SINU84
Yaa Leyo Ɔkyɛ Ɔkɔnsɔ Oklee
Kora babisuɔtɔbi onu. Kuɔta ni sinutuotɛ. Asa nwu di gitit. Sɛlɔ kanya.
1O Saate wɔ Ninlenke ni,nyu mmle di kasiɛkɔ lɛfɔ nwu lɛtɛ kalɛ ni!2Dikle ɔkla nii ɔkɔnsɔ, bia nloo ɔnyɛɛ,diɛta ni Saate nwu olekatakɔ;otu nii ku suoto nii nwi kakudiɛta Yaa wɔ ninkpe ni nkpa.3Bia kakyɛnyi nkpe leyo,katiitĩi kafɔɔ mbla leyo kanta suoto nɔɔ,nfũ abatɛ ni abi nɔɔ-di lɛba le niɛkaako ni olekatakɔ lɛfɔ,O Saate wɔ Ninlenke ni, Ɔka nii ku Yaa nii.4Suoto siyɔɔ batii ba ninsiɛ ni di leyo lɛfɔ;obe lele bɔɔtansa fɔ ni. Yila kɛɛkɛ5Suoto siyɔɔ batii ba osie ninsi ni di kamɛ lɛfɔ,bɛɛyɔ situ lɛma beetika ni di kasumukɔ ɔkyɛ suoto.6Manfe ni di Bakà Ɔtaata nwu,bɛɛbla nwu ni ntu ntaakɔ lɛba;apanta nwu nyii ku kɔkyɛɛ kanto.7Mantɔɔwɛ osie obe lele,ninaase di obe wɔ di obiala kamakyɔɔ ni di Yaa anu di Sion.8O Yaa wɔ Ninlenke ni, nu ɔlaa ɔpɛ nii;O Yakob Yaa, kyɔɔ mi atoko. Yila kɛɛkɛ9O Yaa, nyu kubidifunsaa loo;nyu nnwɔ fɛɛpɛ ni ɔfɔɔ ku lɛbɔmbɔ.10Leyo lɛfɔ osiɛ dii ninwii nlɛ dilenkeayi kakpe di kakɔ bamba;kamale kayoko nyuntɛ di Yaa nii leyo bia,ninlenkee alɛ kasiɛ di bakpiletɛ akpanta kalɔ.11Diekye Saate Yaa nle kufĩ ku kubidifunsaa;Saate nwu nle sibualɛ anta kafɔɔ batii dibu;an-sĩ lɛsaa biene ɔbla ɔtamba di lɛkyɛmbi lɛma nnaa ole kuonwii.12O Saate wɔ Ninlenke ni,suoto siyɔɔ otii wɔ nietika fɔ ni disi.The Seed Company