Ос11
1Тудо кечын, волгыжаш тӱҥалмеке,Израильын кугыжаже пуштмо лиеш.Кунам Израиль самырык лийын,Мый тудым йӧратенам,шке эргым Мый Египет гыч ӱжынам.2Мыняр гана нуным ӱжыныт,но нуно шке корнышт дене каеныт:Ваал-влаклан надырым конденыт,шояк юмо-шамычлан тӱтыреныт.3Мый Ефремым кошташ туныктенам,тудым кидыштем нумалынам,но нуно умылен огытыл:тиде Мый нуным паремденам.4Мый нуным йӧратымаш кандыра дене,порылык кандыра дене вӱден каенам.Мый шӱйышт гыч омытам кораҥденам,нунын деке кочкышым пуаш тайненам.5Но нуно Египетыш огыт пӧртыл,кугыжашт Ассирий лиеш,вет нуно Мый декем савырнаш шонен огытыл.6Сандене олаштышт керде йолгаш тӱҥалеш,тудо капка тӱкылтыш-влакым шалата,мом шонен пыштымышт верч нуным пытара.7Мыйын калыкем Мый дечем кораҥаш шонен пыштен.Кеч Чыла деч Кӱшылысым ӱжын кумалыт,Тудо нуным тидлан ок мокто. 8Ефрем, Мый тыйым коден кертам мо?Израиль, Мый тыйым кудалтем мо?Кузе Мый Адма дене ыштенам,тый денетат тыге ыштем мо?Мом Цевоимлан ыштенам, тыланетат ыштем мо?Шӱмем шулен, кӧргыштем чаманымаш ылыжын!9Уке, Мый шыдемлан эрыкым ом пу,Ефремым ом пытаре,вет Мый айдеме огыл, а Юмо улам,тендан коклаште Святой.Кугу шыде дене Мый ом тол.10Нуно Господь почеш каят,да Тудо лев семын ырла.Шке йӱкшым Тудо луктеш,да касвел гыч эргыж-влак толыт пырткен.11Кайык-влак семын лӱдын-чытырентолыт нуно Египет гыч,Ассирий мланде гыч кӧгӧрчен семын толыт.Мый нуным шке пӧртышкышт илаш пуртем, – ойла Господь. –12Ефрем Мыйым авырен шояк дене,Израиль тукым – ондалчык дене.А Иуда Юмо деч кораҥын огыл,святой-влак дене пырля ӱшанле кодын».
Institute for Bible Translation, Finland