Yọsua13
Isọñ se Isʌhọ Adidat
1Ke ini Yọsua amaakesọñ, Abọọñ amaabo anye ate, “Idahami afo amenekke asọñ, ndin isọñ asʌk akpokpon se isʌhọ edidat.2“Isọñ se isʌhọ ado ami:“afịd adaña mbon Filistia ye mbon Kesọọ3tọọñọ ke Inyañ Sihọ ke ukañ usakkautịn Iyib tutu akewuọ adaña Ekrọn ke edem adoro, afịd ado ekebat nte ake mbon Kenan akpesʌkado a-adooho mme mbọọñ Filistia ition ke Kasa, Asdọd, Askelọn, Kad ye Ekrọn ekama; adaña mbon Afịm4ke edem usuuk; afịd isọñ mbon Kenan, tọọñọ ke Ara ake mbon Sidọn tutu akewuọ Afek ye adaña mme Amọọ;5isọñ Baiblos; ye afịd Lebanọn ke ukañ usakkautịn, tọọñọ ke Baal Kad ke ukod Abod Hemọn tutu awuọ Lebo Hamad.6“Amaado afịd mme andidʌñ ñkpoon abod tọọñọ ke Lebanọn wuọ Misrefod Maim, a-adooho, afịd mbon Sidọn, ami ke idem mmi ñyaabịne ammọ nsiooño ke iso nditọ Isrel. Kịt bo ke amedeeme isọñ ami anọ Isrel nte udeemeñkpọ ammọ, kpa naña ami ñkudọkkọ fiin,7nyʌñ bakka anye nte udeeme ke atu esiin usʌkkeed ye ibio esiin Manase.”
Ubakka Isọñ ke Edem Usakkautịn Yọdan
8Ubaak Manase uko, mme Rubịn ye mbon Kad emaebọ udeeme ake Moses akenọọhọ ammọ ke ukañ usakkautịn Yọdan, kpa naña anye awo utom Abọọñ akedeeme anọ ammọ.9Aketọọñọ ke Arowa ke mben Itịkke Anọn, adat akewuọ abio a-abaaha ke ufọọd itịkke, ye afịd unaisọñ Medeba tutu akewuọ Dibon,10ye afịd abio Sihọn adidem mbon Amọọ, a-akedaaha ubọọñ ke Hesbọn, tutu akewuọ mbon Amọn.11Amaasịne Kilied ñko, ke adaña mbon Kesọọ ye Maakad, afịd Ekamba Abod Hemọn ye afịd Basan tutu awuọ Saleka12a-adooho afịd isọñ Ọk ke Basan, a-akekarake ke Astarọd ye Edrei. (Anye akedo akpatre se ikisʌhọ ke atu mbon Refaim.) Moses amaakan ammọ anyʌñ abọ ammọ isọñ.13Ado nditọ Isrel ikibịnne mbon Kesọọ ye Maakad isịññe, anam ammọ esʌk edọdʌñ ke atu nditọ Isrel tutu awuọ usen mfịn ami.14Ado anye ikinọọhọ esiin Lifai udeemeñkpọ, sia adooho mme uwa ndidia e-enọọhọ Abọọñ, Abasi Isrel, ado udeemeñkpọ ammọ, kpa naña anye akedọkkọ ammọ.15Se Moses akenọọ esiin Rubịn ado ami, ke ubon ke ubon:16Adaña tọọñọ ke Arowa ke mben Itịkke Anọn, ye ke abio a-abaaha ke ufọọd itịkke, ye afịd unaisọñ tọọñọ ke Medeba17wuọ Hesbọn ye afịd mme abio amọ e-ebaaha ke unaisọñ ado, ñkọrọ ye Dibon, Bamod Baal, Bed Baal Mọọn,18Yahas, Kedemọd, Mefaad,19Kiriataim, Sibma, Sered Saha ke anyọñ abod itịkke ado,20Bed Pio, mme usuuk Piska, ye Bed Yesimod,21ye afịd abio ke unaisọñ ye afịd isọñ Sihọn adidem mbon Amọọ, a-akedaaha ubọọñ ke Hesbọn. Moses amaakan anye ye mbọọñ mbon Midian, Efi, Rekem, Sọọ, Họọ ye Reba, mme nditọ mbọọñ e-edianake ye Sihọn e-ekedʌññọ ke abio ado.22Ke aboiyoke mbon e-ekewotto ke ekọñ, nditọ Isrel emaenyʌñ ewot Balaam ayịn Beo, a-akedooho abiaidiọñ.23Adaña nditọ Rubịn akedo mben inyañ Yọdan. Mme abio ami ye mme ntək idʌñ ammọ ekedo udeeme nditọ Rubịn, naña ubon ammọ ado.24Se Moses akenọọ esiin Kad ado ami, akeene mme ubon ammọ:25Adaña Yasa, afịd abio ke Kilied ye ubaak isọñ idʌñ nditọ Amọn tutu akewuọ Aroa, a-akpereke Raba;26anyʌñ atọọñọ ke Hesbọn akewuọ Ramad Mispa ye Betonim, anyʌñ atọọñọ ke Mahanaim akewuọ adaña Debi;27ye ke itịkke, Bed Haram, Bed Nimra, Sukọd ye Safọn ye ubaak isọñ Sihọn adidem Hesbọn (ukañ usakkautịn Yọdan, adaña a-akaaha akewuọ Akpainyañ Kalili, a-adooho Akpainyañ Kinered ).28Mme abio ami ye mme ntək idʌñ ammọ ekedo udeeme nditọ Kad, akeene ubon ammọ.29Se Moses akenọọ ubaak esiin Manase ado ami, a-adooho, ubaak ekpək nditọ Manase, ke ubon ke ubon.30Adaña a-atọọñọke ke Mahanaim, afịd Basan, ye afịd isọñ Ọk adidem Basan, afịd ntək abio Yai ke Basan, abio ata,31mbakka iba Kilied, ye Astarọd ye Edrei (ake Ọk akedaaha ubọọñ ke mme abio Basan). Anye ami akenie nditọ Makia ayịn Manase, akenie ubaak nditọ Makia, ke ubon ke ubon.32Ami ado udeeme ake Moses akenọọhọ ke ini anye akebaaha ke unaisọñ Mọb ke edem Yọdan mbeñ uko ke edem usakkautịn Yeriko.33Ado amaado esiin Lifai, Moses ikinọọhọ ammọ udeemeñkpọ; Abọọñ, Abasi Isrel, ado udeeme ammọ, kpa naña anye akenwọñọ anọ ammọ.Biblica, Inc.