ເອຊາຢາ45
1“ຖ້ອຍຄໍາຂອງພຣະເຈົ້າຢາເວເຖິງຜູ້ທີ່ພຣະອົງໄດ້ເຈີມໄວ້,ຄືໄຊຣັດ, ຜູ້ທີ່ເຮົາໄດ້ຈັບໄວ້ດ້ວຍມືຂວາໃຫ້ປາບຊົນຊາດຕ່າງໆທີ່ຢູ່ຕໍ່ໜ້າລາວແລະ ປົດອາວຸດຂອງບັນດາກະສັດ,ເພື່ອເປີດປະຕູທີ່ຢູ່ຕໍ່ໜ້າລາວເພື່ອບໍ່ໃຫ້ມີປະຕູໃດຖືກປິດໄວ້:2ເຮົາຈະນຳໜ້າເຈົ້າໄປແລະ ເຮັດໃຫ້ພູເຂົາທັງຫລາຍຮາບພຽງ;ເຮົາຈະພັງປະຕູທອງສຳລິດແລະ ຕັດເຫລັກໄລປະຕູໃຫ້ຫັກ.3ເຮົາຈະຍົກສົມບັດທີ່ເຊື່ອງໄວ້ໃນຄວາມມືດ,ຂຸມຊັບຕ່າງໆທີ່ເກັບໄວ້ໃນບ່ອນລັບໃຫ້ແກ່ເຈົ້າ,ເພື່ອເຈົ້າຈະຮູ້ວ່າເຮົາຄືພຣະເຈົ້າຢາເວ,ພຣະເຈົ້າແຫ່ງອິດສະຣາເອນ, ຜູ້ເອີ້ນເຈົ້າມາຕາມຊື່ຂອງເຈົ້າ.4ເພື່ອເຫັນແກ່ຢາໂຄບຜູ້ຮັບໃຊ້ຂອງເຮົາ,ອິດສະຣາເອນຜູ້ທີ່ເຮົາໄດ້ເລືອກໄວ້,ເຮົາຈຶ່ງເອີ້ນເຈົ້າມາຕາມຊື່ຂອງເຈົ້າແລະ ມອບຕຳແໜ່ງອັນມີກຽດແກ່ເຈົ້າ,ເຖິງວ່າເຈົ້າຈະບໍ່ຮູ້ຈັກເຮົາ.5ເຮົາຄືພຣະເຈົ້າຢາເວ, ແລະ ບໍ່ມີໃຜອື່ນ;ນອກຈາກເຮົາແລ້ວ ບໍ່ມີພຣະເຈົ້າອື່ນໃດ.ເຮົາຈະເຮັດໃຫ້ເຈົ້າເຂັ້ມແຂງຂຶ້ນ,ເຖິງວ່າເຈົ້າຈະບໍ່ຮູ້ຈັກເຮົາ,6ດັ່ງນັ້ນ ຈາກຕາເວັນຂຶ້ນຈົນຮອດຕາເວັນຕົກມະນຸດຈະຮູ້ວ່າບໍ່ມີຜູ້ໃດນອກຈາກເຮົາ.ເຮົາຄືພຣະເຈົ້າຢາເວ, ບໍ່ມີພະອື່ນໃດອີກ.7ເຮົາກໍານົດຄວາມສະຫວ່າງ ແລະ ສ້າງຄວາມມືດ,ເຮົານຳຄວາມຈະເລີນ ແລະ ໄພພິບັດມາ;ເຮົາ, ພຣະເຈົ້າຢາເວ, ເຮັດທຸກສິ່ງນີ້.8“ຟ້າສະຫວັນເບື້ອງເທິງ, ຈົ່ງເທຄວາມຊອບທຳລົງມາ;ເມກທັງຫລາຍຈົ່ງປົດປ່ອຍຄວາມຊອບທຳລົງມາ.ໂລກຈົ່ງເປີດກວ້າງ,ໃຫ້ຄວາມພົ້ນເກີດຂຶ້ນມາ,ແລະ ໃຫ້ຄວາມຊອບທຳງອກງາມໄປນໍາກັນ;ເຮົາ, ພຣະເຈົ້າຢາເວ, ໄດ້ສ້າງສິ່ງເຫລົ່ານີ້.9“ວິບັດແກ່ຜູ້ທີ່ຂັດແຍ້ງກັບພຣະຜູ້ສ້າງຂອງພວກເຂົາ,ພວກເຂົາເປັນພຽງເສດໝໍ້ດິນທ່າມກາງກອງໝໍ້ດິນຢູ່ພື້ນດິນ.ດິນໜຽວຈະເວົ້າກັບຊ່າງປັ້ນໄດ້ບໍວ່າ,‘ເຈົ້າກຳລັງເຮັດຫຍັງ?’