اِستِثنا15
1پرٮ۪تھ ستہِ وہرؠ چھِ توٚہہ تمام قرضہٕ ضروری معاف کرٕنؠ۔ 2سُہ کٔریٚو توٚہؠ یتھٕ کنؠ: توٚہہ منٛزٕ کرِ پرٮ۪تھ کانٛہہ یمؠ کٲنٛسہِ اسرائیلی سٲتھیس قرض دیُتمُت آسہ سُہ کرِ تمِس قرضہٕ معاف۔ توٚہہ پزِنہٕ تمِس زور کرُن زِ سُہ کرِنؠ قرضہٕ ادا۔ توٚہہ پزِ یی کرُن، تکیازِ یہُوواہنؔ کوٚر اعلان زِ پرٮ۪تھ ستہِ وہرؠ پتہٕ گژھِ قرضہٕ معاف کرنہٕ یُن۔3اتھ ورؠ یس دوران ہکیٚو توٚہؠ پانس سٟتؠ روزن والٮ۪ن غٲر مُلکی ین مطالبہ کرِتھ زِ تِم کرن قرضُک رقم ادا مگر توٚہہ پزِنہٕ کٲنٛسہ تہِ اسرائیل یس نِش یہ مطالبہ کرُن۔4سون خدا یہُوواہؔ کرِ توٚہہ اتھ ملکس منٛز برکت یُس سُہ توٚہہ دِوان چُھ۔ اگر توٚہؠ سٲنِس خدا یہُوواہؔ سنٛز فرمانبرداری کٔریٚو تہٕ تِم تمام احکام پٲلیٚو یمہ بہٕ توٚہہ از دِوان چُھس تہٕ توٚہہ منٛزٕ روزِنہٕ کانٛہہ تہِ غریب۔6سون خدا یہُوواہؔ کرِ توٚہہ برکت یمیُک تمؠ وعدہ کوٚرمُت چُھ تہٕ توٚہؠ ہکیٚو باقی جمٲژن ہنٛدی نفرن قرضہٕ دِتھ مگر توٚہہ پییہِ نہٕ کانٛسہ نِش تہِ قرض تُلنٕچ ضرورت۔ توٚہؠ ہکیٚو واریہن لُکہٕ جمٲژن ہنٛدؠ مٲلی ماملات کاپہِ رٔٹِتھ، مگر تِم ہیٚکن نہٕ تُہنٛدؠ مٲلی ماملات قوبو کٔرِتھ۔ 7تِمن شہرن منٛز یم سون خدا یہُوواہؔ توٚہہِ دِوان چُھ، اگر کانٛہہ اسرائیلی غریب آسہ، تمِس کٔرؠ زیٚو مدد خۅد غرض بنؠ زیٚو نہٕ۔8امہِ بجایہ بنؠ زیٚو فیاض تہٕ تِمن دیزیٚو سُہ رقم وۅزُم یُس تِمن ضرورت آسہ۔9حیٚس تھٲوؠ زیٚو ینہٕ یہ خیال پننِس دِلس منٛز ۅتلیٚوِ زِ "سُہ وری یتھ منٛز قرض معاف کرُن آسہ، امہِ کِنؠ دمہٕ نہٕ بہٕ وۅنؠ کٲنٛسہِ قرضہٕ، تکیازِ ییٚلہ یہ وری ییہِ تہٕ تمِس پییہِ نہٕ یہ واپس دِنُک ضرورتھےٕ۔ "یہ سونٛچُن تہِ چُھ غلط۔ اگر توٚہؠ کٲنٛسہِ ضرورت منٛد اسرائیلی سٲتھیَس سٟتؠ غٲر دوستانہٕ سلوک کران چُھو تہٕ تمِس کینٛہہ دِوان چُھو نہٕ تہٕ سُہ کرٕ توٚہہ خلاف یہُوواہسؔ برُونٛہہ کنہِ فریاد تہٕ یہُوواہؔ ونہِ زِ توٚہہ کوٚرو یمِس شخصس مدد نہ کٔرِتھ بوٚڈ گناہ۔10غریبن دِیو آزٲدی سان تہٕ کُھلہٕ دِلہٕ۔ اگر توٚہؠ تہِ کٔریٚو تہٕ یہُوواہؔ کرِ توٚہہِ پرٮ۪تھ کُنہِ کامہِ منٛز برکت۔11تُہنٛدِس ملکس منٛز روزن ہمیشہٕ کینٛہہ لوٗکھ غریب، اوٕ کِنؠ چُھسو بہٕ توٚہہ حکم کران زِ غریب لوٗکن پننٮ۪ن اسرائیلی سٲتھین کٔریٚو وژھِ وٲنجہِ مدد۔ 12اگر تُہنٛد کانٛہہ سٲتھی اسرائیلی مرد یا زٔنؠ توٚہہ منٛزٕ کٲنٛسہِ ہُنٛد غلام بننہٕ باپتھ پنُن پان کٕنہِ تہٕ توٚہؠ کٔرؠ زیٚون سُہ شیٚن ورؠ ین کام کرنہٕ پتہٕ رِہا۔ ییٚلہ ستِم وری ییہِ تہٕ توٚہہِ پزن تِم آزاد کرٕنؠ۔ 