2 Corinthians2
1हम तोरा से मिले लागी नऽ अईली काहेकि तोरा से मिले ला नऽ आवे के फईसला हम ही करली हल ताकि ई पिछला बार के जईसन जहिया हम तोरा से मिले अईली हल तोरा आउर अपने आप के दुःख नऽ पहुँचायेम।2हम दूबारा तोहनी से मिले लागी नऽ आवे के चुनाव येहिगुने करली काहेकि जखनी हम तोरा दुःख पहुँचईली, तऽ हम ऊ लोगवन के ही दुःख पहुँचईली जे हमरा खुश कर सकलन हल।3जे बात हम तोहनी से अखनी कह रहली हे ऊ हम पहिले ही अपन पिछला चिट्ठी में लिख देली हल। ऊ बात हम येहिगुने लिखली ताकि जब अगला बेरा हम तोरा से मिले ला आयेम तऽ तूँ हमरा दुःख नऽ पहुँचावऽ, आउर हम ओईसहीं खुश रहम जईसे हमरा तोहनी लागी खुश होवे के चाही। ऊ बात हम तोहनी के येहिगुने लिखली हे काहेकि हमरा तोहनी के बारे में ई भरोसा हल कि जखनी हम खुश होयेम तऽ तोहनियो खुशी मनईवऽ।4जौन घड़ी ऊ पिछला चिट्ठी हम तोहनी के लिखली हल तऽ हम बड़ी दुःखी आउर मन से टूटल हली। सच में हम ऊ लिखे घड़ी रोली भी हल। हम ऊ चिट्ठी तोरा येहिगुने भेजली ताकि तूँ ई जान लऽ कि हम तोहनी से केतना प्रेम करऽ ही। हमर इच्छा तोरा दुःखी करे के नऽ हल।5जबकि, जे अादमी दोसरा के दुःख देलन ऊ सचमुच में हमरा दुःख नऽ पहुँचईलन। बलुक ऊ अादमी तोहनी में से कुछ के दुःख पहुँचईलन। हम ई “कुछ” शब्द के इस्तेमाल येहिगुने करऽ ही कि ताकि हम तोहनी सभे के एकरा में शामिल नऽ करूँ जेकरा ऊ अादमी दुःख पहुँचावऽ हे। 6तोहनी में जादेतर लोगवन मिल के ऊ अादमी के अनुशासित कर देलक हे। तोरा कुछ आउर करे के जरुरत नऽ हे।7येहिगुने ऊ अादमी के अनुशासित करे के बदले, अखनी तोरा क्षमा कर के ऊ अादमी के हौसला बढ़ावे के चाही। नऽ तऽ, ऊ अादमी बड़ी उदास होके हार मान लेतन। 8येहिगुने, हम तोरा से ई बात ला विनती कर ही ऊ अादमी से प्रेम करऽ हऽ, तऽ सभे के सामने देखावे लागी प्रमाणित करऽ ही।9जौन दोसरका कारण से हम तोरा ऊ चिट्ठी लिखली हल ऊ ई हल कि हम निश्चित रूप से ई पता लगा सकम कि तूँ ऊ सबकुछ करवऽ जे हम तोरा करे लागी कहली हे।10आखिर में, जखनी तूँ कोई बात लागी कोई अादमी के क्षमा करऽ हऽ, तऽ हम भी ऊ अादमी के क्षमा करऽ ही। सच में, जे ऊ अादमी करलन हे ओकरा लागी हम ओकरा क्षमा कर देली हे, भले ही ई मूलरूप से कुछ नऽ हल। मसीह के इच्छा के मुताबिक तोर सहायता करे लागी हम अईसन करली।11हमनी दोसरा के क्षमा करे के चाही जेकरा से शैतान हमनी के ऊपर काबू नऽ कर सकत। सच में, हमर वश में करे के ओकर योजना के बारे में हम सभे कुछ जानऽ ही।12जईसे हम यात्रा करली हल ओकरा पर वापस जाय लागी जखनी हम त्रोआस नगर के बंदरगाह में अईली, तऽ प्रभु यीशु हमरा लागी ऊहाँ मसीह के बारे में शुभ समाचार के प्रभावी तरीका से प्रचार करे ला हमरा लागी दुआरी खोल देलन।13जबकि हम साथी विश्वासियन तीतुस त्रोआस नगर में नऽ हल, येहिगुने हम ई बात के अपन आत्मा में चिंता कर रहली हल कि जखनी ऊ तोहनी भीर मिले लागी अईलन कौची घटित होलक होत। येहिगुने, हम ऊहाँ के विश्वासियन से विदा लेके मकिदुनिया प्रान्त के यात्रा लागी निकल पड़ली। 14अखनी हम परमेश्वर के धन्यवाद करऽ ही! काहेकि ऊ हमनी के मसीह के जौरे एक जगह मिला देलन हे, येहिगुने ओही हथन जे उनकर अपन दुश्मन पर विजय पाके ओकरा में लगातार हमनियो के भी शामिल करऽ हथन। एकर अलावे, ऊ कई जगह पर लोगवन पर ई बात के प्रकट करे लागी भी हमनी के इस्तेमाल करऽ हथन कि परमेश्वर कईसन हथन।15सच, में हमनी ऊ मनमोहक खुशबू के जईसन हऽ। जे मसीह से आवऽ। हे आउर जे परमेश्वर के खुश करऽ हे। जखनी हम ऊ आदमियन जौरे रहऽ ही जेकरा परमेश्वर बचा रहलन हे आउर जखनी हम ऊ लोग के जौरे रहऽ ही जे मर रहलन हे, तऽ हमनी ई खुशबू के जईसन ही।16जे लोग मर रहलन हे ओखनी सोचऽ हथन कि हम ऊ बदबू के जईसन ही जे एगो मरल देह से आवऽ हे आउर जेकरा से लोग मर जा हथन। दोसरका दने, जिनका परमेश्वर बचा रहलन हे ऊ सोचऽ हथन कि हम ऊ गंध के जईसन ही जे एगो जिन्दा चीज से आवऽ हे आउर जे लोगवन के जिन्दा रखऽ हे। कोई भी अादमी पूरा तरह से ऊ रीति से शुभ सन्देश के प्रचार नऽ कर सकलन हे!17तूँ बता सकलऽ हे कि हम पूरा रीति से अईसन पूरा रीति से येहिगुने नऽ करऽ ही काहेकि हम ऊ संदेश के दौलत लागी नऽ बेचऽ ही जे परमेश्वर हमरा देलन हे, जईसन कि केतना दोसर लोग करऽ हे। बलुक, हम खाली परमेश्वर के सेवा करे ला चाहऽ ही, आउर अईसन हम कुछ पावे लागी नऽ करऽ ही। सच में, हम शुभ संदेश के ऐलान येहिगुने करऽ ही काहेकि परमेश्वर हमरा एही करे लागी भेजलन हे। येहिगुने, ऊ लोगवन के रूप में जेकरा परमेश्वर मसीह के जौरे एकजूट कर देलन हे, हम लोगवन के नऽ बलुक परमेश्वर के खुश करे लागी शुभ संदेश प्रचार करऽ ही।
Bridge Connectivity Solutions Pvt. Ltd.