2 Akolinto9
1Kʉlʉ kʉʉlʉ nɨmʉgila anga nsoko kʉmʉandɨkɨla mʉlɨmo nʉwa kʉaɨɨlya antʉ ang'wi Itunda nɨakolɨ kʉ Yelusalemu.2Kʉnsoko nɨngile nkolo nza nɨmʉkete nakʉaɨɨlya, hangɨ ʉnene kiketa kʉnsoko anyu kʉ lʉkani nʉlanso pa antʉ nɨakʉ Makedonia. Aɨnɨatambʉɨe, “Anyadʉgʉ itʉ nɨakʉ Akaya kʉpuma ng'wakazo aɨihambile kʉpumya.” Ʉʉgwa, nkolo anyu nɨza nakʉpʉmɨlya asambɨɨlya antʉ ɨdʉ nangalu.3Ingɨ nɨalagɨɨye nɨ anyandʉgʉ itʉ, Tito nɨɨakwe abɨɨlɨ. Ingɨ kikʉlya kʉng'witʉ kʉaɨɨlya wanyu ʉleke kʉtula nkani ntilɨ, ingɨ ilɨngɨke kɨna mɨhambile kʉhangʉlya anga naɨntambʉe.4Anga nɨze kʉng'waanyu palʉng'wɨ nɨantʉ akʉ Makedonia kʉhange shanga mɨhambile, pang'wanso ʉsese kʉ ʉhung'wa mɨnyala kʉnsoko aɨkʉmʉhʉɨɨe nangalu. Nʉnyenye ga mʉkʉhung'wa mɨnyala.5Kʉlʉlo, naona iza kʉalompa anyandʉgʉ itʉ awa akʉtongeele kɨza kʉng'wanyu, ahume kʉnɨng'anɨɨlya kɨpegwa kanyu kɨkʉlʉ naɨmʉlapile kʉpumya. Nɨnyenso yigele kɨna ingɨ kɨpegwa aɨkɨpumigwe kʉnkolo ɨng'wɨ shanga kʉsingigwa.6Kɨmbʉki ntambʉ ɨyɨ, mʉntʉ nɨmʉkata wɨpʉɨla mʉnkonzele nʉ mʉntʉ nɨ mʉsimbi wɨpʉlaa wɨdʉ.7Mʉntʉ wɨhɨ nʉwapumye anga nʉsɨɨgɨe mʉnkolo akwe, waleke kʉpumya waze ʉhininae ang'wɨ kʉsingigwa, ndogoelyo Itunda wɨmʉlowa mʉntʉ nʉwɨpumya kʉʉlowa.8Itunda ʉhumile kʉmʉpa kʉkɨlɨnkɨɨla ayo nɨmʉtakile, mahikʉ ɨhi ɨze mʉkete maintʉ ɨhi nɨmʉkʉhiya, nɨ itɨ mʉlongoleke kiaɨɨlya mʉ mɨlɨmo nɨ mɨza.9Wandɨkwa wang'wi Itunda wandɨkile kɨna, “Ʉpumilye yɨdʉ, ʉapee ahimbɨ, makani aʉkende wakwe ɨsaga ɨkalɨ na kalɨ.”10Itunda wɨmʉpeza mʉminzi mbeʉ waminze nʉ kʉmʉpa indya, kʉlʉlo ʉkʉmʉpeza nʉ nyenye ga mbeʉ nɨmʉiloilwe, hangɨ ʉkʉipumisa yikʉle mʉhume kʉpʉla ntenya kʉ ʉkende wanyu.11Itunda ʉkʉmʉgolɨpya maintʉ ɨdʉ mʉtule mɨakende mahikʉ ɨhi, ingɨ antʉ ahume kʉmʉlʉmba Itunda kʉnsoko aɨpegwa yanyu nɨakʉisɨngɨɨlya kʉpuma kʉng'witʉ.12Kʉitɨ mʉlɨmo ʉwʉ nɨmʉkitʉma shanga ʉkʉaɨɨlya antʉ ang'wi Itunda du, ingɨ ikʉsasha antʉ ɨdʉ amʉsongelye Itunda.13Kʉkɨɨla wigeleki nʉwa mʉlɨmo witʉ ʉwʉ, antʉ ɨkamʉkʉlya Itunda kʉ ʉhʉɨɨli wanyu kʉ Nkani Nza kʉnsoko ang'wa Kilisito nɨ mʉkʉtanantya mʉantʉ, hangɨ kʉnsoko aʉkende wanyu nɨmɨapeza enso nɨ antʉ ɨhi.14Kʉlʉlo akʉmʉlompeela ʉnyenye kʉ nkolo aʉlowa kʉnsoko aʉkende nʉwatai nɨmʉkembetilwe ni Itunda.15Kʉmʉlʉmbe Itunda kʉnsoko akɨpegwa kakwe nɨshanga ka kʉganʉlwa.
The Word for the World International