Mark10
1แล้วพะเยซูก็ไป๋จากตี้ฮั่น พะอ๋งเข้าไป๋ตี้แคว้นยูเดีย ตี้อยู่แฮ๋มเพิ่งนึ่งของแม่น้ำจอร์แดน มีจาวเฮือนจะนักมาหาพะอ๋ง พะอ๋งก็ตั๋นเปิ้นอย่างเดียวเคย2มีนักบวชจั๋นสูงบางคนมาทดสอบพะอ๋ง โดยซอยว่า “มันถูกกฎหรือเปล่าตี้ป้อป้อจายจะหย่ากับเมีย”3พะอ๋งย้อนซอยว่า “แล้วโมเสสสั่งว่าจะได๋เกี่ยวกับเรื่องนี้”4หมู่เปิ้นอู้ว่า “โมเสสยอมฮื๊อป้อป้อจายเขียนใบหย่าฮื๊อกับเมีย แล้วก็หย่าได้”5พะอ๋งจึงอู้ว่า “ตี้โมเสสเขียนอย่างอั่นฮื๊อ ก็เพาะว่าจิตใจ๋ของโบ๋สูมันดื้อด้าน6แต่อันตี้แต๊ ตั้งแต่เริ่มแป๋งโลกมาแล้ว ‘พะเจ๊าแป๋งมนุษย์ฮื๊อเป๋นป้อจายและหญิง’7ป้อป้อจายตึ๋งได้แยกจากป้อแม่ไป๋อยู่ร่วมกั๋นกับเมียของเปิ้น8แล้วทั้งสองก็กลายเป๋นคนๆเดียวกั๋น หมู่เปิ้นบะใช่สองคนแฮ๋มต่อไป๋แต่เป๋นคนๆเดียวกั๋น9ดังอั่นสิ่งตี้พะเจ๊าได้มัดพันเข้าตวยกั๋นแล้วก็อย่าฮื๊อไผมาแยกออกจากกั๋นลุ”10ตอนหมู่เปิ้นอยู่กั๋นตามลำพังในเฮือน หมู่ลูกซิดก็ซอยพะเยซูเกี่ยวกับเรื่องนี้11พะอ๋งอู้ว่า “ไผก็ตามตี้หย่ากับเมียแล้วไป๋แต่งงานใหม่ ก็ถือว่ามีชู้12และถ้าหญิงตี้หย่ากับสามีแล้วไป๋แต่งงานใหม่ ก็ถือว่านางมีชู้อย่างเดียวกั๋น”13ผู้คนต่างพาละอ่อนน้อยๆมาฮื๊อพะอ๋งแตะต้องตั๋ว แต่หมู่ลูกซิดได้ต่อว่าหมู่เปิ้นไป๋14ตอนพะอ๋งหันก็บะพอใจ๋ จึงอู้กับหมู่ลูกซิดว่า “ปล่อยฮื๊อหมู่ละอ่อนน้อยๆเข้ามาหาเฮา อย่าห้ามหมู่เปิ้น เพาะว่าเมิงของพะเจ๊าเป๋นของคนตี้เป๋นอย่างเดียวกับละอ่อนน้อยๆหมู่นี้15เฮาจะอู้ฮื๊อฮู๊ว่า ถ้าคนไดบะยอมฮับเมิงของพะเจ๊าอย่างเดียวกับตี้ละอ่อนน้อยๆหมู่นี้ยอมฮับ คนอั่นจะบะได้เข้าในเมิงของพะเจ๊าแต๊ๆ”16แล้วพะอ๋งก็โอบละอ่อนๆฮื็อในอ้อมแขนและวางมืออวยปอนฮื๊อกับหมู่เปิ้น17ในขณะตี้พะอ๋งเริ่มออกเตียวอั่นก็มีป้อจายหนุ่มคนนึ่งล่นเข้ามาคุกเข่าลงต่อหน้าพะอ๋ง แล้วซอยว่า “อาจ๋านผู้ปะเสริฐ ผมจะต้องเยี๊ยะจะได๋ตึ๋งจะมีจีวิดกับพะเจ๊าตลอดไป๋ครับ”18พะเยซูอู้ว่า “สูฮ้องเฮาว่าผู้ปะเสริฐจะได๋ บะมีไผปะเสริฐหรอก นอกจากพะเจ๊าเท่าอั่น19สูก็ฮู๊กฎปฏิบัติดีอยู่แล้วนี่ ตี้ว่าอย่าฆ่าคน อย่ามีชู้ อย่าขโมย อย่าเป๋นพยานเท็จ อย่าโกง และฮื๊อเคารพนับถือป้อแม่”20คนหนุ่มคนอั่นก็ว่า “อาจ๋านครับ ผมฮักษากฎตุ๊กข้อนี้มาตั้งแต่ละอ่อนแล้วครับ”21พะเยซูพ้อเปิ้นตวยความฮักและอู้ว่า “แต่สูยังขาดอยู่แฮ๋มอย่างนึ่ง คือฮื๊อไป๋ขายทรัพย์สมบัติกุ๊กอย่างตี้สูมี แล้วเอาสตางค์ไป๋แจกจ่ายฮื๊อกับคนยากจน สูก็จะมีทรัพย์สมบัติอยู่ในสวรรค์ แล้วมาติ๊ดต๋ามเฮา”22ตอนได้ยินพะเยซูอู้จะอี้ เปิ้นก็เตียวจากไป๋ตวยความเศร้า เพาะว่าเปิ้นร่ำรวยจะนัก23พะเยซูพ้อไป๋รอบๆและอู้กับหมู่ลูกซิดว่า “มันยากจะนักตี้คนรวยจะได้เข้าไป๋ในเมิงของพะจ้าว”24หมู่ลูกซิดต่างก็งงตี้ได้ยินพะอ๋งอู้อย่างอั่น แต่พะเยซูอู้ต่อว่า “ลูกๆเอ๋ยฮู๊ไหมว่า เมิงของพะเจ๊านี่เข้ายากแต๊ๆ25จะฮื๊ออูฐลอดรูเข็ม ก็ยังจะง่ายกว่าตี้จะฮื๊อคนรวยเข้าไป๋ในเมิงของพะจ้าว”26หมู่ลูกซิดก็ยิ่งงงกั๋นไป๋ใหญ่และอู้กั๋นเองว่า “ถ้าอย่างอั่นไผจะไป๋รอดได้”27พะเยซูพ้อพ้อหมู่เปิ้นแล้วอู้ว่า “สำลับมนุษย์ก็เป๋นไป๋บะได้ลุ แต่สำลับพะเจ๊าก็เป๋นไป๋ได้ เพาะว่าตุ๊กสิ่งกุ๊กอย่างเป๋นไป๋ได้สำลับพะจ้าว”28เปโตรอู้กับพะอ๋งว่า “พ้อสิครับ หมู่เฮาได้สละตุ๊กสิ่งตุ๊กอย่างฮื๊อมาติ๊ดต๋ามอาจ๋าน”29พะเยซูอู้ว่า “เฮาจะอู้ฮื๊อฮู๊ว่า คนตี้ได้สละเฮือนเฮอน ปี้น้องป้อจายหญิง ป้อแม่ ลูกๆหรือไร่นาฮื๊อมาติดตามเฮาและข่าวดีของเฮา30คนๆอั่นจะได้ฮับผลอู้แตนคืนเป๋นร้อยเท่าของสิ่งตี้เปิ้นมีในโลกนี้ ทั้งเฮือนเฮอน ปี้น้องป้อจายหญิง ป้อแม่ ลูกๆและไร่นา รวมตึ๋งว่าหมู่เปิ้นจะต้องถูกกดขี่ข่มเหงตวย แต่หมู่เปิ้นจะมีจีวิดกับพะเจ๊าตลอดไป๋ในโลกหน้าตี้จะมาตึ๋ง31คนตี้เป๋นใหญ่เป๋นโตตี้ซุ๊ดในตอนนี้จะกลายเป๋นคนตี้ต่ำต้อยตี้ซุ๊ด ส่วนคนตี้ต่ำต้อยตี้ซุ๊ดในตอนนี้จะได้กลายเป๋นใหญ่เป๋นโตตี้ซุ๊ด”32หมู่เปิ้นมุ่งหน้าไป๋เมิงเยรูซาเล็ม พะเยซูเตียวนำหน้า หมู่ลูกซิดต่างก็เป๋กใจ๋ ส่วนหมู่ตี้ติ๊ดต๋ามมาก็หวาดโก๊ว พะอ๋งพาลูกซิดทั้งซิบสองคนปลีกตั๋วออกมาข้างๆและเริ่มเล่าเรื่องตี้จะเกิดขึ้นกับพะอ๋งฮื๊อหมู่เปิ้นฟังแฮ๋มเตื้อ33พะอ๋งอู้ว่า “ฟังนะ หมู่เฮากำลังจะขึ้นไป๋เมิงเยรูซาเล็ม และลูกมนุษย์จะถูกยั๊บส่งตั๋วไป๋ฮื๊อหมู่ผู้นำนักบวช และหมู่คูสอนกฎปฏิบัติ หมู่เปิ้นจะตั๊ดสินปะหารจีวิดเปิ้น และหมู่อั่นจะยั๊บเปิ้นส่งไป๋ฮื๊อกับคนตี้บะใช่จาวยิว34แล้วหมู่อั่นก็จะหัวเฮาะเยาะ ถ่มน้ำลายใส่ เฆี่ยนตี และในตี้ซุ๊ดก็จะฆ่าเปิ้น แต่เปิ้นก็จะฟื้นขึ้นจากความต๋ายในวันตี้สาม”35ยากอบและยอห์น