Yọsua12
Mme Ndidem se Ekekan ke Ekọñ
1Mme ndidem isọñ ado a-nditọ Isrel ekekanna enyʌñ edat isọñ ammọ ke ukañ usakkautịn Yọdan, tọọñọ ke Itịkke Anọn tutu akewuọ Abod Hemọn, ye afịd ukañ usakkautịn Araba, edo ami:2Sihọn adidem mbon Amọọ, a-akedʌññọ ke Hesbọn. Anye akekara tọọñọ ke Arowa ke mben Itịkke Anọn, tọọñọ ke ufọọd itịkke ado, tutu akewuọ Inyañ Yabọk, a-adooho adaña mbon Amọn. Ubaak itie ke Kilied akesịne do.3Anye ñko akenyʌñ akara ke ukañ usakkautịn Araba tọọñọ ke Inyañ Kalili, a-adooho Akpainyañ Kinered, tutu akesịm Inyañ Araba (a-adooho Ñkpaikpa Akpainyañ), ben kewuọ Bed Yesimod, ye ke usuuk-usuuk ke ukod usuuk Piska.4Ye adaña Ọk adidem Basan, keed ke atu akpatre mbon Refaim, a-akedʌññọ ke Astarọd ye Edrei.5Anye akekara Abod Hemọn, Saleka, afịd Basan tutu akewuọ adaña mbio Kesọọ ye Maaka, ye ubaak Kilied tutu akewuọ adaña Sihọn adidem Hesbọn.6Moses, awo utom Abọọñ, ye nditọ Isrel emaekan ammọ. Ndin Moses awo utom Abọọñ amaayaak isọñ ado anọ mbon Rubịn, mbon Kad ye ubaak esiin Manase, ate ammọ edat enie.7Ami edo mme ndidem mme abio se Yọsua ye nditọ Isrel ekekan ke ukañ edem usobutịn Yọdan, tọọñọ ke Baal Kad ke Itịkke Lebanọn tutu akewuọ Abod Hadak, a-adọọhọ aka Sei. Yọsua akeben mme isọñ ami anọ mme esiin Isrel, akeene naña ekebakka ammọ ke ikpeghe, ate ammọ edat nte udeeme ñkpọ ammọ.8Mme isọñ ado ekedo mme ñkpoon abod, mme unaisọñ ke usobutịn, Araba, mme usuuk abod, anaan ye Nekef. Mbon Hed, ye mbon Amọọ, ye mbon Kenan, ye mbon Peris, ye mbon Hif, ye mbon Hed, ye mbon Yebus e-ekenieghe mme isọñ ado.Mme ndidem ado edo ami:9Adidem Yeriko keed, abọọñ Ai (a-akpereke Beteel ),10Adidem Yeruselem keed, adidem Hibrọn, keed11adidem Yamuud, keed adidem Lakis, keed12adidem Eklọn keed, adidem Kesa keed,13adidem Debi keed, adidem Kede keed,14adidem Họma keed, adidem Arad keed,15adidem Libna keed, adidem Adulam keed,16adidem Makeda keed adidem Beteel keed,17adidem Tapua keed, adidem Hefa keed,18adidem Afek keed, adidem Lasaron keed,19adidem Madọn keed, adidem Hasọ keed,20adidem Simrọn Merọn keed, adidem Aksaf keed,21adidem Taanak keed, adidem Mekido keed,22adidem Kedes keed, adidem Yokneem ke Kamel keed,23adidem Dọọ (ke Nafọd Dọọ) keed, adidem Koyim ke Kilkal keed,24adidem Tiasa keed.
Afịd ndidem ekedo edịb mme duob mme keed.
Biblica, Inc.