jou Yesus wohimaiti awi dora una'a nage ma wa'utu'u ma Jou wo'iha'imi moi-moi o nyawa'a.
The Seed Company