Nabos Abik AYohana5

1Wat in di kaban kpa ijɛk ni bɔk iyak aYɔng fɛ́ a sonong ni kuta igwɔm e. Kukpa ijɛk e bi ijɛk ni ko nabak e nafaa, ba di bas na nagang-ace-igwɔm kanakataat.2In di agbat atomaza na tsin cɛɛt ni kutɔ gbɛrɛy, <<Angan wu a da kyem a ngamang nagang-ace-igwɔm e, na di tarak kaban kpa ijɛk e yɛ?>>3Awɛt vit akak azanɛn, ke azatse, ke aben na kazatse, fɛ́ a kyem a ngamang ke na a tarak kaban kpa ijɛk e ke na a yɛrɛk kayɛt e ayi.4In ya ának nek vit ayɔng fɛ́ ba kyem ba sɛ fɛ́ a kyem a tarak kaban kpa ijɛk e na di kayɛt e awo.5Awɛt azining ayɛt bashɔn e fɛ́ ni mi, <<I bi tos awo! Di, akukum afi icɛn aYahuda, afi izɔrɔk aDauda, mi ya imara. Iwu da kyem a ngamang nagang-ace-igwɔm kanakataat e, na a tarak kaban kpa ijɛk e.>>
6In wat in di Itsamang, i se tɛ ba mi tsɛt iye, ni inyeseng nate kuta igwɔm e, nkyɔrɔk ntset nnas nɛ bashɔn e te iye nate. I bɛ́ atom kanakataat nɛ ayisi kanakataat, fɛ́ a yet nabik Adakunom kanakataat fɛ́ ba tom ina sak azatse ngma kusum.7I bɛ́, a sok kaban kpa ijɛk e ni bɔk iyak ayɔng fɛ́ a sonong ni kuta igwɔm e.8Ama fɛ́ a mi sok kaban kpa ijɛk e, nkyɔrɔk ntset nnaas e nɛ bashɔn nsɔk nfaa kpa aben ashon Itsamang e. Kaangan ba berese izom ni ítsɛ́n fɛ́ ba nye na atsɔm asɛng, ba di shining nkyɔrɔk nkɔn ntek fi in yet awon banet Adakunom.9Ba ra abom afas,<<Ngɔn wu fi i kyem isokkaban kpa ijɛk e, ni ngamangnagang-ace-igwɔm e,nek ba kin da fɛt,ne nasok ngɔn.Ngɔn mi shan kutset banetsak na Adakunom, fɛ́ ba nesni nri zizɛɛt, ni icɛ́n zizɛɛt,ne ni mben azatse zizɛɛt.10Ngɔn mi ka ba sak ba sotigwɔm ne áware, nek ba dira Adakunom kutomong,ba da ya igwɔm naton azatse.>>
11Ama anɔng, in yɛrɛk in fok kutɔ batomaza hwyɛt, kudot ba, agup naton agup, agup kusɔk ite agup kusɔk. Ba te kuta igwɔm e nate ni nkyɔrɔk ntset nɛ bashɔn e.12Ba ra abom ni ntɔ nratek,<<Itsamang fɛ́ ba fɛt e, a kyemna a sɛ iratek, ni kurúm,ni kutsitsɛng, ni kukyem,ni ízɔk, ni iratek, ni itere!>>
13Wat in fok kaakyi ikyɛng fɛ́ ba nye azanɛn, nɛ azatse, nɛ aben na kazatse, nɛ ayɛt ashi, ni nkyɔrɔk fi in se ayɛt na, ba ra abom, <<Won itere, ni iratek, ni ízɔk, ni kukyem, ni ku sot kufɛ́ aYɔng fɛ́ a sosok nita igwɔm ni Itsamang e, ayɛ nɛ ayɛ!>>14Nkyɔrɔk ntset nnas fɛ̀, <<Anɔng!>> Bashɔn e kpa aben ba ya ntong bà.

The Seed Company

https://app.library.bible/content/a03e635eb23e5487