ลูกของเศเบดีเข้ามาอู้กับพะเยซูว่า “อาจ๋านครับ จ้วยหมู่เฮาสักเรื่องได้ไหมครับ”36พะเยซูซอยว่า “จะฮื๊อเยี๊ยะไอหยังล่ะ”37หมู่เปิ้นอู้ว่า “พออาจ๋านได้ฮับเกียรติยศอันสูงส่งอย่างจ้าวแป่นดินแล้ว ขอฮื๊อเฮาได้นั่งข้างขวาอาจ๋านคนนึ่งและข้างซ้ายแฮ๋มคนนึ่งนะครับ”38พะเยซูอู้ว่า “โบ๋สูบะฮู๊หรอกว่ากำลังขอไอหยังอยู่ โบ๋สูจะดื่มจากจอกตี้เฮาต้องดื่มนี้ได้หรือ ความทรมานนี้ตี้เฮาต้องฮับ สูจะฮับได้หรือ”39หมู่เปิ้นอู้ว่า “ได้ครับ” พะเยซูจึงอู้ว่า “แต๊อยู่ตี้สูจะดื่มจากจอกตี้เฮาจะต้องดื่ม และสูจะทนตุ๊กข์ทรมานแบบเดียวกับตี้เฮาจะต้องทน40แต่จะฮื๊อไผนั่งตางขวาหรือตางซ้ายของเฮาอั่น เฮาบะได้เป๋นคนเลือก พะเจ๊าจะเป๋นผู้เลือกเอง”41ตอนลูกซิดแฮ๋มซิบคนฮู๊เรื่องนี้ ก็โกรธยากอบและยอห์น42พะเยซูลุฮ้องหมู่เปิ้นเข้ามาหาและอู้ว่า “โบ๋สูก็ฮู๊ว่าจ้าวแป่นดินของหมู่คนต่างชาติเยี๊ยะตั๋วเป๋นเจ้าเป๋นนายเหนือปะชาชน และหมู่ข้าราชการระมอดสูงก็จ๊อบใจ๋อำนาจต่อปะชาชน43แต่ในโบ๋สูมันจะบะเป๋นอย่างอั่น คนไดตี้ใค้จะเป๋นใหญ่ ก็ฮื๊อเปิ้นเป๋นผู้ฮับใจ๊หมู่สู44และคนไดใค้เป๋นคนสำคัญตี้ซุ๊ด ก็ฮื๊อเปิ้นเป๋นผู้ฮับใจ๊ตุ๊กคน45เพาะว่าแม้แต่ลูกมนุษย์ ก็ยังบะได้มาจะฮื๊อคนอื่นฮับใจ๊ แต่มาฮื๊อจะฮับใจ๊คนอื่น และยอมสละจีวิดฮื๊อปลดปล่อยฮื๊อคนจะนักเป๋นไท”46พะเยซูและหมู่ลูกซิดเตียวตางมาตึ๋งเมิงเยริโค และในจ้วงตี้พะอ๋งและหมู่ลูกซิดกำลังเตียวตางออกจากเมิงเยริโคป๊อมกับจาวเฮือนอั่น ก็มีคนตาบอดคนนึ่งจื้อบารทิเมอัสซึ่งเป๋นลูกบ่าวของทิเมอัส นั่งขอทานอยู่ฮิมตาง47ตอนเปิ้นฮู๊ว่าเป๋นพะเยซูจาวนาซาเร็ธ เปิ้นก็ฮ๊องเฮ็กซะว่า “เยซู ลูกดาวิด เอ็นดูผมตวยครับ”48หลายคนตวาดฮื๊อเปิ้นดั๊ก แต่เปิ้นยิ่งเฮ็กซะดังขึ้น “เยซูลูกดาวิดเอ็นดูผมตวยครับ”49พะเยซูจึงยู๋ด และอู้ว่า “ฮ้องเปิ้นมา” หมู่เปิ้นก็ลุฮ้องคนตาบอดอั่น และอู้เปิ้นว่า “สูฮุกขึ้น แล้วให้จื้นใจ๋ อาจ๋านฮ้องสูไป๋หา”50คนตาบอดอั่นก็โยนเสื้อกุมขว้างไป๋ข้างๆแล้วกระโดดฮุกขึ้นมาหาพะเยซู51พะอ๋งซอยเปิ้นว่า “ใค้ฮื๊อเฮาจ้วยไอหยัง” คนตาบอดอู้ว่า “ผมใค้หันครับอาจ๋าน”52พะเยซูจึงอู้ว่า “ไป๋เถอะ ความเจื้อของสูเยี๊ยะฮื๊อสูหายแล้ว” เปิ้นก็หันท้นเต้า และติ๊ดต๋ามพะอ๋งไป๋
Empower Asia Bible Translation Movement