عبر4
1لہٰذا أسؠ ہیکو تہِ ونتھ خداے چُھ ونہِ تہِ وعدٕ کران زِ تمؠ سنٛدؠ لوٗکھ سُپدن تمؠ سٕندس آرامس منٛز شریک۔ تمی سببہٕ، چھِ اسہِ یہِ کتھ یقینی بناونچ ضرورت زِ توٚہہِ منٛز کرِ پریتھ کانٛہہ تہِ کینٛژھا حٲصل یمیٛک خداین چُھ وعدٕ دِیُتمُت۔2اسہِ چھِ یہِ یقینی بناونچ ضرورت، تکیازِ اسہِ بوٗز سۅ رٕژ شیچھ یتھٕ پٲٹھؠ تِمو بوٗز۔ اما پوٚز، تِم ٲسؠ نہٕ تِمو لوٗکو منٛزٕ یِمو تتھ پیٚٹھ ایمان اوٚن یہِ تِمو بوٗز، یہِ تِمو بوٚز تمؠ کوٚر نہٕ تِمن مدد۔3تمیٛک وجہ چُھ صرف یہِ زِ اسہِ چُھ رٕژِ شیچھِ پیٚٹھ ایمان تہٕ خداے سٕندس آرامس منٛز چھِ دٲخل، مگر تِم یِمن نہٕ ایمان چُھ تِم چھِنہٕ اتھ منٛز شٲمل۔ یتھٕ پٲٹھؠ پاک روح ونان چُھ، "تمہِ پتہٕ، تکیازِ سُہ اوس تِمن ناراض، تمؠ کوٚر قسم کھیٚتھ اعلان، "تِم سپدن نہٕ زانٛہہ تہِ میٲنس آرامس منٛز دٲخل" خداین وون یہِ ہرگاہ تمؠ دنیاہ پٲدٕ کرِتھ کٲم رکٲوؠ تہٕ آرامس بیٚوٹھ۔4توٚہہِ چُھ مولوم خداین کوٚر آرام تکیازِ یہِ چُھ پاک روح کُنہِ جایہِ ہفتہٕ کس ستمِس دوٚہس متعلق ونان۔ سُہ چُھ ونان، "پتہٕ اوس ہفتُک سٔتِم دوٚہہ، خداین موکلوو پریتھ کانٛہہ چیز پٲدٕ کرِتھ تہٕ تمؠ کوٚر آرام"5مگر دبارٕ تھٲیو یاد زِ خداے کیا چُھ اسرائیلکیٚن جدن متعلق ونان تِمن لفظن منٛز یمہٕ مےٚ برونہٛےٕ ونؠ مٕژ چھے:" تِم سپدن نہٕ زانٛہہ تہِ میٲنس سکونس منٛز شریک!"6اسرائیلین ہندیو جدو یِمن پتھ کالہِ رٕژ شیچھ بوٗز تمہِ پتہٕ تہِ کرکھ نہٕ خداے سٕنٛز فرمانبردٲری، تہٕ تِم سُپدؠ نہٕ خداے سٕندس سکونس منٛز شریک۔ اماپوٚز، خداے چُھ ونہِ کینٛژھن لوٗکن تمؠ سٕندس سکونس منٛز شریک سُپدن یژھان۔7تمی سببہٕ، پاک روحن چُھ بییٚہِ اکہِ لٹہِ وقت ژوٚرمُت ییٚلہِ أسؠ ہیکو خداے سٕندس سکونس منٛز شریک سپدیتھ۔ سُہ وقت چُھ یتھ أسؠ "یہِ دوٚہہ" ونان چھِ۔ تمؠ کوٚر یہِ ییٚلہِ تمؠ داودسؔ سٟتؠ واریاہہِ کٲلؠ اسرائیلین ہندیو جدو ہنٛزِ نافرمٲنی پتہٕ کتھٕ کرِ۔ تمؠ وون، یتھٕ پٲٹھؠ مےٚ برونٛہہ ونمُت چُھ، "یہِ دوٚہہ، ییٚلہِ خداے سٕنٛز کتھٕ بوٗزو، تس مہٕ کریو ضدِ سان نافرمٲنی "8لہٰذا، پاک روح چُھ أکس مختلف دوٚہس کُن اشارٕ کران ییٚلہِ خداے سنٛدؠ لوٗکھ ہیکن خداے سٕندس سکونس منٛز شریک سپدیتھ یوس تمہِ دوٚہہ پتہٕ چُھ یوان ییٚلہِ یشُوعنؔ اسرائیلین ہندؠ جد تتھ ملکس منٛز واتنٲوؠ یمیٛک خداین تِمن وعدٕ دِیتُمُت اوس۔ امیٛک مطلب گوو زِ ییٚلہِ یشوعنؔ تہِ کوٚر، تمؠ کوٚر نہٕ تِمن خداے سٕندس سکونس منٛز شریک سپدنس منٛز مدد "9لہٰذا، ٲتھٕ پٲٹھؠ توٚہؠ ہیکیو وچُھتھ، خداے سنٛدؠ لوٗکھ ہیکن ونہِ تہٕ خداے سٕندس سکونس منٛز شرکت کرِتھ، یتھٕ پٲٹھؠ زن لوٗکھ چھِ یہُود سبتکہٕ دوٚہہ آرام کران۔10حقیقتس منٛز چھِ تِم لوٗکھ یِم خداے سٕندس سکونس منٛز دٲخل گژھان تِم چھِ پننہِ کامہِ ختم کرِتھ آرام کران۔ تِم چھِ یہ کران یتھٕ پٲٹھؠ زن خداین پریتھ کانٛہہ چیز پٲدٕ کرِتھ آرام کوٚر ۔11تِمو ساروے کِنؠ، اسہِ پزِ خداے سٕندس سکونس کُن دھیان تھاون۔ اتھ پٲٹھؠ کرنہٕ اسہِ منٛز کانٛہہ اکھ تہِ خداے سٕنٛز نافرمٲنی یتھٕ پٲٹھؠ زن اسرائیلکیٚو جدو کٔر ۔12توٚہہِ چھِ یِمن چیزن کُن توجہ دِنچ ضرورت، تکیازِ خداے چُھ یہِ أکس شخصہٕ سنٛدؠ پٲٹھؠ ونان یُس زندٕ چُھ تہٕ کام کار چُھ کران، بشمولہِ یہِ تمیز کرُن زِ لوٗکھ کیا چھِ سونچان تہٕ منصوبہٕ بناوان۔ یہ چُھ یہِ کران اکہِ تلوارِ ہندؠ پٲٹھؠ یتھ زٕ دوٚنوے طرف واریاہ تیز یوسہٕ لوٗکن ہنٛزٕ أڈجہ تِہندیو نٲرو پیٚٹھؠ ژٹِتھ ہیٚکہِ تہٕ یہِ ہیٚکہِ لوٗکن ہنٛز اندرونی زندگی تقسیم کرِتھ۔ 13خداے چُھ پریتھ کٲنٛسہِ شخصس تہٕ چیزس متعلق پریتھ کینٛہہ زانان۔ کانٛہہ تہِ چیز ہیکہِ نہٕ پوشیدٕ روزِتھ یُس تہِ تمؠ پٲدٕ کوٚر ییٚلہِ سُہ پرکھاون یژھِ۔ سوے چُھ اکھ یمِس متعلق أسؠ چھِ کتھٕ کران۔14لہٰذا اکھ قدرت وول حکمرٲنی کرن وول کاہن چُھ سانہِ خٲطرٕ کٲم کران، یُس آسمانو منٛزؠ ووٚتھ۔ سُہ چُھ یسوعؔ، خداے سُنٛد گوبر۔ توے چھِ اسہِ تس پیٚٹھ ایمان جٲری تھاون یتھ أسؠ ونان چھِ زِ اسہِ چُھ ایمان۔15وونؠ گوو حکمران کاہن یُس سانہِ خٲطرٕ چُھ کٲم کران ہیکہِ اصل پٲٹھؠ سمجھِتھ زِ أسؠ کٲتیاہ کمزور چھِ۔ در حقیقت، تمؠ کوٚر واریاہہِ لٹہِ تجربہٕ زِ کِتھ کِنؠ چُھ غلط کرُن اصل باسان، یتھٕ کِنؠ زن أسؠ چھِ کران۔ اما پوٚز، تمؠ کوٚر نہٕ زانٛہہ گناہ۔16تمہِ پتہٕ، اسہِ پزِ دلیری سان خدایس نزدیک گژھن، یُس فضلہٕ سان بادشٲہی کران چُھ۔ اتھ پٲٹھؠ کرِ سُہ اسہِ رحم تہٕ فضل ییٚلہِ اسہِ تمؠ سنٛدِ مددتٕچ ضرورت آسہِ۔
Bridge Connectivity Solutions Pvt. Ltd.