عبر3
1میانیو ایمان باجو، خداین چھُو توٚہؠ پننہِ خٲطرٕ بیون کرؠ مٕتؠ، تہٕ تمؠ چھِ أسؠ آسمانہٕ پیٚٹھٕ یکوٹہٕ بُلٲمٕتؠ۔ ییٚلہِ زن مےٚ توٚہہِ ونمُت چُھ زِ یسوعن کیا چُھ کوٚرمُت، توٚہہِ پزِ تس متعلق سونٛچن۔ خداین سوز رسول اسہِ، تہٕ سُہ چُھ سردار کاہن یمِس پیٚٹھ أسؠ ونو زِ اسہِ چُھ ایمان۔2تمؠ کٔر خدایس وفادٲری سان خدمت، یمؠ سُہ اکھ سردار کاہن بنوو۔ سُہ چُھ موسیٰ ہس ہیو، یمؠ خدایس خداے سٕندٮ۪ن لوٗکن ہُند حصہٕ رنگؠ وفادٲری سان خداے سٕنٛز خدمت کٔر۔3چونکہ پریتھ عمارژ چُھ اکھ تعمیٖر کرن وول بناون، تہٕ لوٗکھ چھِ اصل پٲٹھؠ عمارژ تعریف کرنہٕ کھوٚتہٕ زیادٕ تعمیٖر کرن وٲلِس تعریف کران۔ یتھے پٲٹھؠ، خدا چُھ تعمیٖر کرن وول یمؠ پریتھ کانٛہہ چیز بنوو۔ توے پزن لوٗکن یسوعس تعریف کرنؠ یُس خداے چُھ، موسیٰؔ ہس تعریف کرنہٕ کھوٚتہٕ زیادٕ، یُس خداین بنوو۔5موسیٰؔ ہن کٔر وفادٲری سان تمس شخصس سنٛدؠ پٲٹھؠ خداے سٕنٛز خدمت یمؠ خداے سٕندٮ۪ن سارنے لوٗکن مدد کرِ۔ تمہِ طریقہٕ کوٚر تمؠ برونٛہےٕ اعلان یہِ وونؠ خداے یسوعس متعلق ونان چُھ ۔6پوٚز مسیحؔ چُھ خداے سُنٛد گوبر، یُس وفادٲری سان خداے سٕندٮ۪ن لوٗکن پیٚٹھ بادشٲہی چُھ کران۔ یوتتھ تام زِ أسؠ دلیری تہٕ فخرٕ سٟتؠ یہِ توقع کران زِ خداے کیا دِیہِ اسہِ، أسؠ چھِ تمن لوٗکن سٟتؠ تعلق تھاوان۔7مُلہٕ چھِ أسؠ خداے سنٛدؠ لوٗکھ، اسہِ پزِ کرُن یہِ پاک روح ونان چُھ:" ازکہِ دوٚہہ، ییٚلہِ توٚہؠ بوزِو بب خداے توٚہہِ سٟتؠ کتھ کران،8ضدِ سان مہُ کریو تمؠ سٕنٛز نافرمٲنی۔ ییہِ کوٚر تُہندیو جدو ییٚلہِ تِمو خدایس خلاف صحراون منٛز زندگی گُزارنس بغاوت کٔر تہٕ تس کھولوٗکھ شرارت ۔9تِمن جاین روزنس دوران اوٚن تُہندیو جدو خداے اشتعالس منٛز یہ وُچھنہٕ خٲطرٕ زِ سُہ کیا کرِ۔ تِمو کوٚر مےٚ امتحان تہٕ ازمووہس تتہِ۔ تِمو کوٚر تہِ ہرگاہ تِمو تِم سٲری حیران کران وٲلؠ چیز وُچھ یِم تمؠ تِمن ہندِ خٲطرٕ کٔرؠ10أکس ژتجہن ورؠ ین ہندس دورس دوران۔ لہٰذا سُہ سُپد تِمن لوٗکن دِلہ ناراض، تہٕ تمؠ وون تِمن متعلق، "تِم چھِ یژھان تہِ کرُن یہِ پریتھ وقتس غلط چُھ۔ تِم چھِ نہٕ سمجھ یوان زِ بہٕ کتھٕ پٲٹھؠ چھُس یژھان تِم کرن برتاو"11اوے سُپد سُہ تِمن ناراض، تمؠ کوٚر قسم دِتھ اعلان، "تِم کرن نہٕ زانٛہہ تہِ شرکت زِ بہٕ کتھٕ کِنؠ چُھس آرام کران!"12ایمان باجو، توجہ دِیو! یقینی بنٲیو زِ توٚہہِ منٛز سونچہِ نہٕ کانٛہہ تہِ بُرٕ تہٕ بے دین طریقو سٟتؠ یمہِ سٟتؠ توٚہہِ تمس کُنِس حقیقی خدایس بے وفا سپدیو۔13بلکہ پزِ توٚہہِ پریتھ دوٚہہ اکھ أکس خدایس وفادار روزنس پیٚٹھ حوصلہٕ افزٲئی کرنؠ، پریتھ دوٚہس دوران یتھ أسؠ" یہِ دوٚہہ" ونان چھِ۔ یتھٕ پٲٹھؠ کرِ نہٕ توٚہہِ منٛز کانٛہہ اکھ گناہ تہٕ پانس دِیہِ دوکھٕ، یُس توٚہہِ خداے سٕنٛز فرمانبردٲری کرنس منٛز ناقٲبل بنایہِ۔14توٚہہِ پزِ اکھ أکس حوصلہٕ افزٲئی کرنؠ، تکیازِ أسؠ چھِ مسیحسؔ سٟتؠ کُنہِ چیزچ شراکت۔ تہِ چُھ پوٚز یوٚتام أسؠ تس پیٚٹھ ابتدا پیٚٹھٕ مرنکِس دمس تام یقین جٲری تھاوو۔15توٚہہِ پزِ اکھ أکس حوصلہٕ افزٲئی کرنؠ ییٚلہِ زن پاک روح چُھ ونان، "ازکہِ دوٚہہ ییٚلہِ توٚہؠ بوٗزو خداے چُھ توٚہہِ سٟتؠ کلام کران، تس مہٕ کریو ضدِ سان نافرمٲنی۔ تیی کوٚر تُہندیو جدو ییٚلہِ تِمو خدایس خلاف بغاوت کٔر"16وونؠ چُھ توٚہہِ مولوم زِ تِم سٲری ٲسؠ خداے سنٛدؠ لوٗکھ، یِم موسیٰؔ ہن ملکہ مِصرٕ منٛزٕ کڈتھ أنؠ، یِمو خداے سُنٛد ونن بوٗز تہٕ تیلہِ تہِ کرٕکھ تمس خلاف بغاوت۔17توٚہہِ چُھ مولوم زِ تِم ٲسؠ خداے سنٛدؠ لوٗکھ یِمو غلط کوٚر، یِمن خداے أکس ژتجہن ورؠ ین ہندس وقتس تام ناراض روٗد۔ تِم مودؠ وجارن اندر ۔18توٚہہِ چُھ مولوم زِ تِم ٲسؠ خداے سنٛدؠ لوٗکھ، یِمو نہٕ تمؠ سٕنٛز فرمانبردٲری کٔر، تُہنٛدِ باپتھ کھیٚو تمؠ قسم زِ تِم سپدن نہٕ زانٛہہ تمؠ سٕندس سکونس منٛز شریک ۔19لہٰذا، أسؠ ہیکو ونتھ زِ تِمو ہیوٚک نہٕ تمؠ سٕندس آرامس منٛز دٲخل سپدیتھ تکیازِ تِمو کوٚر نہٕ تس پیٚٹھ یقین۔
Bridge Connectivity Solutions Pvt. Ltd.