1 Corinthians5
1Bruă pĕh hing ngăn mŏng mbar ŏh mi jêng mau pơp čhơng tăt, jêh iên kdrăp pơp čhơng tăt hư̆n jêng pơp ñăm tuôm mau mŏng băl uôn lan so đăo — tăl mau nêh gŭk ur bap kăn tơm.2Bơ ŏh mi ndôl mau pơp mgao hĭn, jêh iên ăt so khơñ ñim ya, no di băl mhŏ bruă hư̆n dơi lăm khư̆t lat băh tŭk ŏh mi.3Bơ yơng ăñ, wăt di lăh wăč mŏng lŏng săk ƀê̆ dăh nuih nhăm gŭk ta iên, ăñ jêh phat dôih nêh mhŏ tih hư̆n ru, klăh di ăñ jai mau măt iên ya.4Mŏng năn Khua Yang băl băn, jêng Yang Tŏng Tlĕh Yê-su, jăng jai ŏh mi jêh tăm ƀư̆n ju băk, wăt ta nuih nhăm ăñ, jêh iên pơp myang Khua Yang băn, jêng Yang Yê-su,5no di jao nêh hư̆n ta Sa-tan tŭ pơp lăm rai đăh lŏng săk, ăn ngăt nhuôl nêh hư̆n jrăng dơi tlĕh mŏng nar Khua Yang di.6Pơp mgao ŏh mi di so mau ju mta pơp găl. Ŏh mi so gư̆t ôh hư̆n jêng čuôm gu dŏng nê̆ pei lăm dang lĕ ju klŏ ƀhŭk lăh?7Ăn lăm ƀrăh pei yau, no di ŏh mi dơi jêng ƀhŭk mhei, ndrơm klăh di ŏh mi jêng ƀăñ so mau pei. Bơ yơng Yang Tŏng Tlĕh, jêng biêp kuôn Mar Găn Gao băn di, jêh nai lăm khư̆t ñjêng pơp mhŏ yang.8Hư̆n yơh, ăn băn tŏng ƀư̆n mŏng nar mar, so geh ta pei yau, ăt so geh ta pei čhơng tăt jêh iên djŏh ƀai ya, ƀê̆ dăh ta ƀăñ so mau pei pơp kpă jêh iên pơp ngĭn ngăn.9Mŏng ră ñuôr ăñ jêh čih ta ŏh mi man tŏng nhŏng ta băl čhơng tăt —10ăñ so čiêng ngơi băl čhơng tăt teh dih ho ôh, mdăh băl he khơñ jêh iên mblơm mblam, mdăh băl kôh rup yang, ndă klăh iên, ăn ŏh mi du lat băh teh dih.11Ƀê̆ dăh nar o, ăñ čih ta ŏh mi ei ru tŏng nhŏng ta băl pra ngơp tơm jêng ŏh mi ƀê̆ dăh jêng nêh čhơng tăt, he khơñ, kôh rup yang, mưng păh rak, ñư̆l mbŭk, mdăh mblơm mblam; ăt ei ru gŭk sông sa ju băk ta nêh kơt iên.12Bơ yơng phat dôih nêh ta ling năn pơp yuôm ta ăñ? Ŏh mi so phat dôih nêh gŭk mŏng pôl ƀrăh lăh?13Ƀê̆ dăh Yang Trôk jrăng phat dôih băl ta ling.“Ăn ndrŏh lat pơp djŏh ƀai băh săk tơm ŏh mi.”
FAR EAST BROADCASTING COMPANY