Uremu2
1Nuguya lufulurinbei áraabu le Sarón, nuguya lufulurinbei fulasu wayati.2Ítara tiña númari hadan würiña kei fuluri labadinagua hiiyu.3Ítara liña númari hadan eyeriñu kei aban mansanu tidan sun tídibu wewe to dabíararuguboun.
Wéiriti línsiñen nun nañuurun lábugiñe bamuñan! Bímetu bin nun!4Barǘ lumutina tidoun rumu to ñein lubéi ladinerúa, lau ínsiñeni laríaguana.5Ragüguagüda humana nungua tau pasa, hóugüda humana mansana, ladüga láfaraadina ínsiñeni.6Rulei lúhabu le lubaünan lábugiñe nichügü, lóuburaname lau lóunwenren.7Füramase humá nun, hiñaruñu Herusalénna hawagu usari ha dabíararugubaña, luagu madüraagun hubéi lan lidabagu númari. Ígira huméi lun larumugun darí lásaarun!
Wéiriti línsiñen nun nañuurun lábugiñe bamuñan! Bímetu bin nun!4Barǘ lumutina tidoun rumu to ñein lubéi ladinerúa, lau ínsiñeni laríaguana.5Ragüguagüda humana nungua tau pasa, hóugüda humana mansana, ladüga láfaraadina ínsiñeni.6Rulei lúhabu le lubaünan lábugiñe nichügü, lóuburaname lau lóunwenren.7Füramase humá nun, hiñaruñu Herusalénna hawagu usari ha dabíararugubaña, luagu madüraagun hubéi lan lidabagu númari. Ígira huméi lun larumugun darí lásaarun!
Libiaman uremu
8Anitén númari! Aganba naali lumalali achubaheina liña ligibuagu wübü, éibaagueina liña ligibuagu dabíara.9Ítara liña númari kei aban usari, kei aban usari nibureingili. Aniheinhali ya, lanagangiñe bena, layarafaduña luagun funedera, laganarihaña labadinaguagiñe chalachi.10Lariñahare númari nun: «Saraba númari, keimoun.11Arihabá! Sügüha gunuburugu, sügüha giñe huya.12Bouha fuluri áraabu, chülühali lidaani eremuhani, aganbúaali heremuhan dunuru wamúanrugu.13Gínharu igu hirimichawaali líhemen beibei. Saraba númari, keimoun.14Nilügün unhun to aramudaguboun labadinagua dübü, arufudabéi bigibu nun, aganbanei bumalali. Gúndaatina lau narihinibu! Gúndaatina lau naganbuni bumalali».15Ragǘ humaña animaalugu, harahüñü animaalugu ha éigibarun wanadürigu beibei to egelewehaboun.16Nani númari, ani lani giñe númari nuguya. Góunigi lumutiña lilügüniña mudún labadinagua fuluri,17lidan arugadeina lan, luma lidan agumuchagueina lan luburiga. Giribubá númari, éibaagueina kei aban usari, kei aban usari nibureingili ligibuagu wübü.Bible Society of Honduras