2 Corinthians3
1हम तोरा पर ई बात के दोसरा बार साबित नऽ करम कि हम भरोसेमंद ही। जईसे कि तूँ जानऽ हऽ कि तोहनी के अईसन कोई चिट्ठी लिखे चाहे पावे ला कोई जरुरत नऽ हे जे ई बात के साबित करत कि हम भरोसा के लायक ही, भले ही तोरा दोसर लोगवन लागी ऊ कामवन के करे के जरुरत पड़े2ई तोहनी सभे लोग हऽ जे ऊ चिट्ठी के समान काम करऽ हऽ जेकरा से ई साबित होवऽ हे कि हम भरोसेमंद ही जखनी हम एक दोसर के देख भाल करऽ ही तऽ सभे लोग ई अपन मन में जान लेतन कि हम भरोसा के लायक ही, जईसे कि मानऽ ऊ तोहनी दने से भेजल गेल कोई चिट्ठी पढ़ऽ हे।3हर कोई जानऽ हथन कि तूँ एगो अईसन चिट्ठी के समान हऽ जेकरा मसीह लिखलन, जेकरा हम सेवा के समान लिखली; आउर हम पहुँचा भी देली। मसीह, स्याही के इस्तेमाल कर के ई चिट्ठी पत्थर के पट्टियन पर नऽ लिखलन। बलुक, अईसन लगऽ हे कि मानऽ ऊ जीवित परमेश्वर के पवित्र आत्मा, जे एगो सच्चा परमेश्वर हथन, मांस के हृदय पर एकरा लिखलन। 4हम ऊ बात येहिगुने कहऽ ही काहेकि परमेश्वर हमरा बारे में जे सोचऽ हथन ओकर बारे में हम निफिकिर ही। आउर हम निफिकिर येहिगुने ही काहेकि मसीह हमरा निफिकिर करऽ हथन5बेशक हम अपने आप शुभ संदेश के प्रचार बढ़ियाँ से नऽ कर सकऽ, आउर हमरा लगऽ हे जे कुछ भी हम अच्छा से करऽ ही ऊ हमरे चलते ही होवऽ हे। बलुक परमेश्वर ही हमरा शुभ संदेश के प्रचार अच्छा से करे के लायक बनावऽ हथन।6जौन हमनी के नया वाचा के तरफ से काम सेवक होवे के लायक बनावऽ हे। पवित्र आत्मा ई नया वाचा के देवऽ हथन, येहिगुने ई खाली अईसन शब्द नऽ हे जेकरा कोई लिख देलक हे। ई जरुरी येहिगुने हे काहेकि जे लोगवन पवित्र आत्मा पर भरोसा करऽ हथन ऊ जिन्दा रहतन, बाकि जे लोगवन ऊ शब्दवन पर भरोसा करऽ हथन जेकरा कोई लिख देलन हे ऊ मर जईतन। 7एकर अलावे, जखनी मूसा ऊ पुराना वाचा के मुताबिक काम करलन जे लोगवन के मौत के सजा के दोषी ठहरावऽ हल तऽ परमेश्वर ऊ वाचा के शब्दवन के पट्टियन पर खोद के लिख देलन। जे काम मूसा करलन हे ऊ सेवकाई एतना तेजोमय हल कि इस्राएल के लोगवन बाद में ओकर चेहरा के तरफ देख भी नऽ पईलन काहेकि ई ऊ बात के प्रतिबिम्बित करऽ हल कि परमेश्वर केतना तेजोमय हथन, जबकि ऊ तेज अन्त में मिट जायेत। 8येहिगुने जखनी लोग पवित्र आत्मा प्रदान करे वाला सेवा के मुताबिक काम करऽ हथन, तऽ ऊ आउर भी तेजोमय हो जा हथन।9सच में जखनी मूसा ऊ पुराना वाचा के मुताबिक काम करलन जे परमेश्वर के द्वारा आदमियन के दोषी ठहरावे लागी सेवकाई के तरफ अगुवाई करऽ हल, तऽ ई तेजोमय हल। येहिगुने जखनी लोग ऊ नया वाचा के मुताबिक काम करऽ हथन जे लोग के धर्मी बने के अगुवाई करऽ हे, तऽ ई आउर भी तेजोमय हो जा हे!10सच में, काहेकि नया वाचा बड़ी जादे तेजोमय हे येहिगुने तेजोमय पुराना वाचा एकदम से तेजोमय नऽ लगऽ हे। 11सच में, पुराना वाचा जे मिटे वाला हल, ऊ तेजोमय हल। येहिगुने अब, नया वाचा जे हमेशा बनल रहे ऊ आउर भी तेजोमय हे!12येहिगुने, अब, जबकि हम निफिकिर होके ई तेजोमय चिजवन के प्राप्त करे के आशा करऽ ही, येहिगुने हम हिम्मतगर होके बर्ताव करऽ ही।13हम मूसा के जईसन तऽ नऽ ही, जे अपन मुँह छिपावे लागी एगो परदा डाल लेलन हल। ऊ रीति से, इस्राएली लोगवन ई नऽ देख पईलन कि कईसे उनकर चेहरा ई बात के प्रतिबिम्बित करे लागी बंद कर देलन हल कि परमेश्वर केतना तेजोमय हथन। 14सच में, इस्राएली लोगवन के मन ई नऽ समझ पईलक हल कि परमेश्वर कौची प्रकट करलन हल। सचमुच में, ई समय पर भी, जखनी कोई अादमी ऊ पवित्रशास्त्र के पढ़ऽ हथन जेकरा में पुराना वाचा पावल जा हे, तऽ अईसन लगऽ हे कि मानऽ मूसा जे परदा डालले हलन ऊ लोग के ई समझे से रोकऽ हे। अईसन येहिगुने हे काहेकि कोई अादमी ई पवित्रशास्त्र के तखनी तक नऽ समझ सकतन जखनी तक कि परमेश्वर ओकरा मसीह जौरे एकजूट नऽ कर देतन।15सचमुच में, ई समय भी जब कोई आदमी मूसा के व्यवस्था पढ़ऽ हे, तऽ अईसन लगऽ हे कि मानऽ ऊ परदा लोगवन के मन एकरा ई समझे से रोकऽ हे।16बाकि, जखनी लोग प्रभु परमेश्वर पर भरोसा करे लागी शुरु करऽ हथन, तऽ परमेश्वर ओखनी के मूसा के व्यवस्था समझे में सक्षम बनावऽ हथन, जईसे कि मानऽ ऊ परदा के हटा देलन हे। 17जखनी हम प्रभु, परमेश्वर के बात करऽ ही तऽ हमर मतलब हे प्रभु के आत्मा से हे। ई पवित्र आत्मा ही हे जे लोगवन के पवित्रशास्त्र के समझे में सक्षम बनावऽ हथन।18येहिगुने, हम सभे विश्वास करे वाला ही लोग ई बात के प्रकट करऽ ही कि प्रभु परमेश्वर केतना तेजोमय हथन, आउर परदा से अपन मुँह बेगर झाँकले, हम अईसन करऽ ही। परमेश्वर हमरा बदल रहलन हे ताकि हम मसीह के स्वरूप हो जायेम। ई रीति से तेजोमय प्रभु, जे पवित्र आत्मा हथन हमनी के तेजोमय बनावऽ हथन।
Bridge Connectivity Solutions Pvt. Ltd.