Эккл11
1Колто киндетым вӱд дене,шуко кечыла гыч тудо угыч пӧртылеш.2Мо тыйын уло – шым але кандаш ужашлан пайлен пуэде,вет мландымбак могай туткар толшашым от пале.3Кунам пыл-влак вӱд дене темыт,нуно мланде ӱмбак йӱрым йоктарат.Пушеҥге кечывалвел але йӱдвел могырыш камвозеш гын,тудо камвочмо верыштыжак кодеш.4Кӧ мардежым эскера – ок ӱдӧ,кӧ пылым онча – ок тӱред.5Кузе тый мардежын коштмо корныжымда мӱшкыран ӱдырамашын кӧргыштыжӧ лу ышталтмым от пале,тугак Юмын, чыла Ыштышын, пашаже-влакым от керт пален.6Эрдене урлыкашым ӱдӧ,кастенат кидетлан канаш ит пу,вет тый от пале:икымшыже але весыже сайын шыта,але коктынат ик семын сайын лектыт.7Кечын волгыдыжо ямле,шинчалан тудым ончаш келша.8Айдеме кеч-мыняр шуко ила гынат,тек ӱмыржӧ мучко лиеш весела.Но тек пычкемыш кече-влак толмо нерген шарна,вет нунат шуко лийыт.Ончыкшым мо лиеш – чылажат арам!9Веселитле, рвезе, самырык улмет годым,самырык жапетын кажне кечынже тек чонет куана.Кай, кушко шӱмет ӱжеш, кушко шинчат онча,но шарне: чыла тидлан Юмо тыйым мут кучаш шогалта.10Покто шӱмет гыч ойгырымашым,кожен колто капет гыч орлыкым,вет йоча пагыт ден самырык жапат – чыла арам!
Institute for Bible Translation, Finland