Эккл12
1Самырык жапет годым шке Ыштышет нерген шарне,кунам эше неле кече-влак толын огытыл,кунам эше тугай ий-влак лишемын огытыл,кудышт нерген тый каласет:«Нунын деч мылам нимогай куан уке».2Тунам кече, волгыдо, тылзе да шӱдыр-влак вудакаҥытда, йӱр эртымеке, угыч пыл погына.3Тунам пӧрт орол-влак чытыраш тӱҥалыт,виян пӧръеҥ-шамыч пӱгырнат,йоҥыштышо-влак йоҥыштымым чарнат –нуно пеш шагалын кодыт,а окнаш ончышо-шамыч вудакан ужаш тӱҥалыт.4Уремыш омса-влак тӱкылымӧ лийыт,кидвакшын йӱкшӧ тыплана.Кайык йӱк дене эрдене помыжалтеш айдеме,мурымо йӱк шыплана.5Лӱдаш тӱҥалыт кӱкшыт деч,а корнышто лӱдыкшӧ лиеш.Пеледеш миндаль,нелемеш шудышырчык,каперсын пеледышлыкше тетла ок полшо.Вет айдеме кая шке курымашле пӧртышкыжӧ,шортмо йӱлам эртарыше ӱдырамаш-влак уремыште коштыт.6Сандене шке Ыштышетым шарне,кунам эше ший шинчыр кӱрлалтын огылда шӧртньӧ корка шаланен огыл,кунам эше памаш воктене кувшин пудырген огылда таве орава шаланен огыл.7Тунам пурак мландыш пӧртылеш,кушечын тудо налме лийын.А шӱлыш пӧртылеш Юмо дек,Кудо тудым пуэн.8Арам, чыла арам, – каласен мунло туныктышо, –чылажат арам!9Мунло улмыж деч посна тудо эше калыклан шинчымашым пуэн, туныктен каласыме шуко ойым шымлен, терген да поген.10Мунло туныктышо тыгак сылне ойсавыртышым кычалын, кере шомак-влакым чынлын возен.11Мунло еҥ-влакын каласыме ойыштвольыкым поктымо пӱсӧ тоя гай,пеҥгыдын кырен шындыме пуда гай улыт,нине погымо ой-влак ик Кӱтӱчӧ деч улыт.12Эргым, чыла тидын дек утыжым ешарыме деч шеклане: шуко книгам возымылан мучаш ок лий, шуко лудмаш капкылым улныктара.13Чыла тидым колмеке, теве тыгай иктешлымаш: Юмо деч лӱдын иле да Тудын кӱштымашыже-влакым шуктен шого, вет тидым кажне айдеме ыштышаш.14Вет кажне пашалан, шолып ыштымыланат – тудо сай але осал лийже – Юмо мут кучаш шогалта.
Institute for Bible Translation, Finland