BaHebburu13
1Amuleke luyando lwabunyina lweendeleele.2Mutaleki kutondeezya buuya kubeenzu, nkaambo kaboobo bamwi bakasamawusya baangelo kabatazi pe.3Amubayeeye aabo bali muntolongo, mbuli kuti muli aamwi muntolongo; abaabo basonsyegwa, mbukunga anywebo muli mumubili upenzegwa.4Amuleke makwataano achitwe mukulemeka akati kaboonse, alimwi bulo bwamakwatano butasofwazigwi pe; nkaambo Leza uyoobabeteka baamu abasimamambe.5Mubambe buumi bwanu mutabi basikuyanda mali, alimwi mukkutikane azeezyo nzimulaazyo; nkaambo wakati, “Tandikwe kuyoosiya pe nikuba kuyookulekelezya.”6Anukuti ngatulaamba abusichaamba kuti,“Mwami mugwasyi wangu,taakwe nchindiyoyoowa pe;niinzi muntu nchanga ulachita kulindime?”7Kamuyeeya bazulidi banu, aabo bakamwaambila ijwi lyaLeza; muyeeye mbubakali kupona, alimwi mwiiye lusyomo lwabo.8Jesu Kkirisitu nguunguwe jilo asunu akwalyoonse.9Mutaleyesegwi nkaambo kamisyobomisyobo yanjiisyo italuleme; nkaambo nchibotu kuti moyo usungazigwe aluzyalo, peepe atala milawu yazyakulya imwi, eeyo itakwe yakabapa mpindu bayitobelezya.10Tujisi chipayililo eecho bakutawukila dyumba nchibatakwe cheelelo chakulida.11Nkaambo mibili yabanyama aabo bali abulowa bweetwa mubusena busalalisya amupayizi mupati mbuli chipayizyo chachibi zilawumpwa anze alubuwa.12Aboobo alubo Jesu wakapenzegwa kunze amulyango wachisi kuti asalazye bantu mukwiinda mubulowa bwakwe.13Nkikaako ngatwiinke kulinguwe anze alubuwa, mpawo tukabweze kusukuusigwa nkwakakakatila.14Nkaambo aano tatukwe chisi chalyoonse pe, pesi tuyanduula chisi eecho chiyobuza.15Mukwiinda mulinguwe eelyo atwiinkilile anembo akupa chipayizyo chakulumbayizya kuli Leza, chaamba kuti, muchelo wamilomo eeyo yaamba izina lyakwe.16Mutaleki kuchita chibotu akwaabilana nzimujisi, nkaambo zipayizyo ziliboobu zilakonda kuli Leza.17Amuswiilile bazulidi banu akulifwiinsya kulimbabo; nkaambo mbibalanga myuuya yanu, mbuli bantu bayoobuzisigwa. Mubaleke bachite eechi mulukondo, alimwi peepe mukunyontoka, nkaambo eecho tachikwe kuyoomubotela pe.18Mutukombele, nkaambo tuli achoonzyo kuti tuli amiyeeyo ili antanganana, katuyandisya kuti tuchite abulemu muzintu zyoonse.19Ndamukumbila kapati kuti muchite eechi kuchitila kuti ndibukulusigwe kulindinywe akufwambana.20Lino Leza waluumuno wakabusya lubo kuzwa kulufu Mwami wesu Jesu, mweembeli mupati wambelele, abulowa bwachizuminano chalyoonse,21amupe zintu zyoonse zibotu kuti muchite kuyanda kwakwe, kaliikubeleka mulindinywe eecho chimukonda mumeso aakwe, mukwiinda muli Jesu Kkirisitu, kuli nguwe akube bulemu kwalyoonse alyoonse. Ameni.22Ndamukumbila, nibakwesu, mujatilile kumajwi aangu akusungwazya, nkaambo ndakamulembela mubufwiifwi.23Mweelede kumvwisisya kuti mukwesu Timoti wakaangununwa, nguunguwe ngundiyomubona aamwi naa wasika chakufwambana.24Mujuzye bazulidi boonse banu abasalali boonse. Aabo bazwa kuItali balamujuzya.25Luzyalo lube andinywe moonse.
The Word for the World International