اِستِثنا16
1موسیٰؔ ہن ووٚن اسرائیل ین مزید، "پرٮ۪تھ وریہ بہارٕ کِس شُروس منٛز ابیب ریٚتس منٛز منٲے زیٚو سٲنِس خدا یہُوواہؔ سنٛدِس تعظیمس منٛز فسحُک وۅرُس۔ یہ ٲس تمہِ ریٚتٕچ اکھ راتھ ییٚلہ یہُوواہنؔ تُہنٛدؠ جدٕاجداد مِصرٕ منٛز مۅکلٲوِتھ أنؠ۔2یہ وۅرُس مناونہٕ باپتھ گٔژھِیٚو تتھ جایہ یۅسہ یہُوواہنؔ تُہنٛدِ باپتھ پنٕنؠ عبادت کرنہٕ خٲطرٕ ژٲرمٕژ چھےٚ تہٕ تتہِ کٔرؠ زیٚو پننیٚو چاروایو یا تیٖرو منٛزٕ اکھ لۅکُٹ جانور فسح چہِ قربٲنی باپتھ پیش۔3ییٚلہ توٚہؠ فسح ہُک کھیٚن کھیٚیو تہٕ یۅسہ ژۅٹ توٚہؠ کھیٚوان ٲسیٚو سۅ گژھِ خمیرِ روستےٕ آسٕنؠ۔ توٚہہ پزِ ستن دوٚہُن سۅ ژۅٹ کھیٚنؠ یتھ مصیبتٕچ ژۅٹ ونو۔ یہ کرِ توٚہہ تمہِ سفرٕچ یاد تازِ ییٚلہ توٚہؠ زنٛدٕ ٲسیٚو تہٕ تُہنٛدؠ جدٕاجداد مِصر ترٲوِتھ گےَ، یتہِ تِم غلامی ہنٛدِ سببہٕ مصیبتس منٛز ٲسؠ، تِمہ دراے تتہِ جلدی منٛز۔ تِمن اوس نہٕ ٲٹس خمیر تراونُک تہٕ نہٕ تتھ پھۅلنس پرارنُک وقتےٕ۔ 4تتھ وۅرسس دوران یُس ستن دوٚہُن جٲری روزِ، گژھِ نہٕ توٚہہ پننِس ملکس منٛز کُنہِ تہِ گھرس انٛدر خمیر آسٕنؠ۔ بیٚیہِ یتہِ زِ فسح کہِ گۅڈنِکہ دوٚہہ شامس یُس ضانور توٚہؠ قربان کٔرؠ وون تمسُنٛد ماز گژھِ أتھؠ راتس منٛز کھیٚنہٕ یُن۔ تمہِ منٛز گژھِ نہٕ کینٛہہ تہِ پگاہ پٮ۪ٹھ روزُن۔5سٲنِس خدا یہُوواہؔ سنٛدِ تعظیمہٕ باپتھ چھےٚ توٚہہ فسح ہٕچ قربٲنی صرف تٔتھؠ جایہ کرٕنؠ یۅسہ سُہ تُہنٛدِ عبادتہٕ خٲطرٕ ژاران چُھ۔ سۅ قربٲنی گژھِ نہٕ تمہِ ملکہٕ کِس بیٚیہِ کُنہِ شہرس منٛز کرنہٕ ینؠ یُس یہُوواہؔ توٚہہ دِوان چُھ۔ سۅ قربٲنی گژھِ آفتاب لوسنہٕ وزِ کرنہٕ ینؠ، تمی وقتہٕ یمہِ وزِ تُہنٛدؠ جدٕاجداد مِصرٕ منٛزٕ نیرنہ لٔگؠ۔ 7ماز کھیٚی زیٚو تتھ عبادت گاہس منٛز سِوِتھ یُس سٲنؠ خدا یہُوواہنؔ ژورمُت چُھ۔ دویمہِ دوٚہہ صبحاے ہکیٚو توٚہؠ پننٮ۪ن متبرک خٟمن منٛز واپس گٔژھِتھ8پرٮ۪تھ دوٚہہ شیٚن دوٚہُن یۅسہ ژۅٹ توٚہؠ کھیٚیو تتھ گژھِ نہٕ خمیر آسٕنؠ۔ ستمہِ دوٚہہ گٔژھیٚو توٚہؠ سٲری سٲنِس خدا یہُوواہؔ سنٛز عبادت کرنہٕ باپتھ جمع۔ یہ آسہ آرامُک دوٚہہ، امہِ دوٚہہ چھنہٕ توٚہہ کانٛہہ تہِ کٲم کرٕنؠ۔ 9موسیٰؔ ہن ووٚن اسرائیل ین مزید، "پرٮ۪تھ وریہ، یمہِ دوٚہہ پٮ۪ٹھٕ توٚہؠ دراتہِ سٟتؠ فصل لونُن شروع کٔریٚو، ستھ ہفتہٕ گنٛزرٲے زیٚو۔10تمہِ پتہٕ منٲزیٚو سٲنِس خدا یہُوواہؔ سنٛدِس تعظیمس منٛز عیدِ پنتِیکُست۔ یِتھ کٔنؠ کٔرؠ زیٚو زِ تٔمس نِش أنؠ زیٚو اناج نذرانہٕ۔ یہُوواہنؔ کٔرنو توٚہہ اتھ ورؠ یس دوران تُہنٛدِس کھہَس منٛز ۅپدن وٲلِس زراعتس برکت۔ اگر توٚہہ واریاہ فصٕل بنیو تیٚلہ کٔریٚو بوٚڈ نذرانہٕ۔ اگر توٚہہ کمےٕ فصٕل بنیو تیٚلہ أنیٚو کینٛہہ لۅکُٹ نذرانہٕ۔11تمام خانٛدرٕ والٮ۪ن بٲژن دوٚن پزِ یہُوواہسؔ برُونٛہہ کنہِ خوش روزُن، تہنٛدؠ بچہ، تِہنٛدؠ نوکرن، لاوین ہنٛدؠ اولاد یم تتھ شہرس منٛز روزان آسن، غٲر ملکی، یتیم تہٕ مونٛڈٕ یمہ توٚہہ سٟتؠ بسان آسن، تہِ گژھن خوش آسنہِ۔ تمہٕ نذرانہٕ تہِ أنزیٚو تتھ عبادت گاہس منٛز یُس یہُوواہؔ مقرر کرِ۔12ییٚلہ توٚہؠ یِمن احکامن ہنٛز پٲروی کٔرِتھ یمہٕ بٔڈؠ دوٚہہ مناوان ٲسیٚو تیٚلہِ ٲسزیٚو یاد تھاوان زِ تُہنٛدؠ جدٕاجداد ٲسؠ مِصرس منٛز غلام۔13پرٮ۪تھ وریہ ییٚلہ توٚہؠ پنُن تمام فصل چُھمبان ٲسیٚو تہٕ دچھِ رس ٲسیٚو کڈان تہٕ توٚہہ پزِ ستن دوٚہُن خٟمن ہنٛز عید مناونؠ۔ 14تمام خاندرٕ وٲلؠ بٲژ تِہنٛدؠ بچہٕ، نوکر، لاوین ہنٛدؠ اولاد تہٕ پردیسی یمہ تتھ شہرس منٛز روزان آسن، یتیم تہٕ مونٛڈٕ یمہٕ توٚہہ سٟتؠ بسان آسن گژھن یہُوواہسؔ برُونٛہہ کنہٕ خوش آسٕنؠ۔15سٲنِس خدا یہُوواہسؔ کٔریٚو تعظیم تہٕ یہ ۅرُس منٲیو ستن دوٚہُن تتھ جایہ یۅسہ تٔمؠ تُہنٛدِ باپتھ پننہٕ عبادتہٕ خٲطرٕ ژٲرمٕژ چھےٚ۔ توٚہہ سارنی پزِ خوشی مناونؠ، تکیازِ یہُوواہؔ چُھ تُہنٛدِس فصلس تہٕ تُہنٛزن تمام کامٮ۪ن برکت کران یمہٕ توٚہہ کریٚو۔16لہٰذا پزِ توٚہہ تمام اسرائیلی مردن تتھ جایہ جمع سپدُن یۅسہ سون خدا یہُوواہؔ مقرر کرِ، ترےٚ بٔڈؠ دوٚہہ مناونہٕ باپتھ: خمیرِ روس ژۅچہِ ہُنٛد وۅرُس، عیدِ پنتِیکُست، تہٕ عیدِ خیام یعنی خٟمن ہُنٛد وۅرُس۔ کانٛہہ تہٕ ییہِ نہٕ نذرانہٕ بغٲر یہُوواہسؔ برُونٛہہ کُن۔ توٚہہِ منٛزٕ پزِ پرٮ۪تھ أکِس یمن ۅرسہٕ کٮ۪ن موقن پٮ۪ٹھ یہُوواہؔ سنٛدِ باپتھ نذرانہٕ انُن۔ 17قربٲنیہ گژھن تِمن برکٔژن مطٲبق آسنہِ یمہٕ تتھ ورؠ یس دوران یہُوواہنؔ توٚہہ عطا کرِ۔18پنٕنؠ منصف تہٕ دویم عہدٕدار کٔرووکھ مقرر پننیٚو تمام قبیلو منٛزٕ سارنی شہرن منٛز یمہٕ سون خدا یہُوواہؔ توٚہہِ دِوان چُھ۔ تِم گژھن لوٗکن منٛز صحی پٲٹھؠ انصاف کرٕنؠ۔19تِم گژھن نہٕ فٲصلن منٛز بےٚ انصٲفی ورتاوٕنؠ۔ تِمن پزِ نہٕ کانٛہہ شخص بیٚیہِ سنٛدِ نشہٕ ٹوٹھ تھاوُن۔ قٲصؠ ین پزِ نہٕ رُشوت رٹُن۔ تکیازِ اگر قٲصد رُشوت رٹان چُھ چاہے سُہ عٲقل تہٕ ایماندار کُنہٕ آسہ تمہِ سنٛدِ باپتھ چھےٚ انصافس کٲم ہیٚنؠ واریاہ مشکِل۔ سُہ کرِ تی یہ تمِس رشوت دنہٕ وول یژھان آسہ زِ سُہ کٔرِنؠ یہ تہٕ اعلان کٔرتھ ؤنِن بے گُنہس گژھِ سزا میلُن۔20توٚہہ پزِ پوٗرٕ پٲٹھؠ غٲر جٲنِبدار تہٕ انصاف پسنٛد بنُن تاکہِ توٚہؠ روزیٚو تتھ ملکس پٮ۪ٹھ قبضہٕ کرنہٕ باپتھ واریہس وقتس زنٛدٕ یُس سون خدا یہُوواہؔ توٚہہِ دِوان چُھ۔21ییٚلہ توٚہؠ سٲنِس خدا یہُوواہؔ سنٛز عبادت کرنہٕ باپت قرباہ گاہ بناوان چُھو تہٕ تتھ برُونٛہہ کنہٕ مہٕ کٔریٚو لکٕرِ ہُنٛد کانٛہہ تھمب کھڑا یُس یسیرہؔ دیوی ہنٛز نمایندگی کران آسہ۔22تہٕ کٲنٛسہ بُت سنٛزِ پوٗزایہ باپتھ کٔرؠ زیٚو نہٕ کنہِ ہُنٛد کانٛہہ سِتون کھڑا تکیازِ یہُوواہؔ چُھ تِمن نفرت کران۔
Bridge Connectivity Solutions Pvt. Ltd.