SINU91
Yaa Nyuntɛ Loo
1Nnwɔ ninsiɛ ni di Nnwɔ Niɛtaka Katoo Alenke ni kasiɛkɔkamatɛ ɔnyɛɛ di Nnwɔ Ninleke ni oyududu.2Kamabuɛ di Saate nwu suoto nlɛ, "Nnwɔɔ ninle mi katanikokɔ ku kawofakɔ nii,Yaa nii, nnwɔ kamɛ letika ni disi.”3Nwaako abadiki fɔ ankyeko kansiɛ okũku ofiɛ kpile wɔ ninlo ni batii nnɛɛ.4Abatĩi fɔ ku selonkoo nɔɔ,di afoko nɔɔ kalɔ kafɔɔ fabawɛ katanikokɔ;onukwale nɔɔ nimale fɔ kubidifunsaa ku kɔba.5Flɔbayɛkɛ kakyɛ difu,ee lɛkplɔ le ninfenfe ni di dii kamɛ,6ee ofiɛ kpile wɔ nimpɛ ni otii di ditunu kamɛ,ee dibuo le ninlalaasa ni asaa ku kakũ.7Kakpe kamanɔɔ di ɔlɔɔkɔ lɛfɔ,nkpe lefosi di oletanɛɛkyɛ lɛfɔ,kafɔɔ dilɔbatɛɛtɛɛ fɔ.8Ɔnya ko fabanya ku anu lɛfɔfannya bakpiletɛ nwu letoko naanfi.9Nse fɛɛyɔ Nnwɔ Niɛtaka Katoo Alenke ni fɛɛbla kasiɛkɔ lɛfɔ-bia Saate nwu ninle mi ni katanikokɔ-10ni okpile kuonwii dilɔbatũ fɔ,ɔlaa kuonwii dilɔbatɛɛtɛɛ lɛkpaayo lɛfɔ.11Diekye abadiki batɔkyɛntɛ nɔɔ kanya di suoto lɛfɔalɛ banyu fɔ di sisuku lɛfɔ simuu suoto;12babakɛnkɛ fɔ di nnɛɛ lɛma kamɛ,alɛ flɔbayɔ kɔkpaa lɛfɔ fasa di difɔ suoto.13Fabakyɛ di kyata ku kɔwɛɛfɛɛko suoto;fabananafu kyata kplɛ nwu ku kɔsaanwu.14Saate nwu alɛ, "Diekye ambɔmbɔ mi, kamadiki nwɔ;kamanyu nwɔ, diekye aye leyooto nii.15Abalɛɛ mi, ami kafɔɔ kamatuna ntɔɔ;kamasiɛko nwɔ di nimiina obe kamɛ,kamadiki nwɔ ntɔɔ dibu kafɔɔ.16Kamayɔ nkpa kaanale mmiɛsa nwɔntuo nwɔ kafɔɔ didiki nii.”The Seed Company