1 Corinthians6
1Jai mau bruă tăm dăng ta nêh dơ dêh, nêh tơm mŏng ŏh mi năñ ăn nai kčŭt ta măt băl so kpă, ƀê̆ dăh so geh ta măt băl Pôl Ƀrăh?2Mdăh ŏh mi so gư̆t lăh băl đăo jrăng phat dôih teh dih? Jêh iên ndă teh dih jrăng phat dôih yơng băh ŏh mi, hư̆n ŏh mi so mau pơp dơi ya yơng ta bruă tăm kčŭt dŏng nê̆ ho lăh?3Ŏh mi so gư̆t lăh băl băn jrăng phat dôih băl myang? Ƀăh jai ta lĕ mơt bruă mŏng pơp brêh ho?4Kơt iên, khă ŏh mi mau pơp tŏng kčŭt mŏng nuk ho, pơp mhŏ ŏh mi ăn băl hư̆n phat dôih, hư̆n jêng băl so mau ju khăn mŏng Pôl Ƀrăh?5Ăñ jai ngơi yơng ta pơp prêng ŏh mi di. Ndă kơt iên, mŏng ŏh mi so mau nơn ju nau nêh knhau lăh, hư̆n jêng nêh jrăng dơi phat dôih mŏng mbar ŏh mi kăn tơm?6Ƀê̆ dăh ŏh mi ho kčŭt tăm dăng ta ŏh mi tŏ, jêh iên bruă ho gŭk ta măt băl so đăo?7Hư̆n yơh, bruă ho ĕh ñjêng pơp so dơi ta ŏh mi ru, bơ yơng ŏh mi mau grăp pơp tăm kčŭt mŏng mbar ŏh mi tơm. Pơp mhŏ so tŭ pơp rai? Pơp mhŏ so tŭ pơp mblơm mblam?8Ƀê̆ dăh, ŏh mi mhŏ bruă so kpă jêh iên mblơm mblam, jêh hư̆n mhŏ kơt iên ta ŏh mi tơm!9Mdăh ŏh mi so gư̆t lăh băl so kpă jrăng so dơi dơn čar Yang Trôk? Ei ru čŏng mblơm săk tơm; so geh băl čhơng tăt, băl kôh rup yang, băl dŏng tư̆r, băl tlĕ pơ yu, băl tăm sai ndăng ur ndăng tlau,10băl tŭng blăč, băl he khơñ, băl ñư̆l mbŭk, băl ngơi mbư̆t mdăh băl mblơm mblam, jrăng dơi dơn uôn Yang Trôk.11Jêh iên mau ƀơ ƀă nêh mŏng ŏh mi jêh tuôm mhŏ klăh iên. Ƀê̆ dăh, ŏh mi jêh dơi lăm ƀrăh, jêh dơi bi mlih, jêh dơi ngơp kpă mŏng năn Khua Yang, jêng Yang Tŏng Tlĕh Yê-su, jêh iên yơng băh Yang Ngăt Găl Yang Trôk băl băn.12“Grăp pơp ăñ dơi mhŏ,” ƀê̆ dăh so geh lĕ mơt pơp jêng yuôm. “Grăp pơp ăñ dơi mhŏ,” ƀê̆ dăh ăñ so jrăng jêng dư̆k yơng băh lĕ mơt pơp.13“Pơp sa yơng băh ndư̆l, jêh iên ndư̆l yơng băh pơp sa,” ƀê̆ dăh Yang Trôk jrăng lăm rai lĕ ĕh ho wăt ĕh tŏ. Ƀê̆ dăh săk jăn so geh thêm ta pơp čhơng tăt, ƀê̆ dăh thêm ta Yang Trôk, jêh iên Yang Trôk jêng thêm ta săk jăn.14Yang Trôk jêh ăn Khua Yang wêh dŏk brêh, ăt yơng băh pơp myang Khua Yang jrăng lăm ăn băl băn wêh dŏk brêh.15Ŏh mi so gư̆t lăh săk jăn ŏh mi jêng ju khăn săk jăn Yang Tŏng Tlĕh di? Kơt iên, jêh sŏk ju khăn săk jăn Yang Tŏng Tlĕh, ăñ lăm ñjêng ĕh jêng săk jăn čhơng tăt di ya? So dơi mau bruă klăh iên ƀă!16Mdăh ŏh mi so gư̆t lăh nêh tơm tăm tlăč băk čhơng tăt jrăng ñjêng ƀơn lŏng săk băk čhơng tăt? Bơ yơng mau pơp čih: “Bar nau jrăng ñjêng ƀơn lŏng săk.”17Ƀê̆ dăh nêh tơm tăm tlăč băk Khua Yang jrăng ñjêng ƀơn săk jăn băk Khua Yang.18Ăn diêr wăč băh pơp čơng tăt! Grăp pơp tih dơ dêh kuôn nêh mhŏ so čuôm gu ta ling săk jăn, ƀê̆ dăh băl čhơng tăt mhŏ tih jêng trôh ta săk jăn tơm.19Mdăh ŏh mi so gư̆t lăh săk jăn ŏh mi jêng hih kôh mpŭ Yang Ngăt Găl di gŭk mŏng ŏh mi, Mtao jêh ŏh mi sŏk dơn băh Yang Trôk? Jêh iên ŏh mi ăt so hôm ting ju ŏh mi tơm ya,20bơ yơng ŏh mi jêh dơi ruôt ta nŏh yuôm ngăn ru. Kơt iên, ăn lăm guh ang Yang Trôk ta săk jăn ŏh mi tơm.
FAR EAST BROADCASTING COMPANY