Nabos Abik AYohana4
1Ama anɔng, in di katitu ashon hom ni itarak azanɛn. Kutɔ fi in tun fok kucɛɛt ni mi se ti kugba ku fɛ̀, <<Bɛ aze, nda ka tonong ikyɛng fi i da te ama ideng.>>2Ni izen izining, Kabik Adakunom di sok, in di kuta igwɔm ashon hom azanɛn na akak ni sonong naton e.3AYɔng fɛ́ a sonong naton e se tɛ ata itsɔm fɛ́ a gyɛs fɛ́ ba yes ina ye ajasfa nɛ akarneliya. Kata-iza fɛ́ ka tas aemeral, te kuta igwɔm e nate.4Ata igwɔm akak nsɔk nfaa ina anaas te ata igwɔm e nate, bashɔn nsɔk nfaa ina anaas di sosok ni na. Ba tes ares akan, ba sɛ na ábong igwɔm fɛ́ ba nye na átsɔm asɛng na ace bá.5Nrong nes ni kuta igwɔm e, in nye dɛbɛt ni mgbey ni iwɔng izá. Ashon kuta igwɔm e, agaramun kanakataat ya kurong azɔng. Agaramun e yɔng a sot akuce nabik Adakunom kanakataat.6Ikyɛng kak se azɔng ashon kuta igwɔm e ti kukyɛk fɛ́ ba nye iko na agyilas, gyiri makiyi.
Nate, nɛ ni fam kuta igwɔm e, nkyɔrɔk ntset nnaas e te iko nate, nkyɔrɔk ntset e bɛ́ ayisi ngma kusum, ashon nɛ kama.7Ikyɛng ifi imɛsɛng e tas akukum, ifɛ́ afaa tas kamung, ifɛ́ ataat sok ayisi anet awe, ifɛ́ anaas se tɛ akim.8Ngma nkyɔrɔk ntset nnaas fɛ́ ba nye me bɛ akufabak karataat fɛ́ a di doro ni ina, na ayisi ngma kusum akak ayɛt akufabak e. Katuk ni kunom, ba won dang nye,<<Ajɛrɛ, ajɛrɛ, ajɛrɛyet aTisa Ada Adakunom,fɛ́ a se neme, a se yɔkɔnɔng,a bi tɛ bɛ́.>>9Ngma izen fɛ́ nkyɔrɔk ntset e nɔɔk itere, iratek ni ifeng sak na aYɔng fɛ́ a sosok naton kuta igwɔm e, fi kutset wu se vit nkum.10Na bashɔn nsɔk nfaa ni na anaas e kpas pak aben ashon aYɔng fɛ́ a sosok naton ita igwɔm e, na ba ya ntong sak na aYɔng fɛ́ a se ayɛ ne ayɛ. Na ba saas abong igwɔm bá ashon kuta igwɔm e na ba nye:11<<ATisa yit nɛ Adakunom yit, ngɔn wu kyem, ni ishan itere, ni iratek, ni kukyem, nek ngɔn wu i nye ngma nkyɔrɔk, ni kushim ngɔn wu i nye ina, ibereng ina ni kutset.>>
Nate, nɛ ni fam kuta igwɔm e, nkyɔrɔk ntset nnaas e te iko nate, nkyɔrɔk ntset e bɛ́ ayisi ngma kusum, ashon nɛ kama.7Ikyɛng ifi imɛsɛng e tas akukum, ifɛ́ afaa tas kamung, ifɛ́ ataat sok ayisi anet awe, ifɛ́ anaas se tɛ akim.8Ngma nkyɔrɔk ntset nnaas fɛ́ ba nye me bɛ akufabak karataat fɛ́ a di doro ni ina, na ayisi ngma kusum akak ayɛt akufabak e. Katuk ni kunom, ba won dang nye,<<Ajɛrɛ, ajɛrɛ, ajɛrɛyet aTisa Ada Adakunom,fɛ́ a se neme, a se yɔkɔnɔng,a bi tɛ bɛ́.>>9Ngma izen fɛ́ nkyɔrɔk ntset e nɔɔk itere, iratek ni ifeng sak na aYɔng fɛ́ a sosok naton kuta igwɔm e, fi kutset wu se vit nkum.10Na bashɔn nsɔk nfaa ni na anaas e kpas pak aben ashon aYɔng fɛ́ a sosok naton ita igwɔm e, na ba ya ntong sak na aYɔng fɛ́ a se ayɛ ne ayɛ. Na ba saas abong igwɔm bá ashon kuta igwɔm e na ba nye:11<<ATisa yit nɛ Adakunom yit, ngɔn wu kyem, ni ishan itere, ni iratek, ni kukyem, nek ngɔn wu i nye ngma nkyɔrɔk, ni kushim ngɔn wu i nye ina, ibereng ina ni kutset.>>
The Seed Company