ໝໍ້ດິນຈະເວົ້າໄດ້ບໍວ່າ,‘ຊ່າງປັ້ນໝໍ້ບໍ່ມີມືບໍ?’10ວິບັດແກ່ຜູ້ທີ່ກ່າວກັບພໍ່ຂອງຕົນວ່າ,‘ເຈົ້າເກີດຫຍັງມາ?’ຫລື ເວົ້າກັບແມ່ວ່າ,‘ເຈົ້າໄດ້ເກີດຫຍັງມາ?’11“ພຣະເຈົ້າຢາເວອົງບໍລິສຸດ,ແລະ ພຣະຜູ້ສ້າງຂອງອິດສະຣາເອນກ່າວດັ່ງນີ້ວ່າ:ກ່ຽວກັບສິ່ງທີ່ຈະເກີດຂຶ້ນເຈົ້າຖາມເຮົາເລື່ອງລູກຫລານຂອງເຮົາ,ຫລື ອອກຄໍາສັ່ງເຮົາກ່ຽວກັບວຽກງານທີ່ມືຂອງເຮົາເຮັດບໍ?12ເຮົານີ້ແຫລະສ້າງໂລກແລະ ສ້າງມະນຸດເທິງແຜ່ນດິນໂລກ.ມືຂອງເຮົານີ້ແຫລະກາງຟ້າສະຫວັນອອກ;ແລະ ສັ່ງດວງດາວທັງຫລາຍ.13ເຮົາຈະຍົກໄຊຣັດຂຶ້ນໃນຄວາມຊອບທຳຂອງເຮົາ:ເຮົາຈະເຮັດໃຫ້ທາງທັງໝົດຂອງລາວຊື່ໄປ.ລາວຈະສ້າງນະຄອນຂອງເຮົາຂຶ້ນໃໝ່ແລະ ປົດປ່ອຍປະຊາຊົນຂອງເຮົາຜູ້ທີ່ຕົກເປັນຊະເລີຍ,ແຕ່ນີ້ບໍ່ແມ່ນເພື່ອສິນຈ້າງລາງວັນ,ພຣະເຈົ້າຢາເວອົງຜູ້ມີລິດອໍານາດຍິ່ງໃຫຍ່ກ່າວດັ່ງນັ້ນ”.14ພຣະເຈົ້າຢາເວກ່າວວ່າ:“ຜົນຜະລິດຂອງເອຢິບ ແລະ ສິນຄ້າຂອງກູເຊ,ແລະ ຂອງຄົນເຊບາຮ່າງສູງສິ່ງເຫລົ່ານັ້ນຈະເປັນຂອງເຈົ້າ;ແລະ ຈະເປັນກໍາມະສິດຂອງເຈົ້າ;ຄົນເຫລົ່ານີ້ຈະມາຕິດຕາມເຈົ້າ,ມາທັງທີ່ຍັງຕິດໂສ້ຢູ່.ພວກເຂົາຈະມາກົ້ມກາບຕໍ່ໜ້າເຈົ້າແລະ ອ້ອນວອນເຈົ້າ, ວ່າ,‘ແນ່ນອນ ພຣະເຈົ້າຢູ່ກັບເຈົ້າ, ແລະ ບໍ່ມີຜູ້ອື່ນ;ບໍ່ມີພຣະເຈົ້າອື່ນໃດອີກ’ ”.15ຂ້າແດ່ພຣະເຈົ້າ ພຣະຜູ້ຊ່ວຍໃຫ້ພົ້ນຂອງອິດສະຣາເອນ,ແນ່ນອນ ພຣະອົງເປັນພຣະເຈົ້າຜູ້ເຊື່ອງພຣະອົງເອງໄວ້.16ທຸກຄົນທີ່ເຮັດຮູບເຄົາລົບຈະອັບອາຍ;ພວກເຂົາຈະອັບອາຍຂາຍໜ້າໄປນໍາກັນ.17ສ່ວນອິດສະຣາເອນນັ້ນ ພຣະເຈົ້າຢາເວຈະຊ່ວຍກູ້ດ້ວຍຄວາມພົ້ນນິລັນດອນ;ເຈົ້າຈະບໍ່ຕ້ອງອັບອາຍຂາຍໜ້າ,ຕະຫລອດໄປທຸກຊົ່ວອາຍຸ.18ພຣະເຈົ້າຢາເວກ່າວວ່າພຣະອົງຜູ້ໄດ້ສ້າງຟ້າສະຫວັນ,ພຣະອົງເປັນພຣະເຈົ້າ;ພຣະອົງຜູ້ອອກແບບ ແລະ ສ້າງໂລກ,ພຣະອົງຕັ້ງມັນໄວ້;ພຣະອົງບໍ່ໄດ້ສ້າງໃຫ້ເປັນບ່ອນວ່າງເປົ່າ,ແຕ່ໄດ້ສ້າງໂລກໃຫ້ເປັນທີ່ຢູ່ອາໄສພຣະອົງກ່າວວ່າ:“ເຮົາຄືພຣະເຈົ້າຢາເວ,ແລະ ບໍ່ມີພຣະເຈົ້າອື່ນໃດອີກ.19ເຮົາບໍ່ໄດ້ເວົ້າໃນບ່ອນລັບ,ຈາກບ່ອນໜຶ່ງບ່ອນໃດໃນດິນແດນແຫ່ງຄວາມມືດ;ເຮົາບໍ່ໄດ້ເວົ້າກັບລູກຫລານຂອງຢາໂຄບວ່າ,‘ຈົ່ງສະແຫວງຫາເຮົາຢ່າງບໍ່ມີປະໂຫຍດ’.ເຮົາ, ພຣະເຈົ້າຢາເວ, ເວົ້າຄວາມຈິງ;ເຮົາປະກາດສິ່ງທີ່ຖືກຕ້ອງ.20“ຈົ່ງມາ ແລະ ຊຸມນຸມກັນ; ຈົ່ງຮວບຮວມກັນມາ,ບັນດາຜູ້ໜີໄພຈາກຊາດຕ່າງໆ.ຜູ້ແຫ່ຮູບເຄົາລົບໄມ້ກໍໂງ່ຈ້າ,ຜູ້ພາວັນນາອະທິຖານອ້ອນວອນຕໍ່ພະທີ່ຊ່ວຍຫຍັງພວກເຂົາບໍ່ໄດ້.21ຈົ່ງປະກາດສິ່ງທີ່ເກີດຂຶ້ນ, ສະເໜີມາແມໃຫ້ພວກເຂົາປຶກສາຫາລືກັນ.ຜູ້ໃດໄດ້ບອກເລື່ອງນີ້ໄວ້ລ່ວງໜ້າດົນນານມາແລ້ວ?ຜູ້ໃດກ່າວວາຈາໄວ້ຕັ້ງແຕ່ອະດີດ?ບໍ່ແມ່ນເຮົາຜູ້ເປັນພຣະເຈົ້າຢາເວບໍ?ນອກຈາກເຮົາແລ້ວບໍ່ມີພຣະເຈົ້າອື່ນໃດພຣະເຈົ້າຜູ້ຊອບທຳ ແລະ ພຣະຜູ້ຊ່ວຍ;ບໍ່ມີຜູ້ໃດອື່ນນອກຈາກເຮົາ.22“ມວນມະນຸດທົ່ວໂລກຈົ່ງຫັນມາຫາເຮົາ, ແລະ ຮັບການຊ່ວຍໃຫ້ລອດພົ້ນ,ເພາະເຮົາເປັນພຣະເຈົ້າ, ແລະ ບໍ່ມີພຣະເຈົ້າອື່ນໃດອີກ.23ເຮົາໄດ້ສາບານໄວ້ແລ້ວດ້ວຍຕົວຂອງເຮົາເອງ,ປາກຂອງເຮົາໄດ້ກ່າວໄວ້ດ້ວຍຄວາມຊື່ສັດຖ້ອຍຄໍາທີ່ຈະບໍ່ມີວັນປ່ຽນແປງ:ຄືທຸກຄົນຈະຄຸເຂົ່າກາບລົງຕໍ່ໜ້າເຮົາ;ທຸກລິ້ນຈະສາບານໂດຍອ້າງເຖິງເຮົາ.24ພວກເຂົາຈະກ່າວເຖິງເຮົາວ່າ,‘ໃນພຣະເຈົ້າຢາເວເທົ່ານັ້ນທີ່ມີຄວາມຊອບທຳ ແລະ ກໍາລັງ’ ”.ທຸກຄົນທີ່ຄຽດແຄ້ນຕໍ່ສູ້ພຣະອົງຈະມາຫາພຣະອົງ ແລະ ອັບອາຍຂາຍໜ້າ.25ແຕ່ໃນພຣະເຈົ້າຢາເວລູກຫລານທັງໝົດຂອງອິດສະຣາເອນຈະໄດ້ເປັນຜູ້ຊອບທໍາແລະ ຈະຍົກຍ້ອງສັນລະເສີນພຣະອົງ.
Biblica, Inc.