Matthew5
1Jisu hemaabe de ngaugai eh pa lamlwa reuga nghangdi. Pa ntum bam kelucai, pe caisuimedung peda gwang.2Jisu penuide ledeu cuhdi,3“Rabe kilam nneila reulie ci kelame samlam pungtu,kedanemene tinggim hegwangram penui gu zielu.4Hei eh hap kelame samlam pungtu,kedanemene penui kerelui ngaulu zielu.5Nciep kebamme samlam pungtu,kedanemene penui kideube gumlu zielu.6Makesangbe ziemne nzeu nah hereu kelame samlam pungtu,kedanemene penui nggeilu zielu.7Mide ngaunggia kelame samlam pungtu,kedanemene penui ngaugia ngaulu zielu.8Pelung kemcime samlam pungtu,kedanemene penui Tinggwang de ngau zielu.9Kezuyi ta tei kelame samlam pungtu,kedanemene penuide Tinggwang namedung lie qu zielu.10Makesangbe ziemne keherei kelame samlam pungtu,kedanemene tinggim hegwangram penui gu zielu.11Minadung nnuide kii nah teikeherei, nah kenret eh ma kesia leune rang eh aziemne nnuide mmaucai nnui samlam pungtu.12Nnui suiyilu nah suiyi süt lulo, kedanemene nnui tinggim gade ziehi kedi ngau zielu. Kedanemene ainzwa eh minadung caihakecime nnui dwa kelungme dede teikeherei delu.13Nnui au kideu mcaibe delie. Dede magade mcai pe nggum gah dicai, daipaile cide teikum dailu laino? Cide makeheibe ziemne de pe keyi gah da, kelien gidi eh mina pidau teidi kera gwale.14Nnui kideu kebaabe delie. Namdi ge kideutu reu gage tei kelude kebai gailak.15Mede mina mi mtaulwe mabung kang gage kaizeu lama, dede mitaubam gage kaila, nah cide kilung ga kebam pelane ziemne gi mbaa beula.16Peu n kebaa de mina dwade gi mbaa lulo, iciu de penui n ta keyidung de ngau eh tinggim ga kebam n Pei de twalu kerane.17Ih hezai mede caihakecidung de teingkapdi kerane gwang lie kecu cetti so. Ih cidungde teingkapdi kerane gwang ma, dede teicangbeu kerane lie.18Kedanemene Ih nnui dage rangsiakte gaila, tinggim nah kideu gahdi kemaktane, tau kegai keceunage mede pekie keceunage de hezai gade gahdi lak, ma pelane teicanglu kemaktane.19Cine keheibede ajadung gade ceutunabe de gikah delwe mi kedamedung de cinzwa teilo ledeu kelabe de tinggim hegwangram gade ceutube lie quzie. Dede keheibede cidungde mzai nah cidungde ledeu kelabe, tinggim hegwangram ga kedi lie quzie.20Ih nnui dage rang gaila, laisiukecime nah Phariseemedung masangdung swade, n masangdung yikilu mecai, nang tinggim hegwangram ga nlüt gailak.21Ndaa penui dage rang kegaide nnui siuda, ‘Mide teitset so,’ nah, ‘Mide teitset kelame tutiak ga gwang zie.’22Dede Ih nnui dage ranggai la, keheibede pe sinabepei de perata kelabe tutiak ga gwang zie; nah keheibede pe sinabepei dage, ‘Nang kemta kau ge!’ de eh kerangbe baudibe dwa ga gwang zie; nah keheibede, ‘Nang kemiebo!’ de eh kerangbe mijaai ga gwang dilu kebui kerehim bam.23Ciziemne nang n mapeu de recabam gage reca lai eh kebamdau, cikade n sinabe ncu madungge mmaukebam nsunglu cai,24n mapeude recabam dwa gage kaizeu dilu. Mie delwe n sinabe de ngngwa kezuyi railu, nah pecaine gwang delwe n mapeude reca beulu.25Ncu mmau kelabe de ngngwakeyi tei nzetlu, nang pecu ngngwa tutiak ni ga mie kelane ge, mecai ncu mmau kelabe ncu tutiakbe dage kaidi lubui, nah tutiakbe ne kedibe dage, nah ncu hebaangki gage kaidi lubui.26Ih n dage rangsiakte gaila, nang mide rangkang peukera kebam pelane de peu cangdi kemaktane nang cikade mpet gailak.27‘Mmha so,’ de eh kerang de nnui siu da.28Dede Ih nnui dage ranggai la, keheibede mipui gede hengin eh pecu piecai pa pelung gade pecu ngngwa mmha dida.29Magade n miak zetle ncu teimsia lacai, cide let mpetdi delwe cide n dade keugi dilu. Kedanemene n pum zige gah kedibe n ziemne yiki, iciu eh n pum pelane mijaai gage kelien gaidi melu kerane.30Magade n ba zetle ncu teimsia lacai, cide dang gidilu delwe cide n dade keliengi dilu. Kedanemene n pum ga zige gah kedibe n ziemne yiki, iciu eh n pum pelane mijaai ga gwangdi melu kerane.31Ainzwa rang sigai, ‘Keheibede pe naude ta cai, peu pecu nauta laisiu pwa pecu peulu.’32Dede Ih nnui dage ranggaila, keheibede pe naude ta kedibe, kemmha ta teikedi ziemne meliecai, pecu kemmhame ge tei dida. Keheibede pecu ta kedi caine pecu ngngwa lunghme kecube de kemmha ta tei dida.33Pecaide, ndaa keraime dage rang kegai de nnui siuda, ‘Kenretpe sampet tei so, dede n sampetdung de Rampaube dage tei gailu.’34Dede Ih nnui dage ranggai la, madaude reset so, Tinggim dede teu eh, kedanemene cide au Tinggwang hegwangbam kecune;35mede kideu de teu eh teiso, kedanemene cide pe pidau lu; mede Jerusalem de teu eh tei so, kedanemene cide Hegwangpei kedibe namdi kecune.36Mede n peu lede reset so, kedanemene nang tam leige de tei ha mede teitiak gai laklu.37Dede n samrangbe peu ‘Yeo,’ mede ‘Ma,’ delu. Iciu de makeheibe de aiswa si dicai cide kesiabe dade gwang dida.38Nnui rangkegai aide siu luda, ‘Miakket kum miakket, nah geige kum geige.’39Dede Ih nnui dage ranggai la, kesiame nsam teiso. Meliene, midungge n bia zetle kepeu cai, keda lede nreu beulo.40Magade mikangge ncu ngngwa tutiak kiga mie neucai nah n ncwa keuteu dicai, peu cipaude de n cwatie de peu luulu.41Keheibe de kemei tei eh ncu peu mile ge tetcai, pecu ngngwa mile kena mielu.42N dade kie kela keheibe de peulu, nah n dade ma hepok neu kela keheibe dade nreutet diso.43Nnui siu luda rang kegai aide, ‘Nang n kidabe de hunglu nah n ngauraume de ngkaulu.’44Dede Ih nnui dage ranggai la, nnui ngauraume de hunglu nah nnuide tei keherei kelame ziemne kielu, 45ciciu de nnui tinggim ga kebam n Pei name teilu kerane. Kedanemene pa pe tingnaimiak peu kemaume nah keyime reu ga cuhlu la, nah tingrui kemzuime nah mzui kemakme dage langgai la.46Kedanemene nnui nnuide ku kelame de kula liecai, dai ziehi ge nnui ngau lulai? Heraha kehame de cikenzwa teila meni?47Nnui nnui caihereiswacing de rünne kelumla liecai, daige nnui kedame swa tei ntwa lano? Gentileme de cikenzwa ta teila meni?48Ciziemne tinggim ga kebam nnui Pei yicangsiak kecu nzwa nnuide yicangsiaklu maisia,.
Bridge Connectivity Solutions Pvt. Ltd.