Лекм37
1Веселеил акаций дене шондыкым ыштен. Кутышыжо – кок кынергутат пеле, лопкытшо ден кӱкшытшӧ – ик кынергутат пеле.2Тудым кӧргӧ гыч да тӱжвачын яндар шӧртньӧ дене комыжлен, йырже шӧртньӧ ваям колтен.3Тудын ӱлыл ныл лукшылан ныл шӧртньӧ колчам велен ыштен: кок колча – ик велым, кок колча – вес велым.4Акаций дене кок варам ыштен да нуным шӧртньӧ дене комыжлен.5Шондыкым нумалаш манын, тудын кок могырыштыжо улшо колчалашке вара-влакым чыкен.6Яндар шӧртньӧ дене шондык комдышым ыштен. Тудын кутышыжо кок кынергутат пеле, лопкытшо ик кынергутат пеле лийын.7Шӧртньӧ дене кок херувимым таптен ыштен, нуным комдышын кок мучашкыже вераҥден.8Ик херувимым ик мучашеш, вес херувимым вес мучашеш комдыш деч нӧлталалт шогышым ыштен. Нуно комдышын кок мучаштыже лийыныт.9Херувим-влак, кӱш нӧлталме шулдырышт дене комдышым петырен, икте-весышт ваштареш шогеныт, чурийышт комдыш ӱмбаке ончен.10Акаций дене ӱстелым ыштен – кок кынергут кутышаным, ик кынергут лопкытаным, ик кынергутат пеле кӱкшытаным.11Тудым яндар шӧртньӧ дене комыжлен, йырже шӧртньӧ ваям колтен.12Ӱстел йыр тыгак пырдыж семын сово лопкытан тӱрым ыштен да тушто шӧртньӧ ваям колтен.13Ӱстеллан ныл шӧртньӧ колчам велен да ныл лукешыже, ныл йолжо тураш, пижыктен шынден.14Ӱстелым нумалашлан вара-влакым чыкаш манын, нине колча-влак ӱстел тӱр йымалне лийыныт.15Ӱстелым нумалаш манын, акаций дене кок варам ыштен, нуным шӧртньӧ дене комыжлен.16Эше тиде ӱстеллан яндар шӧртньӧ дене ате-влакым – изи ден кугу кӱмыжым, йошкар арака надырым йоктараш кувшин ден коркам – ыштен.17Вара яндар шӧртньӧ дене светильникым таптен ыштен. Тудын вургыжо, укшлаже, пеледышкоркаже – пеледышйол ден пеледыш лышташыжге – чылажат ик тичмаш лийын.18Светильникын куд укшыжо лийын: кум укш – ик вел гыч да кум укш – вес вел гыч.19Кажне укшышто миндаль пеледышым ушештарыше кум пеледышкорка – пеледыш лышташ да пеледышйолжо дене пырля – лийын. Светильник гыч лекше чыла куд укшыштат тыгак лийын.20Тудын вургыштыжат миндаль пеледышла койшо ныл пеледышкорка – пеледыш лышташ да пеледышйолжо дене пырля – лийын.21Светильник вурго гыч лекше икымше мужыр укш йымалне пеледышйол лийын, кокымшо мужыр ден кумшо мужыр йымалнат пеледышйол лийын. Тудын чыла куд укш йымалныжат тыгак лийын.22Светильникын пеледышкоркаж ден укшыжо-влак тудын вургыж гыч лектын шогеныт. Тудо тӱрыснек ик яндар шӧртньӧ моклака гыч таптыме лийын.23Светильниклан шым лампадым, шипши-влакым да тулшол ате-шамычым яндар шӧртньӧ дене ыштен.24Тиде светильникым да тудын пелен кучылтмо ӱзгар-влакым ышташлан ик талант яндар шӧртньӧ каен.25Тӱтырымӧ жертвенникым акаций дене ыштен. Тудо ныл лукан, ик кынергут кутышан, ик кынергут лопкытан, кок кынергут кӱкшытан лийын. Тушто улшо тӱкӧ-влак жертвенник дене ик тичмаш лийыныт.26Тудым яндар шӧртньӧ дене комыжлен – ӱмбалжымат, чыла могыржымат, тӱкӧ-влакшымат. Жертвенник йыр шӧртньӧ ваям колтен.27Вая йымалне кок тӱреш шӧртньӧ дене кок колчам ыштен, нуно жертвенникын кок могырыштыжо лийыныт. Жертвенникым нумалме годым тушко кок варам чыкеныт.28Вара-влакым акаций дене ыштен да шӧртньӧ дене комыжлен.29Святой шӱрымашлан миром, эше тамлыпушым лукшо яндар тӱтыртышым тудо мастар-влак ыштыме семынак ыштен.
Institute for Bible Translation, Finland