SINU85
Ɔlaa Ɔpɛ Diɛta Ni Kale Nwu Lɛlɛ
Kora Babisuɔtɔbi onu. Kuɔta ni sinutuotɛ.
1O Saate, feele kasɔ lɛfɔ sibualɛ;faakplesa Yakob lɛlɛ faatɔɔ.2Faayɔ batii lɛfɔ ɔtanlolaa ɔbla faakyɛ mafaatĩi kafɔɔ sikpile lɛma simuu. Yila kɛɛkɛ3Faakyisa ɔblɔ lɛfɔ omuu faatɛ di ɔlɔɔkɔfaadiɛ kafɔɔ lɛblɔfiɛ yakayaka lɛfɔ nwu.4O Yaa Dikitɛ loo, kple fase wo lelolaa,faadiɛ ɔblɔ ɔnya di suoto loo.5Fabanya ɔblɔ fankpee ko wo dinaa ni kaloo?Fabata lɛblɔfiɛ lɛfɔ nwu nfe di ana nwu amuu suoto?6Fabakple fankpee wo osie,alɛ batii lɛfɔ kanya suoto lɛyɔɔ kaamɛ lɛfɔ?7O Saate, tuo wo lɛbɔmbɔ lɛfɔ le ninaa ni kaloo,faatawo didiki lɛfɔ nwu kafɔɔ.8Kamanu ɔlaa wɔ di Saate Yaa nwu mabuɛ nii;aabuɛ aatɛ alɛ abata atoko ɔkyɛ ole batii nɔɔ, baklekletɛ nɔɔ-kafɔɔ tanta ma baakple baabla sibuu.9Nwaako didiki nɔɔ ntɔɔtɛɛtɛɛ mba ninyɛkɛ nwɔ nii,alɛ lɛkpa nɔɔ kawɛ di kasɔ loo suoto.10Lɛbɔmbɔ ku onukwale nkyaka;ɔsaabla tinini ku atoko ɔkyɛ ole mminiko bawo.11Onukwale ntaa kunkye kasɔ,ɔsaabla tinini kafɔɔ nnyu aankyeko osi.12Nwaako Saate nwu kamata nle ninlɛ nii,kasɔ loo kafɔɔ kamalɛ alesaa nwaa.13Ɔsaabla tinini nleko nwɔ katũkunlolaa osuku kunta nnafukpaa nɔɔ.The Seed Company