SINU90
Yaa Ku Batii Nɔɔ
Yaa Otii Mose Ɔlaa Ɔpɛ
1Saate, afɔ ninle wo kasiɛkɔdiefe ni di ana amuu kamɛ.2Fiɛ baabla ni abokoteee faawako ni kasɔ ku kayi,dieyɔ ni di nua diesifi ni dinaa ni kaloo, afɔ ninle Yaa.3Afɔ ninkplesa batii fambla kudu,fambuɛ falɛ, "O batii babi, bikple bisifi kudu kamɛ.”4Diekye alɛɛ kakpe di anu lɛfɔnte fɛle dii ninwii nintoofe ni nunua,ee fɛle ninyu ninwii di kakyɛ.5Afɔ ninkpaa batii fansifiko kukpi sɛkyɔsĩ kamɛ;ote bate fɛle olesɛ sɛfa fɔle-6nu sinfukuti sɛfɔle ku olesɛ yi,kɔtɔɔfɔ sin-yɔɔ, sinkoso kafɔɔ.7Ɔblɔ lɛfɔ nwɔɔsa wolɛblɔfiɛ lɛfɔ kafɔɔ nkpee wo difu.8Fatɔɔyɔ ɔtanlolaa ɔbla loo fɛɛtɛ di anu lɛfɔ,sikpile loo wofale di anu lɛfɔ lɛkpa kamɛ.9Ayi loo amuu nwaalɛ anfe di ɔblɔ lɛfɔ kanya;alɛɛ loo nloo ku atuuni.10Ayi loo kanɛ ninle alɛɛ afosi akuɛnsĩ-ee afosi anɛ, nse bukpe osie nɛ;kafɔɔ di obe lɛma nwu kamɛ, dibuo ku sɛnyaami owi ninle,diekye anwaalɛ anfe wla, ni mun-yɛ nɛ.11Owe nin-ye ɔblɔ lɛfɔ nwu osie?Diekye lɛblɔfiɛ lɛfɔ kanya nkpe osie fɛ lɛyɛkɛ le niesiɛko fɔ nii.12Tuo wo mmle buɔka ni ayi loo nwaa,alɛ buawɛ ninumbe otu.13O Saate, ɔblɔ buɛɛ! Ɔmɛmbe kubayɔɔ?Nya bakpɛmblatɛ lɛfɔ nyaami.14Ta lɛbɔmbɔ lɛfɔ le ninaa ni kaloo dimiɛsa wo ku olesɛ,alɛ buasa sinu mumpɔ, mumnya suoto lɛyɔɔ di ayi loo amuu kamɛ.15Ta wo suoto lɛyɔɔ, fɛ ayi kpinwu ya fɛɛta diemiina wo ni,fɛ alɛɛ kpinwu ya butɔɔnya ni dibuo.16Ta batuo bakpɛmblatɛ lɛfɔ sɛsaabla lɛfɔ,baatuo babi lɛma dibu lɛfɔ nwu.17Ta Saate Yaa loo nwu sibualɛ sitika di suoto loo;sè nnɛɛ loo kamɛ sɛkpɛ fata wo-yii, sè nnɛɛ loo kamɛ sɛkpɛ.The Seed Company