1 Pita3
1Kulikozyene inywe nibanakazi, mulibombye kubalumi banu, kuchitila kuti bamwi baabo, nikuba kuti tabalemeki ijwi pe, ambweni ngabalayobolwa kakutakwe ijwi pe pesi abuumi bwabanakazi babo,2nibabona chiimo chanu chabusalali akulizyotolola.3Lino bubotu bwanu butabi bwakunze akupesa masusu, nikuba kulipulapula azyangolide, alimwi akusama zisamo zyamuulo ulaatala,4pesi ngakube muntu wamukati kamoyo andalila zitaboli zyamuuya mubombe amuuya wachuumunizi, ooyo muyandisi kubusyu bwaLeza.5Munzila njiyeeyi banakazi bakale aabo bakali basalali alimwi bakali abulangilizi muli Leza bakali kulipulapula alimwi bakali kulifwiinsya kubalumi babo,6mbuli Sara mbwakalemeka Abburahamu, kamwiita kuti mwami. Alimwi lino muli bana bakwe kuti mwachita ziluleme mpawo kutabi chintu chimuyoosya.7Mbumbubo inywe nibalumi, mupone zyeelede abanakazi banu, mubape bulemu mbuli bakompeme, mbukunga mulijisini muluzyalo lwabuumi, kuchitila kuti inkombyo zyanu zitajalilwi.8Kumamanino, moonse, ngamube amuyeeyo umwi, luse, luyando lwabunyina, amoyo mutete amuzeezo wakulifwiinsya.9Mutabweedezyi bubi kububi, nikuba lutuko kulutuko, pesi muli imwi inzila alubo ngamulongezye, nkaambo kuli cheechi nkumwakayitwa, kuti mukajane chilongezyo.10Nkaambo kulilembedwe kuti,“Ooyo uyanda buumi,akubona mazuba mabotu,ngalesye lulimi lwakwe kububi,amulomo wakwe kukwaambuula zyakubeja,11ngaleke kuchita bubi, achite zibotu,ngayanduule luumuno mpawo alutobelezye.12Nkaambo meso aMwami ali kubaluleme,alimwi matwi akwe alaswiilila kunkombyo zyabo.Pesi busyu bwaMwami bufutatila aabo bachita bubi.”13Lino ngwani unga ulamunyonyona kuti kamulipedelede nkaambo kanchicho chiluleme?14Nikuba kuti mwapenzegwa ankaambo kabusalali, muyoolongezegwa. Mutabayoowi eezyo nzibayoowa pe, nikuba kulikataazya atala ambabo,15pesi mumyoyo yanu ngamulemeke Kkirisitu mbuli Mwami. Mulibambile chiindi choonse kukulikwabilila kuli kufumbwa umwiita kuti mumwaambile nkaambo abulangilizi buli mulindinywe,16alimwi ngamuchite amoyo mutete akupa bulemu. Amube amiyeeyo iluleme, kuchitila kuti, nimwatajatwa obotu, aabo batukila chiwa chanu chibotu muli Kkirisitu bafwisigwe bweeme.17Nkaambo kulimbubo kupenzegwa ankaambo kakuchita chiluleme, kuti kwaba kuyanda kwaLeza, kwiinda kuchita bubi.18Nkaambo alakwe Kkirisitu wakafwa nkaambo kazibi kamwi kwalyoonse, ululeme nkaambo kabataluleme, kuchitila kuti atweete kuliLeza. Alimwi bakamujeya mumubili pesi wakabusigwa muMuuya,19oomo mwakayinka kuyokambawuka kumyuuya ilimuntolongo,20eeyo itakwe yakaswiilizya chiindi, aawo luzyalo lwaLeza nilwakali bapede mweenya mumazuba aNowa, muchiindi nikwakali kuyakwa bwaato. Oomo bache, chaamba kuti, balimusanu abatatu, bakafutulwa mukwiinda muzambangulwe.21Lubbapatizyo oolo, lwendelana acheechi, lino lulamufutula, peepe mbuli kugwisya tyombe kuzwa kumubili pesi mbuli kulikumbilila kuliLeza kumuyeeyo ululeme, mukwiinda mububuke bwaJesu Kkirisitu,22ooyo wakayinka kujulu alimwi ulikuluboko lwalulyo lwaLeza. Baangelo, abeendelezi anguzu zilimunsi lyakwe.
The Word for the World International