13ییٚلہ توٚہؠ تِم آزاد کٔرؠ ووکھ تہٕ توٚہہِ پزن نہٕ تِم ژھریٚو اتھو تراوٕنؠ۔14بلکہِ پزن تِمو چیزو منٛزٕ یِمن ہنٛز برکت یہُوواہنؔ توٚہہِ عطا کٔر تِمن وژھِ وانجہ دِنؠ یعنی تیٖر غلہٕ تہٕ شراب۔15یہ مٔشرٲے زیٚو نہٕ زِ تُہنٛدؠ جدٕاجداد ٲسؠ مِصرس منٛز غلام تہٕ سٲنؠ خدا یہُوواہنؔ کٔرؠ تِم آزاد۔ یوٚہے وجہ چُھ زِ وۅنؠ چُھسو بہٕ توٚہہ یہ کرنُک حکم کران۔16اگر تُہنٛدیٚو غلامو منٛزٕ کانٛہہ ونہِ، "بہٕ چُھسو نہٕ توٚہؠ تراونؠ یژھان" شاید اسہِ سُہ توٚہہ تہٕ تُہنٛدِس خاندانس سٟتؠ محبت کران تکیازِ توٚہہ چُھو تِمن سٟتؠ رُت سلوٗک کوٚرمُت۔17اگر سُہ یہ ونہِ تہٕ نیٖزیٚون پننِس گھرٕ کِس دروازس نِش تہٕ ییٚلہ سُہ دروازس برُونٛہہ کنہِ کھڑا آسہ تہٕ تمسُنٛد اکھ کن ژھنؠ زیٚو ژوٚمبتھ۔ امہِ سٟتؠ آسہ ننان زِ سُہ روزِ سٲرسےٕ وانٛسہِ تُہنٛد غلام۔ کٲنٛسہِ تہِ لونٛڈی سٟتؠ کٔرؠ زیٚو تی یۅسہ نہٕ توٚہہ تراونؠ یژھان آسہ۔ 18ییٚلہ توٚہہِ پنٕنؠ غلام آزاد کرنٕچ ضرورت آسہ تہٕ شِکوٕ گژھن نہٕ کرٕنؠ۔ یاد تھٲے زیٚو زِ تِمو چھےٚ شیٚن ورؠ ین تُہنٛز خدمت کٔرمٕژ، تہٕ توٚہہ کوٚرو تِمن صرف نیصف ادا یوٗتاہ توٚہؠ تِمن نوکرن دِوان چُھو یِم توٚہہِ مُزورِ پٮ۪ٹھ انان چُھو۔ اگر توٚہؠ تِم آزاد کٔرووکھ تہٕ سون خدا یہُوواہؔ کریٚو توٚہہِ پرٮ۪تھ کامہِ منٛز برکت۔19موسیٰؔ ہن ووٚن اسرائیل ین مزید، "سٲنِس خدا یہُوواہؔ سنٛدِس تعظیمس منٛز تھٲیو پننٮ۪ن گٲون تہٕ تیٖرن ہنٛدؠ گۅڈنِکؠ نر ژھو الگ کٔڈِتھ۔ تِم مہٕ کٔرؠ ووکھ پنٕنؠ کانٛہہ کٲم کرنس پٮ۪ٹھ مجبور، تہٕ تِم ژھو جانور مہٕ نی ووکھ۔ 20توٚہؠ تہٕ تُہنٛدؠ گھرٕ وٲلؠ مٲرؠ زیوکھ تِم، تہٕ تِہُنٛد ماز کھیٚی زیٚو یہُوواہسؔ برُونٛہہ کنہِ تتھ جایہ یۅسہ تٔمؠ تُہنٛدِ باپتھ تمؠ سنٛز عبادت کرنہٕ باپتھ ژٲر۔21وۅنؠ اگر تِمن جانورن منٛز کانٛہہ نۅقُس آسہ، لنٛگؠ آسن، أنؠ آسن یا بیٚیہِ کانٛہہ بوٚڈ عاب آسیٚکھ تہٕ توٚہہِ پزن نہٕ تِم سٲنِس خدا یہُوواہؔ سنٛدِ ناوٕ قربان کرٕنؠ۔22توٚہؠ ہیٚکؠ ووکھ تِم پننٮ۪ن شہرن منٛز مٲرِتھ تہٕ تِہُنٛد ماز کھیٚتھ۔ یمو لوٗکو تمہٕ کامہِ کرِمژٕ آسن یِمو سٟتؠ تِم خدایس برُونٛہہ کنہِ ناپسنٛد چھِ تہٕ تِم یِمو نہٕ تِژھٕ کامہِ کرِمژٕ آسن تِہنٛدِ باپتھ چُھ سُہ ماز کھیٚون جٲیز۔ یتھٕ پٲٹھؠ روٗسؠ کچہِ یا ہانٛکلہٕ سُنٛد ماز کھیٚون جٲیز چُھ۔23مگر توٚہہ چُھنہٕ خوٗنہٕ منٛزٕ کینٛہہ تہِ کھیٚون۔ ییٚلہِ توٚہؠ یِم جانور مٲرؠ ووکھ تہٕ توٚہہ پزِ سورےٕ خوٗن زمینس پٮ۪ٹھ تراوُن۔
Bridge Connectivity Solutions Pvt. Ltd.